我自己一湊二，無工人無長老幫忙，完全明白你苦況，小朋友8個月仲好細，好好計劃請工人的安排，再同佢講，唔好俾佢講兩講就嚇窒你，好堅定咁俾佢知你個plan
佢再用辭職嚟大你，就叫佢有本事唔好做，都唔好痴心妄想靠老婆養起成家
而家係佢唔行埋嚟傾，問題喺佢度唔喺你度，一個家要有計劃同妥協先行到落去，從來都唔係靠大聲夾惡就得！
3個讚
其實佢點解唔想請工人先？
你去做嘢揾錢自己比工人支出，佢照舊出返佢本身比開的，唔需要佢比多仲有工人用，佢介意乜先？
大男人
說不出的介意
好多男人都唔想請工人.
有個外人, 在家冇咁free. 又要俾空間俾工人訓. 反正啲家務湊仔又唔係男人做, 冇工人都係老婆做.
工人又做得唔好, 邊有老婆做得咁妥當. (老婆先係最佳工人, 只係俾老婆食, 空間只係半邊床, 唔駛額外俾薪水) 所以請工人對男人係負面影響.
9個讚
到時整係比夠學費佢，等佢感受下。
如果我老公講呢句，我實同佢開拖
樓主不如叫老公請幾日假，喺屋企湊仔做家務，你出去玩吓扮吓靚返外家，等佢試吓全職爸爸生活
有種叫佢辭職啦，你出去做嘢然後唔好請工人
鬧到你喊？你走佢自己試下湊，睇下邊個喊
2個讚
如果99 唔係幫手既，可以叫佢收聲同離開（如不同住），咁大個人唔洗佢出現指指點點。
顧好自己同bb，記住自己同bb 一樣咁重要！大人食外賣無問題最緊要食得飽，夜晚訓得唔好咁日頭bb 訓你都訓下，有時小睡半個鐘一個鐘都好。
家務既野做到咪做，做唔到就由佢先，老公睇唔過眼咪叫佢自己做囉，間屋佢都有份、衫佢都有份著、地下佢都有份整污糟。唔好因為佢既說話影響到你而揹哂上身，辛苦既係自己。
3個讚
我都係FTM一個湊兩個冇工人日日冇停手，做得FTM個屋企係你話事完全唔可以就任何人！
我老公成日同我講屋企亂又話唔齊整，我當耳邊風有心情先做！我唔係同奶奶住，所以佢有時想嚟見啲孫，我會有藉口唔比佢嚟！而家日日zoom上堂已經好勞氣唔想見奶奶聽埋啲無謂野仲勞氣！
1個讚
佢唔會，樓主根本俾老公食住哂。
做人太唔識反抗，好易進入萬劫不復mode。
5個讚
中 Point
番幼稚園就搵工人湊啦，全職媽咪對小朋友無咩好處
係呀,爆肌果套~
大部分都唔鍾意請 
Lol 原來係咁，真係沒咁諗過因為自身太懶但又唔鍾意見得到的污糟，沒工人會慢慢stressed out，開始對整亂整污糟既人發脾氣，所以我老公絕對感受到工人既好處。
強烈建議樓主唔好做得咁好，同佢鬥懶，淨係顧掂bb同自己，不斷同佢講好忙好忙好忙。知道樓主不懂強硬，唯有就用軟功加其他方法。。
warn定你老公，要幫bb報名學校，到時要幾多學費，興趣班又幾多，BB保險等。。你話驚佢大壓力，問佢好唔好趁而加bb未太需要你睇學習進度時，出嚟做野儲錢？
另外，對住奶奶，你強硬唔到就扮傻兼對佢耳邊風，叫奶奶教你，等佢自己做埋。
我都唔太識軟功。。望有其他jm過你2招。。點都好，你老公唔識錫你，你就更要錫自己呀！！唔好比佢大到。
3個讚
樓主首先放鬆D先, 湊BB又可以話易又可以話難, 睇你想點安排, BB 8月個基本上係食同瞓, 你人奶定奶粉? 餵奶粉舒服好多, BB衫可以儲埋先洗, 污漕先用水浸, 一至兩日先開一機, BB瞓果陣你都要瞓, 爭取休息, 瞓唔到先做D簡單家務, 煮飯, 煮就簡單為主, 落飯煲蒸一碟, 淥兩條菜, 氣炸鍋又一樣, 火都唔駛點睇/或者叫老公放工買樣加料
總之所有嘢得過且過, 等BB大D情況會好轉,
我其實有D羨慕FTM, 可以親自湊睇BB成長… 如果你老公比夠錢你嘗試下享受做FTM, 如果唔夠就再傾點做, 你可以循BB讀書/出國要儲錢方面游說, 兩個人搵錢家庭財政點都鬆動D
1個讚
我覺得男人唔請工人，又唔一定咁難聽存心搵老婆笨，
1）一係佢就冇感受到做家務湊仔有幾辛苦，咁自然唔願意犧牲私人空間請工人。
所以有bargaining power或者夠惡嘅女人先會逼到老公參與家務勞動，從而老公都知老婆辛苦，肯請工人
2）明知做家務辛苦，都唔肯請工人，呢啲老公正pk, 對住呢啲老公唔可以做ftm
結論，無論係一定二，結果都係要企硬，唔可以俾老公話哂事，做死老婆，老公仲可能覺得老婆冇賺錢，冇付出
1個讚
奶奶係個可信嘅人嗎? 身體OK? 會唔會考慮比佢湊? 同佢講世界唔好希望搵多個錢 自己做嘢
(最好放佢哋屋企 到時佢湊唔掂就請個工人住佢屋企 為你支針)
一有時間就攞返做囡時D開心相睇吓 你係唔應該日日喊㗎！ 對BB長大都唔好 佢細細個就明白你唔開心 你要身心健康 BB先會開心健康
快D搵份工 搵到你老公無嘢講
同意 怯 就輸一世 請加油
2個讚
如果我老公咁講，我會話我冇問題呀
前題係你要做晒我而家做緊嘅嘢，湊b，做家務，買餸煮飯，是但一樣做得唔好我實會爆炸
家用我鍾意比幾多就幾多，而家我搵錢我比開支梗係我話事
如果佢話ok，我會叫佢即刻辭職，我即刻出去做嘢，我就放長雙眼睇吓佢頂到幾多日
2個讚
其實我同你情況差不多
Ftm
冇工人冇長老幫手
有貓主子兩隻
Bb而家1歲
冇乾衣機冇洗碗機冇掃地機械人
但係我都仲煮到飯，差不多晚晚煮
一個星期出到一兩日街，有時帶埋b落街行下，星期六/日我可以放假自己出街行吓或者約朋友
仲有時間煲劇，上bd
雖然自己湊b都覺得有好困身嘅時候
但我都仲有少少時間可以做下自己嘢
你會唔會試吓manage時間，分配每日用幾多時間做家務幾多時間湊b，留返小小時間比自己
1個讚