靚唔一定多人追
反而平平凡凡先多人追
太靚會比人有高不可攀嘅感覺
可能啲男人覺得靚女難追，所以追晒啲普通嘅
我記得Kelly話過其實佢由細到大冇乜人追，所以嫁返初戀男友 
3個讚
係唔係個樣好女朋友果D
好人之常情嘅一般現象係，多人追自然會覺得自己「有得揀」，細個拍拖唔會珍惜，以致有所謂嘅公主病，所以靚女一般遲婚，如果婚後依然保持「有得揀」心態唔收斂性格，大多離婚或婚姻不愉快
而且靚女一般較少女性朋友（除非有錢女），通常諗嘢傾向鑽牛角尖
我諗起日本嗰隻黑寡婦，好多男人受落。
呢排上網有睇 Paternity Court，完完全全感受到多人追同靚唔靚、性格係冇必然關係。
1個讚
中學時期最靚果幾個，就係習慣咗由細到大都好多人追有好多attention，所以冇咗愛情會死
最後通常好早結婚又好早離婚，或者三十幾已經有幾個小朋友5同爸爸
1個讚
由細到大都冇乜朋友。
讀書個陣比d女同學排斥，話我發姣。
出黎做野去左女人行業，又比同事針對，份份工都過唔到試用期。
1個讚
你又講得啱，細個嗰時，大家都估最靚女嗰個fd一定最快結婚，而最唔靚嗰個就無人要。
點知最後係大跌眼鏡，最唔靚嗰個係最快有拖拍同結婚，最靚嗰個一直都單身
我年輕時都嗒得杯落，都幾多人追，不過我唔會收兵，唔合眼緣我好斬釘截鐵。
多人追有時都幾困擾，試過比痴情漢跟蹤，試過明明係"兄弟"向你表白，之後我冇野，但佢面皮薄，做唔返兄弟，好可惜。
江嘉敏
冇辦法
女人係善妒嘅動物
太有威脅性
佢哋咪喺背後同其他八婆仔討論下囉
好多靚女最後最後都係愛情失意。太多選擇，冇珍惜到。但後生點抗距咁大誘惑吖。
明白左呢個道理之後，可能已經太遲。
純分享
唔覺自己靚，氣質搭夠個款。曾經有男仔問我，係咪因為靚女太多選擇，所以咁遲結婚。
其實大學同出黎做野都keep 住有人approach ，可能我係高傲型，又唔識比signal 男仔，所以好多都只係偷偷望偷偷看，又唔敢好熱烈追求，雖然有自己鐘意，都無疾而終，我一直覺得自己戀愛運馬馬。直到20歲尾遇到依家老公，佢係成熟進取型，就一擊即中，識左兩日就拍拖到後來結埋婚
2個讚
我又唔覺得我識啲靚女特別奄尖，反而係唔太多人追先真
仲會有陌生人忽然走埋黎講小姐其實我想識你好耐/亂咁搵藉口同你熟/搵你拍廣告
最麻煩絕對係同事。
其實生得ok係有好有唔好，但根本上性格/命運決定一切。
我有個fd，5短身型，冇前冇後冇樣，嫁得不之幾好，老公高大靚仔富貴，生對仔女似哂老豆。
羨慕死我。
2個讚
避又唔係，拒絕又唔係
日日見好尷尬
我識嘅靚女都多人暗戀但無人敢追
佢哋靚過港姐
2個讚
等 寂寞到夜深
夜已漸荒涼 夜已漸昏暗
莫道你在選擇人 人亦能選擇你
公平原沒半點偏心
我以前公司都有個靚女同事係咁、同佢或者另一個著得清爽嘅同事去食開間茶餐廳食lunch個檸茶底都會重新沖過。
不過都成十幾年前嘅事。
我share下我個case：
同我老公相識時係我最唔靚既時候，因為個陣份工日夜顛倒，皮膚差，但佢好似無咩所謂，咁我覺得佢唔係淨係睇樣，就覺得佢都ok，因為人始終有一日會老嘛…
後尾我慢慢變返靚，換唔同職場工作都會有其他男仔approach，但我會feel 到個d 男仔係因為我既outlook 而對我有興趣，因為佢地都無同我真正相處過，就已經對我表示好感，浪漫d 講可以話係一見鍾情，但我覺得其實只不過係睇樣，見靚女有邊個男人唔心動？
仲有一點好重要係，我認為工作上唔過分利用女性魅力會比較好，除左係唔想惹嚟同性妒忌外，更難處理係d 男人經常公私不分，你可能會因為靚而得到優待，但咁樣並唔係因為人地認同你既實力。個人認為係職場上既衣著裝扮絕對係一門學問－smart, chic yet approachable。
Anyway, 我同我先生今年10週年啦，雖然依家無左以前既青春，但希望可以多份自信優雅啦！
6個讚