我會唔要小朋友，因為自己無咁既能力同好既環境。
我老公好多方面都比我好，所以小朋友跟我老公會好過跟我。
1個讚
前題係有人性嘅父母，咁就視乎跟邊個有更安定生活，更適合成長，一切以小朋友最大利益為優先。 今時今日都唔使講後父後母嗰d, 香港細路也不是省油的燈
1個讚
聽過有個離婚女人唔帶自己個仔走
未離婚前已經成日打仔
我情願佢唔帶埋個仔走好過
我有幾個朋友（女）吾要d小朋友，話自己照顧吾到，跟爸爸有嫲嫲湊好啲喎。
我FD個EX老公以前唔理個小朋友,到離婚時為左唔俾我FD好過,竟然力爭個小朋友,好彩最後都判左俾我FD,但條賤男都爭到好多探親權 
,最PK係最後佢話自己欠債,問個官可唔可以唔俾湊小朋友錢我FD
父母都有份，兩邊都可以要返，冇話一定要女人要，唔要就係唔啱
只係母愛通常偉大啲
3個讚
其實外國有可能判50/50撫養權，父母各湊一半時間
係香港土地問題，冇可能兩邊都留空間俾小朋友，先逼住只判一邊
點都要返個小朋友，係我命根
乜唔係邊個照顧開就判俾邊個？
如果個老豆搵開錢但長時間夜歸、唔返屋企，個仔唔肯跟佢或者唔知點湊佢，咁點算？
1個讚
我識一個搭上有少少錢嘅就連個囡都放棄，想同個已婚無兒女嘅新歡生一個。
我識個仲勁，掉低個女係娘家唔理，自己再婚生小朋友，唔認個女，大左都只係認做外甥。
好憎呢啲自私精，唔要都算，唔認呢下真係好仆街。
生仔可以生完就算既，唔洗盡責任，動物都唔會咁，呢啲人真係豬狗不如。
好彩個小朋友冇長歪，以家都生活幸福。
2個讚
我識有2個cases
- 大女個親生老母認佢做妹，再生兩個仔叫家姐做阿姨
2）舊同事生咗兩個女唔想要想掉佢哋去保良局，之後佢Resigned 喺Facebook 見到佢結咗婚生咗個仔，成日一家三口哂幸福，唔知兩個女去咗邊
1個讚
一定有報應囉，聽到好嬲
2個讚
同問。
如女方是家庭主婦，無錢，要睇精神科。男方有工返，但在家的時間唔多。男方的父母都有D錢，都算錫d孫，但會偏心個大外孫。
咁嘅case，有可能會比邊個？
我一定會要
離得婚即係我對另一伴已經冇哂信任
2個讚
一定選擇要番自己小朋友！
唔係人嚟嘅 
睇環境，被阿爸都冇問題，但做阿媽唔認自己仔女邊做得出
我老公有時鬧我貓曳話唔要佢哋我都鬧返佢話傷害啲主子心靈
我父母湊都冇幫我湊過
點解認佢係外甥？咁都做得出懷胎十月咁辛苦曬出嚟
睇落呢啲人都幾自私 不過佢實有佢嘅苦衷嘅
都係判畀阿媽喇，我見好多阿媽都有睇精神科， 曾經有個社工朋友同我講 ，香港法官主要判畀阿媽為主 ，因為講求母愛同埋長時間陪伴，有冇錢係其次因為有得申請綜援同埋有得選擇要求贍養費。
1個讚