有D難 因為住同一區 好近
一出街就有大d機會中招㗎啦，同一大廈咪可以因為公共空間感染囉⋯⋯尤其老人家
其實我諗唔到點解係阿嫲就可以日日去睇孫，有乜咁親嘅血緣關係？
個屋企係你，個仔係你，唔比日日就唔比日日，你估我好得閒？
3個讚
我絕對唔會比任何人日日上我屋企，你係奶奶又點？咁我舅父表舅公外甥全部都有血緣關係，係咪可以逢星期六日逐個上嚟抱B？如此類推
7個讚
我覺得佢冇做錯咩冇理由唔俾佢見孫
不過見得密又另一回事，你搵啲疫情原因或者話想自己休息下叫佢定期上黎一兩次咁
2個讚
你要改變下你嘅心態先得,嗰個係你奶奶,都係半個阿媽
我見親奶奶都有不良嘅感覺，住咁近好難阻止佢見bb，最多叫老公同佢講唔好日日上嚟
1個讚
我覺得樓主又無話唔俾奶奶見同湊孫
但日日上嚟，嗰種感覺真係好煩厭
唔好話奶奶，如果我媽日日上嚟，我都唔想（利申：同家中兩個媽媽關係良好）
1個讚
我好明你，我都唔鐘意我99又煩又嘈，成日俾說話我聽，好彩嘅係我老公都知佢媽煩，加上我哋住得遠，所以煩少D，但都一星期見一次，每次我都唯有扮傻咩都聽到，求其應下佢就算。共勉之。
1個讚
其實一星期一日已經好比面啦，大佬一家一戶啦，日日打搞人哋好唔好意思呀？
好簡單，你老公如果唔覺得有問題，我叫我阿媽日日上嚟或者你老公喺度係咁上嚟，等佢自己feel 下囉
仲有我所有同個B有血緣關係嘅都輪流上
睇下佢點？
2個讚
我超級公平，even我奶奶冇乜嘢，但只要我要去奶奶食一次飯，我老公就要陪我返娘家一次。絕對冇多冇少
我唔知我對男家有咩責任要見，我淨係知你要見你阿媽，我都要見我阿媽，你見幾密我見幾密
結婚十幾年從不例外
3個讚
咁就要三思啦，一陣被99發現左，個關係就返唔到轉頭架啦⋯⋯
都係嗰句，睇下塞幾多啦
其實你只係唔中意佢日日上黎啫，佢唔通氣，你咪講下想要自己同bb既私人空間囉，唔出聲係解決唔到，只會令你愈黎愈憎佢。
1個讚
唔好介意，樓主係咪生完無耐？
可能有少少產後情緒影響到你向負面方向諗。
試下同老公講湊bb 都攰、想休息多啲，但99 上到嚟又唔好意思唔招呼佢咁，提議99隔日、隔幾日先上嚟一次，最好就老公係度先招呼99上嚟。
唔好講明唔鍾意99，要講到自己好想做好、但真係分身唔到，希望老公可以幫手咁。
5個讚
我老公個阿媽同我冇血緣關係，嚴格嚟講絕對疏過我自己親戚e.g. 由細到大到好錫我嘅阿姨、表兄姊，我好清楚我定位，我老公一早知，佢唔會惹我
如果奶奶對我好，老公識做，我一定孝順，老公如果唔孝順佢阿媽我會炳佢，例如生日又唔記得，由得佢用 level 1口罩出入街市，我都有炳我老公
但如果佢煩到我屋企，老公又唔幫手，我一定自己嚟，理得佢係天皇老子。我自己阿媽煩到我屋企或搞著我老公我一樣剷
我唔知咩叫婆媳關係，我淨係知任何人煩到我一定自討苦吃
3個讚
呢招我用過，好work
你真係好，唔係好多人似你咁有良心。
有感而發，借樓主少少位。
我家姐自從嫁左有錢佬之後，廿幾年黎自己娘家連節都唔會同我哋做，家用俾亜媽俾得1千，日日就同夫家食飯開party打邊爐家族一年4次歐洲旅行，我做妹一次都冇被邀請過上佢個大宅坐下。
連親戚都睇唔過眼，買個手袋十萬八萬，親娘想換部冷氣都要俾說話聽。
有時唔到我唔心淡，講咩親情，有錢有老母。
唔係親身體驗，都唔信人真係可以做到咁。
原來雜誌講嗰啲嘢係真係會發生。
你係你，樓主係樓主，如果樓主好似你咁硬朗就唔會唔鐘意99成日上黎都唔敢開口同老公講。
題外話：你個世界真係好，1+1就一定=2
如果定時你bb鐘意左個你唔approve嘅人，你係咪要拆散佢？
1個讚
原來真係有啲咁既人 
寡情薄倖