紫微斗數同風水果d我唔識睇 
睇相就反而以前有睇書研究下
我都唔識呀
自己google下咋
1個讚
「兄弟宮」之延伸定位是指向男命之岳父母或女命之公公、婆婆的徵象宮位，所以女命從兄弟宮裡坐星表現便能窺知進入夫家之後，是否會遭遇「婆媳過招」的劍拔弩張？是遇到惡婆婆或是幸運的遇著會疼惜媳婦的好婆婆？
兄弟宮為沒主星的空宮：
很有機會在婚後能與夫婿共組小家庭，而不必與公婆住在一齊，所以在尋常日子裡不用天天擔心公婆的臉色，只是別忘了適時的電話噓寒問暖，以及特別注意在與公婆聚會聚餐時的表現，如果表現良好時，那麼則能贏得常年的「長治久安」。
有得住咪算好，無你份住，要你供，供完攞去加按，再供過，最後完全是奶奶一個名，我經歷過，唔依佢意思，要生要死，佢老人家有咩事，我又擔當唔起 
你老公一定好孝順⋯
都唔係，但當時無得選擇，佢亞媽要生要死，邊有得揀
嘩,你奶奶最惡劣
仲有更多惡劣野，講都講唔晒，只識向錢看，算自己個仔要算到盡，唔方便公開講咁多，總之家家有本難念的經
輕微既都可以講下，結咗婚不同住，做亞媽既都總想仔、孫多D返去食飯探佢，二十年前比5位數字家用佢，（當然佢要求），我哋一半人工比咗佢，佢會開到口返黎無問題，但食完飯先返，唔好返黎食飯。
又試過我同老公去咗旅行，31號晚機到香港，返到屋企半夜三更，佢知道架，第二朝係1號，朝早七點幾我同老公都未瞓醒，電話就到話月底都仲未比家用，今日已經1號…
仲有好多更離譜更大單都未講，唔想公開講怕太揚
仲要我一家5口，住300呎，因為屋企細有人要瞓廳，但唔係因為我哋無用搵唔到錢，而係要幫佢供樓，所以我哋自己無多餘錢買大D，但佢一家3口，住2XXX呎複式，連工人房5間房，連工人廁所有4個廁所，兩個廚房，還要不是新界區，而是市區樓，就可以想像得到我奶奶是一個何等厲害的人
下…你奶奶如果死左,層樓俾邊個?
呢啲同用死威脅唔分手一樣，你唔夠膽反抗就俾佢食成世
唔好介意我衰啲講句，係我既話會大佢，叫佢想死就去啦，否則我相信遲早到你地頂唔順
最憎人情緒勒索
2個讚
yes
呢類人真係好討厭
1個讚
當時佢嘈到打電話去我老公公司，我老公又啱啱轉工，又驚佢嘈上門，佢又因為咁激動到入醫院，可能好似你咁講，我應該硬起心腸，但個下我真係做唔出 
唔知，佢應該有立遺囑，但未必有我老公份，因為我老公仲有兄弟姊妹，而有個係佢最錫，我估留比個個
其實唔係你應該硬起心腸. 係你老公.
- 一係你老公硬起心腸.
- 你老公硬唔起, 卻要你陪佢一齊捱佢阿媽, 係佢唔啱. 佢唔識反抗, 就應該要放生你.
大部份奶奶對於身抱都唔係好人, 但係老公應該要識得劃清界線, 責任全在老公.
唔識同奶奶劃清界線唔好娶老婆害人…
又咁講，我唔係話幫住我老公，不過佢做之前都有問過我，我有唔反對我老公咁做，如果我反對，可能我老公就唔會咁做，但可能比我奶奶嘈到份工都無，或者已經激死咗我奶奶。所以我話我都有份硬唔起心腸，但當時情況係佢日日嘈，又可以三更半夜打電話黎嘈，又打去我老公新公司嘈，亦話會上去我老公公司嘈，唔肯仲一哭二鬧三上吊，激動到心臟病發入埋醫院，個下我真係好驚，所以就應承咗佢。
唉！其實唔止樓呢單野，咁多年仲有好多單野，我老公都覺得佢亞媽好離譜，但佢確實真係一個好厲害既女人
其實就算佢對住我老公，好多時都唔係好，我老公自己都覺，只係個個始終係亞媽
佢問你, 咪將你放在兩難局面. 你唔應承幫奶奶咪做左衰人.
係為你著想就直接企硬啦. 如果唔企硬, 佢咁樣條件娶老婆就係害人.
可能係啦！我老公係個種凡事都會問我，同我商量既人，可能有好，但學你咁講，亦都陷我於兩難，唉！不過我奶奶就手斷厲害啦！
1個讚