如果公屋有戶籍係出面有買私樓，必須要取消公屋戶籍。
2個讚
暫養證⋯⋯唔可以世襲，
即係十幾年前登記左嗰隻狗，
如果有一天 死咗 或者 戶主唔養嗰隻狗，
暫養證已經即時 失效，
單位唔可以再養狗，又或者用另一隻狗代替，
狗啲生命始終有終結的一天，正常一般都只有十多年。
所以到了今天，應該所剩無多。
未結婚前住公屋，斜對面住左個青山出黎，真係成日發癲，掟野，倒煲過期粥去你門口，用刀砍你對門，就算報警都冇用。
仲有同一層有十幾個弱智。
係呀
wfh 日日都見到有人扔飯盒， 好痴線
而家學識嘅係，住舊私樓要揀大廈維修得靚嘅， 因為暗示左業主冇咁自私先
聽講天水圍公屋住戶好多喺大陸收租每月十萬
我住過安置區、公屋、舊型私樓(大型屋苑)同新型私樓(都係屋苑)。我都想分享下睇法。
我80年代上公屋，十幾年前搬走，鄰居係三十年前新香港人，乜人都有，有友善既人，又有精神病患，不過真係好多冇公德心既人，除左富貴逼人入面果D，仲有人會響人門口去小便、偷人鞋、佔用人地門口位置…真係好各式各樣。但果時上樓既香港人好單純，我響安置區出世，比較下，上到公屋開心過中六合彩，所以冇乜投訴。
我買過幾次樓，所以住過唔同屋苑，都係中型至大型。大致可分為新(十年樓齡內)同舊(約三十年樓齡)。
舊型私樓(大屋苑，都係約三十年樓)，同鄰居有打招呼，多真香港人，質素普遍高，好多都係退休公務員、退休專業人士，有禮貌，連對保安都好有禮。雖然屋苑因年齡久遠有D舊，但鄰居質素值返晒，係我第一次感覺到同公屋鄰居既分別，搬入去幾個月，我已經有「原來私樓人質素真係普遍高D」既感覺。有冇唔好既鄰居？印象中其中一個屋苑有，係個老伯伯，響後樓梯拜神。聽講拜左好多年，但屋苑講到明嚴禁，不過佢成日偷偷燒衣。後尾有次太大煙有人直接報警，件事搞大左佢先冇再燒。
新型私樓(中型屋苑，十年內樓齡，都係地區地標，我成日自嘲係偽豪宅)，同鄰居都有打招呼，但冇響舊私樓住時咁多互動。年輕人多，有家庭客有專業人士，但都有好多強國人，仲要有唔少強國大媽…唉。不過佢地除左講嘢大聲D之外都冇響公眾地方做過乜嘢醜事，算係強國中有少少質素(我要求真係唔高)。
如果go back返樓主個主題，我可以用過來人身份講，鄰居質素真係有分別。當然唔係全部人都好或唔好，但我地講既係普遍，我既經驗係私樓鄰居質素的確普遍好過我住既舊公屋。不過我最懷念係安置區時既鄰居，大家都窮，但好守望相助，我阿媽都成日幫隔離睇住佢個仔；我走去人地屋企時佢地又會請埋我食嘢。雖然我果時好細個，但記憶中鄰居都係非常非常好既人。
另外屋苑質素呀、保安、管理果d就唔洗講，一分錢一分貨，公屋真係冇得比。
但會唔會因為咁自卑？傻啦，公屋係個起步點黎，如果有心/有能力改善生活質素，咪加油向私樓進發囉。我中學時好多公屋同學人生目標就係脫離公屋，就算口號係咁，但果時冇人覺得住緊公屋係羞恥架，因為大家都好清楚公屋係一個人基本住屋需求，有能力咪上居屋私樓囉(我地當居屋都係私樓，細個唔識分咁多)，果時諗法就係咁簡單。而且人人要求唔同，英雄亦莫問出處，自己唔需要為住邊而自卑。
作為一個前公屋人，我係咁睇。但我知道咁係好理想，因為社會好現實。我報學校時就知，朋友響九龍塘名幼教書，佢話睇form時會將公屋抽出。呢d就係現實。
另外，公屋同私樓對我最大分別係，一個永遠都係公家，我冇得留比下一代；另一個係我既資產，可以留比小朋友。同埋有私樓既人應該好清楚個遊戲，上車係難，但只要有一層樓響手，要開多間就易好多。呢度有位80後爸爸開過post分享過經歷，我就唔多講了。
講遠左唔好意思。但見到後生仔咁問，我又忍唔住話當年 
21個讚
真係好侮辱
呢個真呀，下下出律師信，我以前有個同學，住半山，嗰時仲係中學生，佢話夜晚唔敢用 printer 印野，因為樓下條鬼佬，話佢 printer 好嘈，出律師信俾佢屋企，窮人自己出手，有錢人俾錢搵人出手。
有權有勢，好似而家香港咁咋嘛…
唔通係針機 
好得人驚。
前排cctvb套東張西望都有講個類似既case，又係報警都無用。
娘家係舊私樓，一個月既管理費要$11xx，差不多係99依邊一半既租。
其實公屋一開始已經講到明唔比養寵物，仲偷偷地養果班人唔止違約，仲要係對狗狗不負責任。以前公屋有段時間執得好嚴，我見過唔少人棄狗狗保公屋。
樓主仲年輕，公屋出身唔係問題，反而一個人嘅志向同目光更重要。老實講，第時踏入社會工作上你會面對唔同人，假如我係上司，我有個啱啱畢業嘅下屬同我講「住公屋幾好呀，交租平又唔洗管理費，私樓d人咪又一樣有怪人，住呢度一世我都願意 etc」，我會覺得呢個年輕人睇嘅嘢比較狹窄
6個讚
典型亡國言論，初時我都以為呢個post係亡國人出，住公屋唔失禮，但覺得住到公屋就係人生贏家（或者自卑）呢種心態好要不得
係針機，都係好耐之前既事
唔止亡國， 連登都係咁講
同前幾年比， 而家嘅fresh grad 的確冇乜上進心
2個讚
細個我都住過唔同地方，絕對唔係要睇唔起公屋出身嘅人。但出到社會，由其係年輕人，你上司或者對你有更大期望，唔應該被人覺得你少少基本福利就滿足。
1個讚
人窮志不窮
身邊都有幾個公屋出身， 但買到私樓
公屋其實係一個好好既起步點。我呢D窮家子女全靠住公屋儲到第一筆買樓資金。我老公又係公屋出身，都有相同經歷。所以住公屋真係唔好浪費機會，享受平租真係應該努力儲錢。
唔係話一定要買私樓，離開公屋先叫上進。年輕就係本錢，有青春去揮霍發掘唔同可能性，去其他國家體驗下/去創業/考取專業/嘗試將自己興趣變成事業等等。人就係要唔滿足於現狀先會更上進。
p.s. 好怕聽到d阿媽話仔女一夠18就申請公屋，上到樓輕輕鬆鬆打份工生活無憂。
7個讚
要慳錢，十年八年一定買到私樓，不過係好舊嗰啲，但一步一步嚟，冇所謂。我第一層樓係好細，冇乜地方好好咁坐
但如果係單身，打份普通工，上車係困難嘅，比我後生時難好多
但我點都唔贊成讀完大學申請公屋同其他人爭，好唔應該
1個讚