仲有, 千其唔好一加左人工就增加開支, 如果係咁, 就永遠都係跑輪上的老鼠.
試下儲錢, 學下投資. 投資起碼要花幾年研究, 越早開始越好. 但係唔好諗住投資可以發達. 純粹係學下學下, 到到4-50歲有啲信心, 到時萬一正職唔可以再做, 靠儲落的錢可以唔駛餓食.
我覺得現今世代, 起碼要有1) 正職, 2) 投資, 3) 副業或者一啲興趣/技能/進修, 先安心. 因為隨時四五十歲就冇得再做正職.
2個讚
總到野既, 有能力既, 總有出頭天~
1個讚
有時運氣都係實力既一種
升職從來唔係淨係睇做野能力
睇開啲唔洗太自責
我公司成日開升職位扮晒野IN下人，其實一早內定左
2個讚
唔好自責～ 病咗都唔想又控制唔到的
盡咗力就算，學上面講 焉知非福呢
拍肩
1個讚
平常心
你做得好好架喇
1個讚
樓主, 人生就係咁架啦…但要記住凡事一得必一失…今日你失去嘅, 可能其實有其他得著, 可能升到都未必係好事… 唔好氣餒, 今次病你都唔想架…再俾心機, 日後一定一定有個最適合位置俾你升上去… Add Oil…
1個讚
有無聽過魚唔過塘唔會肥？
一般靠轉公司先會有大幅度嘅人工加（15-20%）同升職
唔知你行頭有幾窄，但如果呢行前景普通，可以考慮轉闊少少
2個讚
唔好意思, 我知你係想呻下
但係睇到你咁講, 我只係諗到 明知自己病然後又頂硬上果D自私精
小朋友病都俾家長夾去interview
早排某大學搞考試 我朋友有份監試 唔少學生發燒 跌曬d panadol出黎為過探熱果關 朋友真係驚到腳震 
我想講的其他野, 其他人都已經提左
職場好多時真係唔止自身關係, 時/地/人乜都關事
辨事能力好, 又等如人事能力好嗎?
愈升上去, 人事能力要愈好 etc
升到職對你嚟講當然係一種recognition
但係可能又多緊其他野要你去應對
暫時未升到 有能力的遲早就到你
社會上好多事已經好負面 唔好俾自己咁多負能量啦
好好裝備自己等下次 
2個讚
我個升職試用teams meeting 架，我唔想成日呻鼻所以照食感冒藥。無影響到人但影響到自己囉 
thanks sis
1個讚
好好, SORRY, 我收返頭先所講嘅說話
加油啦!! 機會係留俾有準備嘅人
雖然你話你果行好窄 聽落好似難轉工
但同時間, 果行咪一樣難搵人 be positive!!!
1個讚
唔好sorry 啦！都係我驚人起到底先成日講一半唔講一半。多謝你地安慰我先岩呀。
係公司搵唔到人講，要扮唔care,上到黎先可以呻下 
你疊埋心水過完年之後認真啲搵新工啦, 傳統黎講個市會旺少少
睇完你個post 同回覆, 覺得你公司唔覺得你係佢地想要坐喺management 位嘅人. 唔好意思有少少直接, 但我曾經都係喺呢個位置, 感同身受. 升唔升到好多時同能力無直接關係, 要睇埋公司 / 企業文化. 覺得你做到野嘅, 最多留低你喺working level, 佢咪繼續出糧囉
東家升唔到, 就去搵個識欣賞你嘅西家 
唔開心嘅慢慢忘記佢, 花多啲時間準備CV 同interview 裝備好自己, 攞個靚offer 叻比佢哋睇仲好啦
3個讚
多謝你。yes 你講既都係我既不足，所以要改善下自己既工作模式，呢兩日心情放開左，返工係為生活好，如果因為工作唔如意影響自己情緒同生活就本末倒置左。 
能力只係升職嘅其中一個因素
仲有其他, 例如運氣, 老細buy唔buy你
如果老細buy你, 你有缺點, 佢都會"我唔知道, 我睇唔到"
如果老細唔buy你, 即使你有少少缺點, 佢都會將呢樣野無限放大挑剔你, 拎嚟做唔升你嘅藉口
喺出面拎下interview經驗, 從中了解下自己有咩不足, 再改善下.
如果你喺度等咗幾年都冇機會, 其他人比你快升職, 倒不如疊埋心水搵工, 升去第二度好過
既然老細唔欣賞你, 都無謂留喺度屈就自己.
最緊要係搵到一份比而家好嘅工先轉過去, 唔好為啖氣求其搵到份就走
相信你會喺出面嘅世界遇到你嘅伯樂, 加油 
2個讚
多謝你，我啖氣消左架啦，係之前對工作太上心，眼見太多小人咁快升到又做唔到野先覺灰心，而家會調整下心態，唔再搏，做好份內事算。我會搵下工。 
1個讚
放心，我身邊同自己都有好多塞翁失馬，焉知非福例子，咁你今次 in 完都有得著，正面諗：好運嚟緊!
1個讚
好多時小人先升得快
會唔會係老細覺得幾年唔升你, 你都唔走
更加覺得唔使升你住, 遲d先都得, 反正你點都唔走
anyway, 呢d地方都唔值得你留低, 比d耐性, 搵到份好嘅就走啦
而家唯有忍住先
1個讚
下次試過,一定會OK,加油
1個讚
哈哈 你又啱呀
真係小人先升得快
1個讚
係，我男朋友都話我好錯，之前當同事係朋友，而家人地利用完我個個上晒位就變晒面，我有一半原因想升到職係想話比呢班人知我做野係得，點知衰左我就有d 失落。
而家我男友話，個天話我知呢度唔值得留低，而家無得升咪係個「舒服位」度做住搵工，唔好下下再衝鋒陷陣咁去搏去為公司。
1個讚