無錯,總覺有競爭咁,但反而我好主動介紹 
其實 fb 都未必見到面,第一次都係靠口碑!或自我老吹!10幾年前 fb 都唔流行,反而嗰陣中介網仲流行,而家邊度都有,大把任揀啦!
中介的問題早喺fb流行之前已俾傳媒一而再，再而三咁報導過，當然你講得啱，現在的家長根本唔需要，以至可以話唔應該再靠中介
1個讚
而家無人介紹,白撞下囉! 唔啱再轉,揀到啱為止 
但作為家長,比錢中介定老師,都係比咁多錢,無多無少,所以問題唔大 
反而師資質素,真係搵實體店白撞定搵中介,都無保証架啦!反正都係要2邊夾 
“作為家長,比錢中介定老師,都係比咁多錢,無多無少”
此言差已！ 家長們好多都冇為意“ 水漲船高”呢個簡單道理
正因為中介“全食”的是導師開始時若干堂的學費，
所以在有利益的誘因下，
明明可以150/小時的學費，
會夾到起碼180， 以至更高
更離譜的中介，會完全唔顧商譽，
在“食佣期”完後，千方百計向家長“落藥”,
唆擺家長換導師呀！
1個讚
未試過比人叫換老師,用過中介 ok!如果老師 ok,補得好又夾到,唔介意出高價!反正目的都係想搵到夾到好老師!
當然有 case 係如你所講,暫時我未試過呀!
仲有一樣嘢：經中介的導師係冇scrc
(全名： sexual conviction record checking),
即使佢哋有意識想辦，中介都唔會幫佢哋搞，
結果就係好多家長喺唔識的情況下，
唔理自己小朋友係男係女，
以至佢哋本身喜好，
都只係會考慮女導師，
咁就好有可能錯過咗教得好的男導師嚕
唔好意思,我以為你個 topic 問下用乜方法…
點知似係一面倒話中介唔好咁
講真,問人意見,人人經驗不同,總之我用過中介就 ok!
言談中,我唔覺你有用過中介,如果用過,唔會連男女老師都唔知都會去揀囉!
我諗你真係誤會咗我意思嘞，
特別係最後兩句，
至於中介本身呢，
我個人就真係唔會去用嘞，
只因太清楚佢哋喺經營方面的陰暗面，
仲有一個好顯淺，
而家長好容易忽略咗的常理，
就係教得好的導師往往唔會靠中介接job,
除咗係自己唔懶搵學生之外，
仲有就係不屑自己勤勞成果俾中介剝掉一份，
所以，家長透過中介搵的導師，
我唔敢講話一定係唔好，
但一定唔會係理想嗰批嚕
我都係透過同學仔媽媽介紹，覺得ok 就繼續補
我自己係靠人介紹再加上網搵，有時最緊要都係同小朋友夾唔夾，要交吓學費比小朋友試吓先，小朋友返得唔開心，課程幾貴幾出名都無用。