哇，都幾唔尊重。每個崗位都有佢嘅價值，冇必要扁低對方。
每人家庭角色崗位都唔同，大家都有爲個家庭付出唔使計咁清楚，磨合吓分工做各自善長嘅功夫係對家庭最efficient.
明白你心情，不過你有陪月，有工人，有奶奶幫手，已經比起好多人好好多了
我睇完都明白你有攰，心攰大過身體攰
身邊人無support
睇上半段見佢讀書工作為個家好，都係好男人
但睇下去，佢似少少產後抑鬱，搞唔掂就逃避，陪月，工人有一日會走，你都會有放完產假的一日，佢唔可以逃避唔學湊仔。試下俾佢同bb玩多啲先，再學換片，搞得掂學沖涼著衫。
不過要佢清楚自己要面對個責任先，唔好逃避。
個個男人都係咁，我老公都係咁，只做陪玩大使。
雖然我想鬧埋你老公一份
不過我之前聽過句嘢係咁，媽媽同bb係個肚個時已經有連結相處緊，而爸爸就係係bb出世個一下先開始同佢建立感情，所以佢地起步慢係正常。
其實頭半年唔止爸爸就連你都未會習慣到屋企多咗個b，所有嘢好似倒轉哂咁。大家唔夠瞓都唔方心情好得去邊，到後面bb自己唔再食夜奶大家脾氣就會自然又好返d。
成日都話男人無十月懷胎既bounding, 咁佢唔係盲架嘛, 睇唔到老婆個肚一日一日咁大架咩, 睇唔到老婆陀仔有幾辛苦架咩, 產前講座又唔多肯去聽, 去到聽人話餵母乳好慘又話人講得誇張, 入產房睇住老婆流咁多血都唔識錫住個老婆, 睇住老婆一日到黑為左泵奶身心俱疲又唔會幫多啲手, 叫我體諒佢, 咁邊個體諒我…sorry 順便呻下自己野
樓主你老公投入工作同學業, 都好過好多男人投入打機架啦, 我個仔出左世一年我老公先開始上手湊仔而唔係當做task…
2個讚
+1 生完老公唔湊仔唔幫輕下家務 有時間都堅持要hae要睇漫畫
我嬲到噴血咁滯 嘈過好多次 餵人奶太攰
到情緒失控嘈交爆喊 佢先肯妥協幫手做家務
樓主有工人有99幫手 我一個人做曬24x7
樓主老公唔幫手原因係讀書做野 我老公係un un 腳話一定要休息hae下
你已經好過我…
1個讚
我老公同樓主老公一樣，生第一個未有工人會幫手，生第二個後，因為有工人，佢幫手次數係一隻手指數得哂。佢仲唔係同第二個b一齊訓，係因為佢要早起跑步再返工
後相我索性搬去大仔房，同兩個小朋友訓。每個人睇責任唔同，不過我會登佢可憐，佢放棄左同小朋友建立親密關係既時間，而事實大仔同細女都係好癡我。
我對我老公睇得好開，我唔煩佢，佢唔煩我就得
3個讚
都要睇吓佢會唔會自我反省。
最嬲係覺得個b唔癡佢唔係佢問題。
唔反省吓自己付出咗幾多時間。
人人睇嘢嘅角度方式可以唔同，
係唔明白點解有人可以異於常人而毫無羞恥之心。
P.s.我都代入咗
近呢十日八日bb開始多左互動，老公都終於肯每日抽時間（大約半個鐘）陪bb玩，沈日仲試左幫bb洗頭（用佢去salon洗頭嘅經驗幫bb按摩頭仔，bb非常冧滋滋
）
多謝大家留言，大家都要加油
3個讚
加油sis!!
我唸你隊友係典型香港男人唸法。
我隊友對於生b嘅分工係咁，
佢要番工搵錢好忙，得閒會湊，阿b大個左會帶阿b去踢波跑步。
佢嘅概念係生理需要有工人姐姐，教育需要有小b阿媽我，所以佢只需要搵錢。（但佢搵錢唔代表佢贊成我做ftm，因為我ftm，我地呢頭家會失去一半收入）
邏輯上係有極大問題，但呢個就係佢嘅concept，同埋佢身邊“所以朋友都係咁”。我估同你先生有機會都係咁唸。
慢慢洗腦，一啖沙糖一啖X。
我有時會攞d father involvement的 scientific research results去洗佢腦，同埋講笑話要角色交換（我去搵錢，佢做ftd…我連坐月都話一齊坐，我幫佢下面剪10cm），等佢知照顧b也有辛苦位，一頭家要共同負擔，父母嘅角色責任係對等。
隨住阿b大個，佢可能冇咁驚整親阿b，同埋從互動中感受到做爸爸嘅喜悅，會漸入佳境的。加油！！
2個讚
我老公都係咁，唔會餵奶掃風換片氹瞓，只會喺bb清醒時陪玩一陣，幾分鐘，bb一開始想喊就走咗去。半夜永遠係聽住佢鼻鼾餵奶。佢覺得自己係負責返工搵錢，宜家WFH以為佢會多啲時間幫手湊bb，點知都係自己一個湊，有時bb喊仲要驚嘈到佢做嘢。心攰真係大過身體上嘅攰。
呻完，大家一齊加油啦！
1個讚
我全人奶兩胎，兩胎都埋身夜奶。
你諗住臨瞓餵粉會令佢好訓d，然後又要泵返奶（加之後洗parts 暖奶之類既時間），其實仲慢，半夜埋身最快、好多bb 食到唔餓就照訓了，而且對keep 奶量都好有用。
anyway，講返正題，對於湊小朋友，千其唔好對老公有太大期望，男人好多時候都仲係一個大細路。即使我有個神隊友都係咁講，有時候都會跳掣激下我。
btw 我諗唔止你老公一個係咁諗，好多男人郁係咁諗，應該係文化影響「男人要養家」，所以佢地會睇呢樣野睇得比較重。
“咁你出去揾錢囉”呢句先最黑人憎
我自己夠出去揾錢啦，咁點解又要我做埋屋企嗰份先。
最憎人講做野大晒架嘛