佢話管理員打電話比佢有臭味，佢都冇即日返去，幾日先返去
吓？咁我見個仔燒衣，咁都唔駛燒啦
咁當然，只想講呢個case 有好多嘢可以避免
呢類"照顧"出意外既新聞，無遇過唔易明白幾辛苦
有個弱智弟弟，唔識講野同其他人溝通唔到，但認路回家超叻
每日7 點前就出左門，唔知搭車去邊度行，曾經迫問過，佢手指地圖去長洲…聖誔節平安夜去蘭桂坊…啲做運輸朋友話係XX區見過佢…(仲之全部都要搭車先到既地方啦)，但中間食乜就無人知，夜晚7點前就會識返屋企食飯
新年時仲會有利是…
問題黎喇，如果佢係街到發生意外，俾大家既觀感係點? 咪就係屋企人唔理佢，任由佢週圍走，搞到人(弱智自閉既唔會明白原來自己某啲行為會搞到人地，啲利是點黎??)
但點照顧佢? 每天六點半就跟佢出門? 個個都唔駛返工? 唔俾錢佢? (可能不問自取喎，亦可能無錢返到屋企喎) 定鎖佢係屋企又似乎唔人道喎?
比較幸運係等到有宿舍，依家至少一至五留係宿舍可以分擔
所以呢類新聞唔會有感覺
9個讚
裝平安鐘 gps 手機…
其實這一年
這一類特殊需要
照顧者同被照顧者死亡的個案都多了
可能因為有D日間中心也無開
香港對ED弱勢社羣支援嚴重不足
家有SEN 仔，已有工人姐姐幫，佢冇學返，我都覺得很累
外人其實真的不能了解照顧者的辛苦
講返個新聞，係話佢地從未求助，亦無求醫，如果家人曾經幫過手，只希望將呢d意外減到最低。
明白嘅
但一家真的不知一家事
1個讚
Exact7ly
我有個情緒病家姐，病發會失蹤，報警啲差佬又係問你冇睇住佢咩
我嗰排真係灰到，覺得憑咩我要照顧佢，又唔係我生佢出黎，但係唔照顧又唔得。我父母處理唔到
我爸腦退化，又係照顧得辛苦，又唔忍心俾佢去老人院，因為老人院實綁住佢，佢見陌生人又會好激動好defensive
又係啦，憑咩我要照顧老豆，又唔係我想俾你生出黎
之後都認命喇
好彩家姐肯食藥，而家情況ok
請工人照顧爸爸，都算應付到。冇幾耐前過左身
而家托賴捱過左，總之我唔會生仔，人體就係咁脆弱，好易出錯
我呢世嘅責任 照顧埋我媽同我家姐就完
我以前同個唔係好熟嘅朋友睇一念無明，個朋友話覺得好慘，好似第一次知呢個世界有呢啲事咁，我話，我平時面對嘅咪係咁，好日常
8個讚
慘劇
呢啲回應，同失戀死老豆嗰啲，坐係隔離講"唔好唔開心啦"無分別
講返單新聞，有個平安鐘又點，單case咪變左不孝子唔理阿媽，由得老人家同個有精神病既女一齊住唔理佢地，咪又係俾人插
講我就更加唔關事，係講緊每日零晨三點起身發脾氣，連照顧佢既工人都頂唔順，老人院唔收佢，有個平安鐘又點??
細佬唔驚佢唔識路返，八達通入夠錢就得。其實係驚佢係街到做啲唔應該做既野，唔帶口罩呀之類…跟住俾人影埋放上網，我呢啲屋企人就係等俾人批鬥
對佢係有感情，但實在愛莫能助，只望佢生生性性唔好搞出事就算
3個讚
你要覺得係咁咪咁，每個人屋企都有自己問題。只差在自己有冇盡力去減少意外發生啫
呀, 啱啱掛住自己呻. 其實冇睇到樓上啲討論.
其實我覺得個"不孝子"係沒有責任的.
佢冇在肚入面求阿媽生佢出黎. 個精神病jm 亦都唔係個"不孝子"搞出黎.
父母選擇生個子女出黎, 父母就有責任照顧子女, 如果子女有精神病, 亦都係因為父母生佢出黎先搞成咁. 咁照顧精神病女兒係父母的責任. 只可惜, 大把父母根本孭唔起呢個責任就生個子女出黎.
而子女從來都沒有應承過要孝順就俾人生左出黎. 子女年幼時要受父母照顧係理所當然, 因為子女沒有求生能力, 唔係佢地想的. 佢地俾人生左出黎, 頭十幾年係搵唔到錢, 唔係佢地自己揀的. 係父母生佢出黎就知道, 明知道都要生. 所以父母對子女的, 並不是"養育之恩", 而係"養育責任".
所以子女並沒有孝順的責任. 咁"不孝子"咪"不孝子"囉.
至於我, 我之前話我養埋家姐同阿媽就盡哂責任. 我係講錯左. 其實我係冇責任養佢地. 就正於我之前個po 講, 憑乜要我照顧.
但係因為以前其實佢地對我都好, 而家都對我好. 咁我都對返佢好. 我都唔忍心睇住佢地過得唔好. 呢個係我自發性, 並非責任.
咁如果單新聞的母親同精神病jm 對個"不孝子"唔好, 個"不孝子"做乜要咁辛苦照顧佢地.
可能個"不孝子"憎到阿媽死, 明知做人一出世就預左要死, 怕窮怕病怕老, 要面對學業壓力工作壓力都要生佢出黎.
2個讚
我覺得疫情下，果d中心都要開，唔可以唔提供臨時服務。
完全同意
也要加強中心的感染控制
長期照顧老弱有病人士我試過, 重要唔止一個, 係唔容易, 但個仔好明顯平日無照顧阿媽同阿妹, 保安搵佢都唔快D返屋企睇下, 間屋無端端有臭味硬係有問題
好多人只對自己老婆/老公仔女好, 覺得對自己或/及配偶原生家庭完全無責任, 但又覺得自己d仔女要孝順父母, 你依家無精神病唔代表一世都無, 如果你臭咗你D仔女唔理係合理?
1個讚
你已經做得好好、抱抱 
我都有個、好明白、其實平時都好少支援但仲可以出下去、又有得返學分擔下、電力爆棚家中唔跳得公園唔跑得你話點搞
1個讚
我同你感覺一樣，唔駛日日去送飯做家務，但去到保安揾都唔去住有點那個
加返萬能key #一家唔知一家事
1個讚