我好明白呀，我ftm 左半年，呀b 又係好扭，做唔到好多家務。奶奶雖則無咩野，係溝通唔到，同佢相處有壓力，所以盡量避開佢。未生仔前，同老公感情好好，但b 出世後頭2 個月我地真係好多鬧交，因為男人唔明白，用錯方式去關心老婆、只諗到自己（放工仲掛住打機、行街、訓覺）仲未tune 身份轉變，唔理解老婆難處，我當時又喊又鬧，成個人好唔開心好忟，最後要畫公仔畫出腸講我嘅要求。請左家務助理，一星期黎一次，飯唔想煮就叫外賣，又成日洗下腦要佢幫手湊下b （呀b 好似俾爸爸抱好開心喎、訓練下做家務（ 洗奶樽、洗下衫）。要軟硬兼施，但首先要搵人幫下你手，有返休息，先可以再同大寶小寶作戰！加油！
平心而論，我頭個兩個月陰影仲係度，我已經唔想再生bb ~ 佢開咩promise 都假 ，
不過就算最後老公都係無變好，個時我都諗我自己都可以養呀b 怕咩，呀b 又可愛，做唔到夫妻就當我問佢借精，生左個咁得意bb我都夠啦 
睇得出佢已經開始唔識尊重你，再咁落去佢只會嫌棄你，唔會再有愛
快啲出返嚟做嘢，自愛自信嘅女人嗰種光環，佢睇到之後對你態度會唔同
我都係咁諗 
所以我老公而家有D驚我唔要佢 
試過攰到暈左，佢都只係叫我係床休息陣，野照做
試過發燒，亦都係照做
放假照顧bb時間都好小，但會做曬家務
放工返黎食完飯其實bb都差唔多訓
其實都有產後抑鬱
覺得老公都有情緒問題
大家困係間屋日日都好多磨擦
一有咩唔岩佢聽就會好惡咁喝我
相反佢同朋友就話係我成日發脾氣黑面
我都想好似你咁樂觀
不過我都係咩都試過
而家有時佢肯睇一陣bb,我就話去煮飯，佢又串我話，唔洗喇一陣你又話攰喇
其實我攰都係一個事實我亦都無再要求佢幫我咩
仲要講呢啲說話真係好打擊我既情緒
感覺而家已經無，可能只係為左bb唔離婚
生bb係計劃之內嗎？學費係指d 咩？自己有無savings？
你依家開始搵工加請工人，工人未到之前請家務助理幫手先，叫你老公俾錢，佢依家份家用完全唔夠cover屋企開支。
自己人生自己話事。
你bb先咁細，幾時挨到佢大個？你都要照顧好自己先
唔算係計劃之內
我本來半工讀緊，因為有左bb而辭職
都有儲蓄
而家同佢溝通唔到，
佢覺得我根本唔需要家用，日日係屋企唔洗用錢
咁屋企開支都係佢比
問題係大家已經唔想再對住大家
我都盡量咩都唔理當自己單親咁湊
但有時好普通連bb著咩衫佢都要發脾氣
我都好難再忍
我明呀 唔好比佢影響到你同BB嘅心情
比說話你聽嘅人最唔想你心情好 我心情在於我自己 有BB 同你笑同你錫錫心情最好
上來 BD 有嘢就無聊笑吓
讀書學到新知識又開心 加油啊
咁你要認真為自己打算，離婚係唔係你既option？係既話你要諗定分資產，贍養費等等
娘家幫唔幫到手？
你老公真係衰到不得了 
係我就順勢話「好啊咁我休息下」
最怕係夫妻間都要講野有骨
樓主你好好鋪排將來搵返工條路，因為真係好大機會會離婚
係咪結婚前都係咁？
駛唔駛咁單單打打?!
佢都痴痴地, 樓主你隱忍一下, 積聚自己嘅實力, 搵到工搵到後路就同佢攤牌
為母則強, 加油!
可唔可以唔養寵物？
養左唔通棄養
娘家暫時幫唔到
其實唔想小朋友單親
都想諗下有咩辦法渡過