一定有解決辦法,開心D!我都抑鬱捱過左
我明白果種好氣頂既感覺
始終冇錢冇say
我已經叫奶奶唔洗黎,老公就話我唔肯磨合係我問題
所以攰都係我自己攞黎
佢根本離曬地
你一定係出返黎做嘢!
你老公唔係比你做FTM
係當你係免費工人
我係諗住請
但老公唔肯
講到嗌曬交
如果我單方面請既9成會日日嘈
係呀真係好辛苦
而且比人覺得付出既都係應份
冇話一句比我休息下
我休息左幾個鐘已經比佢鬧
怕乜嘢!
係佢無理自己要嘈
Sorry樓主你老公好自私,擺明係豬隊友
你一定要自己搵錢keep錢呀
你之前做嘢時有無儲錢?
佢冇本事要個老婆享福叫佢收嗲啦
想慳唔請工人老婆做晒唔係問題(假設有財政壓力),咁唔該放工幫下手,另外搞掂佢老母
而家仲大你?好呀佢辭職囉,我即刻搵工,然後比個weekend佢自己湊下,睇下佢有冇咁型
老公完全唔可以1個人handle
會湊但唔可以多過2個鐘
我連同朋友傾電話都冇時間,更唔好講話出街
離家出走1個鐘啦
佢真係嚇我
唔比我做返野
又話我人工唔夠佢高,出黎做野有咩用
bb8個月了
佢掟就請個工人「服侍」你同BB啦
佢有大爺病!
幫佢生完,放棄工作,湊仔仲要你磨合佢老母?佢冇L嘢呀嘛?叫佢自己湊幾日,你阿媽上去點佢,呢個世界公平啲就得
我阿媽一湊三,但佢好強勢,佢同我老豆講:你係咪都咁做嘢,我生一個十個對你都係一樣(工作冇得變),你冇乜犧牲。但你要我生三個對我好大改變,你唔信試下湊囉
我老豆即收皮
世伯都算明白事理
樓主老公未必
你即回應:你人工都不見得高丫,工人都請唔起
睇你講唔講得出
香港有啲男人冇承擔又度縮,最衰又唔係十幾廿萬一個月,公一份婆一份點解要受氣?而家你 ftm 唔係因為你冇本事,係因為你為頭家犧牲自己,你唔好擺自己去一個 inferior 位置
佢覺得自己好勁,好呀,佢湊下先囉。大男人要好有本事先好咁串呀
你記住:大男人唔係好嘢嚟,我食過屎,只嫁小男人
我都係ftm一打二,同數字人住但佢完全無幫仲要驚死你唔夠忙,我有做家務,搞哂兩個功課,煮埋飯,好坦白,壓力大到癲,好認同一定要企硬要夠惡,因為d人會食住上架!我諗湊兩個無哂自己已經好辛苦,仲要老公唔撐自己呢樣先最難頂住自己,每個角色都應該互相尊重,會唔會再同佢傾下,或者放低比佢地湊幾日返娘家住下,等佢地感受下有幾辛苦!
佢好大脾氣同大男人
成日鬧到我喊
如果我真係咁做應該會婚姻決裂
擺明蝦你
知道你淋呀
你唔企硬, 就俾佢蝦一世.
你企硬, 就算婚姻決裂, 都算係還你自由. 而且好大機會婚姻唔會決裂. 好少男人真係想離婚.
如果佢成日鬧到你喊 咁既婚姻要黎做咩?
唔係話想教你離婚 但係見你既回覆好明顯你已經被佢蝦到上頭頂
你試吓強硬一次啦 佢呢d男人就最驚 如果佢都係唔驚 咁你要諗吓係咪放自己一條生路