感恩自己啲小朋友都算ok,見好多小朋友啲同學仔無心向學，有行為問題都幾頭痛
種咩恩得咩果，每個人都有自己煩惱。同理心多少少，可能可以幫到個亂世少d紛擾。
2個讚
真心唔好生咁多個，正常都好，萬一有SEN就慘了
可能個印傭都頂唔順三個先走
1個讚
其實如果唔係個疫情，
就算工人姐姐走咗，無人幫，一打三，曳，係好大壓力，但都未必有咁大威力去到失控要勒死個親生仔同自殺，話晒講曳個仔應該都唔係第一日曳⋯⋯
呢個疫情最厲害嘅，係你日日望住啲冧巴死命唔跌，又要驚死又要怕悶，終於回落返少少又俾啲群組打返爆曬，又瘋狂洗手捽手撲口罩⋯⋯
真係好攞命架
好多人都真係話一打開個電視見到啲數字就情緒波動⋯⋯
我通常就叫佢哋唔好開電視，自己做好個人衛生就唔好理佢邊度爆、有幾多case、死咗幾多人⋯⋯
但嗰啲唔出聲嘅，點勸？
RIP
個仔仔俾自己媽媽勒咗兩次已經夠心靈受創⋯⋯ 希望佢有足夠嘅support治療啦⋯⋯
4個讚
我都好明可能因為7歲兒子讀小學，學業壓力真的比幼稚園大很多，媽媽仲要教3個，真是有抑鬱而不自知
我小朋友的學校本來放學後有功課輔導班（綜緩/低收入家庭）現在用zoom上堂，全都取消了。我見有同學仔去家長whapsapp group問功課，而家長們都好好，識答都會盡力答。
當然我最擔心是他大仔的心理狀況，被媽媽追殺兩次，之後媽媽因自己自殺，這應該會造成陰影
4個讚
Agree!
家陣唔同一般時候，d細路有學返已經差好遠，ftm有時間做下家務甚至me time. 唔係點會每年暑假d家長會鬼哭神嚎。而家唔止要自己全天候湊晒，仲要跟功課，照顧三餐，仲有循環loop嘅家務。最慘係連帶小朋友落街去公園玩都唔敢！細路們精力無處發洩，香港地屋又細，嗰種困獸鬥完全想像到。
所以希望大家多少少同理心，少d批判，多d關心
8個讚
佢地仲要有經濟問題
1個讚
大家有啲乜上嚟呻啦，大家係女人唔好咁mean對女人
我自己生一個都頂唔到，所以冇生
知道自己唔係盡責嘅阿媽，又冇愛心耐性，咪累人
我諗起單慘劇啲仔女同個老公就陰功
6個讚
我同意你呀～
我屋企收入夠養兩個，但我同老公收入有大差距，我怕如果唔好彩其中一個早死會養唔起兩個…
所以生完第一個之後就無間斷避孕，唔俾自己有機會出事。
我覺得「居安思危」都係做父母嘅其中一個責任。
2個讚
而家無曬啲課外活動、無圖書館、爬架都封咗無得玩，真係無地方發洩
3個讚
對呀 連唯一放電位都冇埋 真係困死
1個讚
係，我屋企都有個小學雞，最近成日駁咀，我唔識教亦唔想去教，有一刻真係想由得佢自生自滅
返學都話有啲學校旅行、聖誕聯歡、有體育同音樂課外活動，而家乜都無，我啲細路仔大個都可以日日睇手機同玩遊戲機，咁細個真係無從發洩情緒！
自己難受 好易將唔好嘅情緒擺返喺小朋友身上 佢又唯有硬食 惡性循環咁
所以想玩就玩 想喊就喊 唔放心小朋友跟其他人 咪自己同佢一齊玩囉
活著先有希望呀
其實人辛苦唔會想死 係無希望/睇唔到前路先會想死
9個讚
我老公見到呢單新聞反應係話個媽媽好殘忍，會想殺左個仔。
但我睇完好予以同情，因為停課，功課，家務，經濟壓力無盡頭，如果唔係疫情同停課，佢唔使死。媽媽之前有返工，近幾個月先湊小朋友，湊小朋友壓力唔細，仲要三個都要跟功課（7，6，5歲)，激氣時真係唔係你死就係我亡。
連個老公都咁話佢老婆，邊個會可憐呢位媽媽。。。？sosad
但呢家風水輪流轉，輪到呢位爸爸硬食3隻小怪獸，希望佢捱得住啦。
1個讚
好認同。講得好中
其實我哋唔知內情，而且疫情令到佢地家庭經濟吃力，我相信個媽媽都唔想咁樣，唔可以單向咁怪責佢情緒管理有問題
3個讚