但係舊式公屋嘅走廊真係污槽
新公屋乾淨啲
可能因為而家公屋多左好多新香港人？
夏天會，冬天就唔會，始終私隱問題。
夏天有部分人會開門，只係閂鐵閘。因為想通下風散熱，又唔想開冷氣嘥電。
可能大陸人啲素質真係低啲嘅。我有親戚係大陸人，有錢人嚟，有一次我坐佢架私家車嘅時候見到佢將啲痰吐落馬路度(幾年前)
細個住公屋，間屋有鬼，又遇過幾次色魔
真係嚇怕，不過啲鄰居又冇乜嘢喎
遇過最恐怖嘅鄰居，係住村屋，住我樓上果層
係一個獨居半傻男人，做事損人不利己，真係買佢怕
啱啱搬入去，我哋屋企架車泊向路邊唔阻人嘅
點知屋企架車連續幾日被抄牌，仲要其他車唔抄，淨係抄我哋果架
屋企人走去差館問，原來個傻佬日日報警話我哋架車阻街，啲差人話個傻佬出晒名麻煩，叫我哋架車泊遠啲
後來我阿媽同佢扮熟，先知佢話我哋裝修嘈，所以玩下我哋
我住條村啲小巴好疏，有時冇位司機會叫上咗先企一企，下個路口就會有人落車
個傻佬就成日昅住啲小巴有冇超載，有就即刻報警
又試過，個傻佬半夜三更㩒左平安鐘，警車白車消防車都黎晒
我住中間果層，同個傻佬共用一個門口同樓梯
啲人㩒佢門鐘冇人應，就㩒我屋企門鐘，夜晚4點幾我都即刻衝落去開門
我打開自己屋企門，已經聽到樓下啲消防爆緊門，我即刻嗌落去叫唔好爆，因為對門爛咗樓上個傻佬一定唔會比錢整
好啦，攪到大大獲仲以為傻佬有咩事，原來佢只係誤按平安鐘，佢仲識得出嚟開佢自己對門
第二日我問佢冇事呀嘛，佢仲話，我專登㩒個平安鐘架，咪由佢哋黎囉，玩下佢哋都好
邊有啲咁嘅人架
住私樓同公屋都會有質素低嘅人
呢樣係真。我99長期開大道門，拉起鐵閘嘅廉。任何人行過都見到屋入面。就算佢喺廚房整緊嘢或者入房訓緊晏教都係咁。
(利申，我係唔鐘意嘅。有人喺廳唔緊要，但佢唔係咁諗。老公又覺得冇問題，好正常
)
以前個個公屋都係咁，特別係井字型屋邨
如果識啲鄰居好多年都會守望相助既
3個讚
公屋，豪宅都有不同level 麻煩鄰居
我家人住豪宅，屋苑俾養狗，樓上嗰户任何時間有少少聲音都投訴，管理處必然要理佢，搞到一日上門幾次尋找嘈音來源，有人按鐘狗就吠，惡性循環。同埋呢啲有啲錢鄰居好鐘意乜都出律師信。
公屋
絕大部份鄰居好正常，但咁岩我住嗰户隔離成日開party，開勁大音樂，過左十二點都係咁，大聲到管理員拍門都聽唔到，音量係同層另一條巷都嘈到要投訴。同埋掉垃圾喺門外面(煙頭，飲品盒都有)，但我已走左，祝下一手好運。
結論係公屋住戶外表看似草根一點，但人品同質素未必低，豪宅住户外表看似高尚，但麻煩程度一點也不低，麻煩鄰居同見鬼一樣，不分地區，時運低就撞到
7個讚
我都唔鍾意，我喺廳好free，又會擘大隻腳坐
真心舊D果D真係多D,不過我朋友私樓(30幾年)都有痴線佬
1個讚
或者咁講，公屋有機會派比呢批有身體問題而收入低嘅人咁
公屋根本唔可以養狗，不過冇人執法咪咁
都幾多，試過出memo 唔比姐姐落去沖涼。有d人住客都落去沖，日日見佢拎個籃，拎埋沐浴露落去
其一啦
其二係，新一代唔識禮貌，唔會同鄰居social
我住嗰度，基本上都知同層鄰居姓乜，有幾多人
但又唔會太理人地嘅私事，大家保持距離
老實講我都唔會主動同鄰居傾偈，最多見到面嘅時候一句hi一句bye。如果人哋主動同我講嘢我一定會同佢傾，自己就唔會(我份人比較內向，話題又唔多，又唔識講笑話，所以比較難開口，我又唔知人哋究竟想唔想同我傾偈)
可以報警
有「暫養證」呢樣嘢，即係暫時允許飼養寵物嘅許可證。有部分公屋戶有「暫養證」。
有一日我搭lift見到有個女人(3x歲左右)嘅背包裏面有隻狗，佢肯定係冇「暫養證」，偷偷地養。唔知吠嗰隻係唔係佢果隻？
我都係咁，ok㗎啦
係有事發生先會多幾句講…
年頭講最多係…比人問有冇口罩多
（冇囉
漂白水就有）
保持鄰里關係，主要係怕有陌生人出入
唔好諗住靠食蕉，真係會食蕉