其實都係正常，依家香港等於廿幾年前大陸，識做官、武警或公安，差唔多去浦打橫行，去好多入場要收費地方，都係免入場費 ! 揸部車頂有紅閃燈，過任何收費隧道都通行無阻，逆線行車都係好少事 ! 現在香港情況就係一樣，警察有特權會越加興奮，越興奮就越唔自身守法，越想保持特權，就要越惡先可長久，所以香港係好難返轉頭，隨時比內地表面更沉淪!!! 
1個讚
我全家，男性為主都係黃，除左亞媽，亞媽反而唔係原居民
同原居民唔係個個都咁有錢，要睇你條村既地點，不過好多原居民過哂英國，我條村過起碼過半人去左英國，我老豆十幾歲時都去除英國，後來先返黎
1個讚
呢句真
我阿媽(藍)係原居民，身邊都有朋友係原居民
黎到今日新界好多村地都分得7788
有啲阿公根本冇乜地留落嚟，就算有男丁出世
都係得個丁，冇地分
周潤發都係原居民，係黃
2個讚
其實一向有好多新界小姓族，冇乜太公地
原居民都唔一定個個有地有錢分
西貢大嶼山有啲原居民村連路都冇，莫講話起丁屋
因為以前有英國臣民護照，殖民地出世係等同英國人
去英國搵錢一個月等如香港三個月
1962年英國修左例先冇
2個讚
佢係咪南丫島？
係
其實原居民有好多種
有大族小族、客家圍頭
有啲以前去過英國好耐見識過
九龍港島水上人都冇原居民法定身份
惡霸既都係一部分
我估您係講緊6、70年代嘅香港
同意，有人係特權階級，就好似icac 之前，有人會濫用權力去得到自身利益
2個讚
市區人要更新觀念, 原居民不等於鄉黑, 其實上水鄉郊藍黃比例約6:4
首先, 上水, 和侯志強同一祖宗, 由祖母至孫女都被鄉黑搞, 孫女最後參選區議會雖敗, 但有成4成選票支持, 可見原居民不等於鄉黑, 也反對鄉黑, 只不過牠們勢力大, 不敢公開場合討論
其實原居民很多的住屋需要被打壓, 但卻無權住公屋居屋, 也受壓要賤價賣丁屋權地權給官商鄉黑; 原居民本來應有權益, 卻被官商鄉黑吞噬, 這是市區人要花功夫理解的
祖母被欺父被斬鄉黑 … - 壹週刊
](https://hk.nextmgz.com/article/2_702032_0/重奪區議會-圍村妹復仇記-祖母被欺父被斬鄉黑橫行-上水妹挑機-我們就是搞屎棍)
投票比例唔能夠反映原居民黃藍比例
因為而家好多住村屋嘅人都未必係原居民
而就算唔係原居民一樣可以向果區投票
原居民攞咗丁黎起屋，有啲係租出去，有啲係賣斷埋
我娘家住緊果邊，有個原居民阿伯塊地起左兩棟樓
6個單位，阿伯自己住1個，4個放租，1個賣左
6個單位入面，只係得阿伯1個係原居民
原居民如果冇用過丁權起屋，或者用丁權起咗嘅屋已經賣左，咁佢哋係可以申請公屋喎
如果已用丁權起屋又冇賣出丁屋，咁即係持有物業，仲點可能申請公屋
無用丁權, 但承繼了十八分之一業權, 已失去申請公屋資格; 假如十八戶同住一祖屋, 不租出面樓, 仲衰過劏房.
你講住屋問題，基本上係全香港嘅問題
只係啲人覺得原居民一定有屋住，一定有地分
實際上，有丁都唔一定有地
有個朋友，1家6口有4個丁
得阿爸用到黎起樓，仲只係起到350，佢果條村起到密密麻麻，真係插針都插唔入
1家6口就屈向果度，然後阿哥結婚老婆又搬入黎，佢自己女朋友又搬入黎，越住越多人
最後佢都頂唔住，同女朋友搬咗出去租樓住
都已經係十年前嘅事，到今日朋友個丁都係用唔到，都係要比錢租人地方住
然後佢同佢女朋友結咗婚，兩個收入都ok又唔可以申請公屋，又比唔起首期買樓
有丁冇丁都冇乜分別
我又咁睇, 班圍頭佬短視姐, 只見眼前利益
到之後佢地再呀之呀左以為自己惡哂,
你估大陸會放過佢? condom 既野, 大家明啦~
到時一句呀爺話收返丁權, 要收地再共產
順便誅埋族
要知道, 呀爺不嬲都唔喜歡小族民
我表哥係新界姓鄧原居民，有地有丁起屋放租好有錢，好後生已退休享受生活 ! 不過上年見到佢，令我好奇怪，佢同佢阿哥俾我感覺，係既得利益者九成係藍，我都唔敢同佢傾政治嘢，點知傾落佢係深黃，100 及 200 萬遊行都去行 ! 
2個讚
該主題在最後一個回覆創建後30天后自動關閉。不再允許新的回覆。