真係大把人咁講，連登好多年青人未體會過對呢單新聞講野好涼薄就算，呢邊比較多媽媽多d經驗，唔好咁輕易妄下判斷。
唔係個個媽媽都高eq, 都鍾意做媽媽, 或者做左媽媽之後可以train 高eq。死者既理智線已斷左先迫上呢條絕路，rip
15個讚
如果我有三個細路五六七歲
日日𥄫住佢地撞曬時間輪流幾時上zoom
跟三個人每日既功課
仲要買菜煮飯做家務
屋企又有經濟壓力
我都唔會頂得順
RIP 
8個讚
原來係㕔已經嘗試吊過唔成功
吊之前仲追住個仔想勒死佢，3個小朋友真係好慘，陰影實跟一世 ,個媽媽一定已經精神錯亂，RIP
3個讚
所以cap 埋圖，大家可以唔click
1個讚
諗唔通
佢應該唔知自己爆左，否則點會想殺個仔
就係諗唔通，之前又有工人又唔駛返工，而家冇錢又咁多嘢一齊爆
香港人有時又怕太熱情，又唔想比咁多嘢人知，所以有時都收埋嘅多
人死不能復生，唔想再去考究原因，佢哋屋企本經，真係佢哋先明。
悲傷已經發生，唯有警惕世人。
我本身回覆係for 另一位媽咪
自己都留意一下自己情緒
雖然好似有d難
如果唔知自己已經有情緒問題，
「注意情緒、睇開啲」其實呢啲全部都係冇用、佢哋亦做唔到。
我自己係過來人，以前又單親，一手一腳湊大個女，真係情緒出現問題果陣，係唔會即刻去理，只會覺得自己有壓力，到有意識去睇，其實已經唔輕微。更何況佢一打三
7個讚
當老師每日zoom時狂追功課，做得唔好時又鬧，仲會打電話畀家長追功課。
有d老師zoom完就當班小朋友學識，畀幾樣功課，最後咪又係家長教…
宜家有細路嘅基本上係做埋老師果份。
有乜可能唔癲？
6個讚
仲以為大陸新聞
今年已經試左幾單類似
上次有單開煤氣，上星期又跳左，又有燒炭，香港人真係爆左 
悲劇！
有幾多個媽媽未試過教小朋友做功課教到燥啊？！完全明白個刻嬲到震既感受！
相信佢心理應該受壓左一段時間
2個讚
真係要大人目睇開啲
而家健康就好
功課考試跟唔到就算、無工人ftm睇 3個、搞掂三餐都勁
2個讚
呢個真係悲劇。我做過幾個月ftm (其中一個月工人姐姐返左印尼)，都頂唔順要做返嘢。
FTM真係好大壓力，主要係為照顧頭家冇左自己，好似冇晒私人時間咁，如果加埋個老公唔體諒仲衰。尤其做過嘢既女士如果突然轉做FTM，真係好難適應。三個小朋友5-7歲…唯有自己學識放手，隻眼開隻眼閉，放自己一條生路。
5個讚
FTM加三個小朋友日日在家困獸鬥，如果遇上問題鄰居日日投訴/ 家人唔體諒/ 學校壓力/ 經濟壓力等等，真係好易鑽牛角尖。疫情爆發已經一年，幾積極嘅人都會有失望/ 脆弱嘅時候，以前可以約朋友見下呻下，當下唔好講見面，呻下都可能變得奢侈 (大家都面對同樣問題，還好意思呻嗎?)
10個讚
悲劇
一湊三, 真係要降低要求．