有呀女之後我心理開始唔平衡，佢鐘意做乜就做乜, 我就做乜都唔得
都係架，我仔仲係bb嗰時，我簡直覺得我成個人脫左節，無哂社交，無哂自己時間
1個讚
最慘係唔夠瞓，我已經唔記得自然醒嘅感覺係點
長期斷片
好快你就習慣，無謂垂死掙扎，接受無自由既事實
我好似係上左岸，然後睇住你喺海度掙紮咁
俾個五我然後我會沉落海底那款
其實我發現肉體上既累，困住左無自由都唔係最緊要，而係心靈上，bb出世已經綁架左父母個心，咩都為佢先真係幾累，但又停唔到
我比完個五你會叫你加油！
其實捱到佢7-8歲，佢可以同你交流之餘又開始有自己思想會好好多，而家你可能覺得有排捱，但望返轉頭你就會發覺好快，由其返左學後，開學等聖誕，聖誕等新年，新年等復活節，復活節等暑假，咁就一年架喇
我同老公都安慰自己，捱多10年就冇得你捱，到時無人想痴住你架啦，而家要好好珍惜，要抱就抱
係呀，就講抱，我成日覺得趁仲抱得到就抱下，趁佢仲比你攬就攬多d，趁仲比你拖就唔好放
由其係男仔，到咁上下年紀就唔駛／比拖…
我個仔第一日翻學嘅嗰晚我即刻開左支酒飲(陀b後冇再飲過)
笑死
我仔幼稚園返半日，捱三年上到小學返全日嘅第一日，送完佢返學我係彈下彈下咁返屋企，到佢完全可以自己返學放學，即刻約k lunch
可以放手比自己有少少自由時間真係開心到飛起，但上年開學冇耐，9月中又開始煩到我係咁甩頭髮(比我無意中發現間幼稚園日日要小朋友唱中國國歌，唔唱就逼佢企喺度唱，我仔喊到勁無助，個老師仲要捉住佢企喺度唱)
順德聯誼總會梁潔華幼稚園
第二日已經即時退學，周圍揾學校揾左成個月先揾到有學位嘅黃幼稚園
痴線！比我都會即刻轉校，你呢間好似之前都有人講過
其實我唔期望學校會黃到出面，由其幼稚園小學，但都唔好紅唔好奶共，亦唔好要迫我仔奶囉
我話佢對咁細個小朋友洗腦好有問題，個校長仲死撐話:我地本身係中國人，呢啲係正常活動
我話我地係香港人，如果係中國人，淘寶做乜唔包香港郵，個校長就話呢個係經濟問題唔討論，on99咁
佢地仲話得十一嗰三個禮拜會唱，之後唔會再唱，但有朋友同我講到未停課前佢都仲係日日唱緊
剩係個細路唔唱d老師仲要迫佢企喺度唱已經好有問題啦！
奶共奶到搞小朋友真係好仆街