其實我唔贊成,當男人有外遇, 女人要檢討自己. 好似男人有小三反而老婆對自己更好. 咁咪好著數?
當然, 平時冇事的時候, 女人要檢討下自己的.
如果男人有外遇, 首先睇佢肯唔肯改. 肯改就睇下男人願意付出啲咩. 咁之後女人條氣順左, 先再檢討自己
如果男人唔肯改就睇女人有冇條件離婚. 有冇工作呀, 或者分男人身家夠唔夠生活呀, 善養費會唔會夠. 睇下男人可唔可以失去老婆. 有冇身家分俾老婆之類.
如果男人唔肯改, 女人又唔想/冇條件離婚, 咁咪婚內單親/同屋主, 淨係照顧小朋友. 條佬就當佢透明,
其實咁樣係表示同你一齊的生活好悶…
有無小朋友呀?
我係比較少說話，同埋係屋企照顧小朋友，變咗話題都少咗，我同佢講過我想出來做野，我吾想再同佢有距離，唔想佢身痕想搞搞震，佢想曳曳，我好配合佢，屋企所有家務佢都唔使理，我講嘢有時惡啲，因為屋企冇人幫手
咁睇啦
我個出發點係：有外遇係結果，相處出現問題係其中一個有可能嘅原因。無論有冇第三者，大家都應該要不時檢討。點解有第三者時，就唔可以諗下點解會發生呢件事呢？男女都適用嘅。
如果相處本身冇問題嘅，就可以去返你下半段嘅邏輯。因為自己已經做得好好，係對方唔珍惜自己，攤牌傾唔掂，對方唔改，自己唔打算忍，就緊係諗離婚。
但如果真係相處上有改善空間，點解唔試work下？冇話著唔著數架，本身兩公婆就好難計邊個著數。如果想挽回婚姻，自己唔試下就拋個波俾對方，對第三者舉白旗投降，而對方又真係簽紙…咁冇嘅，證明對方真係唔再愛自己…但我會希望努力咗先…或者係因為自己唔覺意有啲令人太難忍嘅缺點呢？改咗就算對方都係要走嘅，咁都冇壞呀，缺點緊係愈少愈好。**我唔係話要當對方皇帝皇后咁相處呀，只係大家對等啲，唔應該要一方無限承受另一方嘅缺點咋…
唔使迫佢認嘅，你自己心知就得。佢話無，你咩順佢意話哦，係呀，咁都好d。我幾驚係真，都唔知點算，我自己都算，小朋友先慘呀。講呢幾句當提吓佢
之後嘅日子要睇緊d纏多啲，對佢好啲，要佢覺得你變好咗，另一邊又無咁多機會叫果個女人，希望有此消彼長之效
小朋友大個未？等疫情好啲，可以出嚟做嘢識返啲朋友。出多啲街個人會多啲打扮，又多啲話題，應該對你自己都好呀～
其實你依家知既，只係你老公有野收埋唔比你知，同埋係電話搵到有把女人聲，咁樣就同佢攤牌，男人緊係會話無野架啦！
我覺得你唔洗對你老公起哂鋼，又唔洗等佢知你懷疑緊佢，當無事發生，但要觀察佢，留意有無咩特別既message，真係有再入骨d既對話，先好同佢攤牌。
依家你老公只係成日打機，同埋睇咸濕野，其實男人都係咁，我又唔覺得佢咁叫出軌既。不過，如果佢錫你既，就唔會咁樣收收埋埋，搞到你懷疑啦。
我都同意，就算結左婚生左仔，都要有自己既生活，如果唔係無哂社交，會好易抑鬱，同埋變左太依賴另一半。
我覺得你最好認真同佢傾一傾… 我係你的話我應該癲左了~
但係如果男人有小三係冇後果, 咁佢做乜唔繼續有小三?
我都攤開晒講，佢都明白會有咩後果，但我又真係冇乜實質證據證明佢有第三者，所以佢都係繼續係咁
有後果呀 就係冇咗個老婆
只係話去到呢一步之前，睇吓有冇咩可以做，挽回一下，唔洗直接就去到呢一步啫…
如果其中一方去意已決，想直接去果一步，咁就冇咩可以做啦。
咁兒嬉
男人有小三係絕對唔會認嫁, 你一日無證據, 都唔駛同佢講咁多! 通常呢, 佢係佢鍾意既嗜好裡面搵到個岩傾既女人, 都好容易出事, 一開始多數都係傾吓計, 慢慢就會出黎見, 跟住就會一齊!! 係呢個世代, 要偷食真係唔難! 如果你老公真係無嘢, 佢又駛乜機不離手, 驚你check 丫…
雖然真係唔可以話佢一定有小三, 但識左第2 個女仔, 同人哋傾計就一定係事實啦!! 要阻止再進一步事情發生, 除左你真係坦誠同佢傾計, 講吓你既感受之外, 其實都無嘢做到!! 睇吓佢自己想唔想頭家散者!!