又好多睇埋肥姐標叔富貴迫人果D去到異地被人恰既影就當現實都係咁。
平時又唔見佢地睇中文新聞，但去到外地就成日都睇返中文新聞，ON99。
我好明白
我爺爺游水來香港 生左我爸爸
我爸爸好藍 我成日話佢對唔住佢死鬼老豆 忘記左爺爺初衷 
又成日聽beyond d歌, 我又鬧佢: 你唔配聽!!!
1個讚
唔可以咁講，窮都一樣有黃
正如香港中產都好多藍，係個人睇野夠唔夠全面，有無腦分析
我阿爺同阿爸果陣都好窮黎香港，都係黃，受過共賊既打壓，當年我阿爸遇正老毛大飢荒，食都無得食，入過教育營，知道共賊有幾邪惡
我阿伯同阿爸一齊黎，除左無入教育營，但當年就食唔飽好窮，又係偷渡黎香港，但而家係最擁護大陸，佢不單止藍，係紅到發黑，腦閉塞，所以係關個人有無思維分析事
2個讚
我聽過呢類算淺藍的長者話，話見到年輕人的行為勾起紅衛兵回憶，見到就憎，又覺得他們無腦憑咩同政權鬥，對阻地鐵一類行為更是最大反應，因為影響基層生計。
縱使被迫害而逃亡到香港，因為現在覺得年輕人阻住搵錢、阻住收成，所以就變藍
2個讚
我阿媽64時黃到金，但依家藍到黑。
土生土長嘅我就讀書時做過大中華，簡直係我一生人入面最大恥辱。
因為好多淨識睇表面，同情所謂「弱者」
覺得立架餐嘅人就係搞亂
無深入思考點解會咁做
亦好多時只係識單一件事咁睇
唔識得串埋上文下理
勇武出來前發生嘅野好似金魚咁失晒憶
簡單例子
嗰時有單係個阿伯俾人打
啲nanci話佢地蝦阿伯
實情係阿伯自己出言挑釁同立野先
但好多nanci係選擇性失明嘅
只係集中晒「阿伯俾人打，好慘」完
1個讚
我亞爺係台灣人,當年去左大陸落腳,都幾有錢,老婆都有幾個
但有日突然共產,我亞爸話佢細個同細佬捉魚偷偷燒黎食比人篤灰被罰
所以就游水黎香港,路上仲死左個細佬…唔知真唔真
但佢勁黃…由雨傘時已經深黃,今次直頭金黃…
佢同我講,唔明白點解咁多當年走黎ge人係藍…佢只係講一句…當時咁辛苦走黎,係咪唔記得左點解走黎?
佢都有番過鄉下同d兄弟姐妹見過,係鄉下有錢有權,但返左去幾次,盡管大家點樣叫佢留低歎世界,鄉下屋勁大,唔使佢做大把人養佢(佢係大哥).但佢都係番香港,番黎打番牛工租間屋仔…見到佢今次睇新聞會睇到喊…我都好心痛
1個讚
你爸爸個代完全係港英溫室下長大，享受最好既時代，然後對被中共加害既年輕新生代指手劃腳，自己同時代脫節，對新一代毫無同理心，我覺得好乞人憎，好多60 70年代出世既人都係咁，佢地八九十年代 20 30歲最歧視大陸人落後貧窮，而家政權淪陷就趨炎附勢附和中共欺壓新一代，極度無恥！
3個讚
我老爺明明數上三代都係香港土生土長，受過文明英國統治，後生仲要住公屋受政府幫助，唔知點解佢仲成日阿爺前阿爺後講中國好。
我反而理解呢種背景係藍
國共內戰之前就已經定居香港
即係由始王終都冇經歷過毛澤東年代既恐怖統治
我係最奇怪個啲係毛澤東時代大逃港走難黎個啲都係藍
1個讚
我都未講我自己添
我爺爺有幾代人係印尼華僑
1951年印尼脫離荷蘭殖民管治獨立
同時中共岩岩建政
爺爺都有預感華僑地位會變
中共初建政既願景又呃左我阿爺
爺爺決定帶埋我爸爸返廣東家鄉葉落歸根
我爺爺1940年代係印尼已經係有車階級，係中產以上
點知返到大陸
共產黨呃華僑投資農場，然後食左我爺爺大半係印尼既血汗積畜
我地因此家道中落，冇耐就含恨而終
爸爸去到1950年代尾經歷大飢荒時由廣東逃亡黎投靠同鄉
初時一直打紡織工，但加入左紅色工會
但只係普通會員，有時都鬧幫唔到工人
紡織業北移又轉左做建築起樓
香港好多大型建設爸爸有份起
所以我一直為香港好自豪
不過爸爸2014年佔中前都過左身
仲在生真係唔知黃定藍
呢啲大中華膠最衰格嘅地方係：中國做乜都容忍，立場行先
1個讚
其實應該唔會
等於舊年見唔少企出嚟接受訪問，甚至係同狗理論、爭論嘅，見好多係有鄉音嘅阿姐、阿婆
對佢哋嚟講，冇學歷冇技能，講真係上面生活一定冇咁大生活壓力，咁辛苦都落嚟，就係因為呢度唔係大陸，呢度有豉油。所以見住而家變香港市，佢哋都好傷心
1個讚
但起初，777夾硬嚟果d佢地又睇唔到者
好似巴士罷工咁，佢地又睇唔到巴士公司點對d員工
我絕對同意
家人去遊行 佢鬧人漢奸
但根本無了解下香港其實發生緊乜事
猛話而家好自由 係你班人搞破壞
Typical收成期廢老
話而家啲人買唔到樓絕對係個人問題
想當年佢點點點努力
老實講 大家疏離咗好多 
1個讚
如果港英唔實施抵壘政策，唔實施即捕即解限制人口增長
如果麥理浩唔搞十年建屋計劃
如果衛奕信唔搞玫瑰園計劃提升經濟
你爸爸三頭六臂再努力都一樣買唔起樓
佢地呢啲港英溫室小花
靜靜地享受完咪算囉
見到中共加害香港冇膽反抗
反而拎下一代出氣講風涼話
一睇就知廢老格，我極度鄙視
1個讚
我朋友阿爺都係印尼華人，佢係排華期間走，佢話當年好多人走去大陸, 只有佢阿爺堅持去香港，佢阿爺真係有先見之明
印尼近代有兩次大排華
一次係1965年蘇哈托奪權，一次係1998年蘇哈托落台
你指個次應該係1965年
呢次排華如果歸國之後，就遇上文革
文革時會拎華僑批鬥係「外嫌」
我爸爸比較好彩文革前已經黎左香港
一直好感恩女皇同港督創造左香港呢片樂土
我朋友都講過，當年走左去大陸嗰班過得好慘（本身係印尼做生意），佢地本身亦有建設新中國呢種大中華膠思想。佢阿爺係香港得享高壽，一直都好感恩
1個讚