唔緊要啦, 人地啱洗咪FREE俾人
你請人返來清傢俬都要錢, 理鬼佢係唔係收買佬
不過最好就專業D啦 
1個讚
我試過有個女人長時間問長問短，最後確定話要我件貨，我包裝好及網上登記順豐寄貨，搞左一輪時間都費我唔少心力，但就不斷拖延入數，拖延時又不斷再問長問短，咁兩三次都未入數後，我就已經知佢無心買，我就直言大家算數唔賣，你無謂咁拖延及玩我，我可以讓俾其他人嘛! 其實我都好算好好聲氣，點知佢仲惡人先告狀，不斷無理駁斥咗我，激到我死 ! 
之後起佢底、見佢原來都有放大量二手，懷疑佢係無聊得滯、有心玩人 hea 時間，我就開個假戶口，用張儲值卡約佢出嚟交收，期間到約定時間我不斷聯絡佢，話剛塞車麻煩等多陣，之後放佢飛機，人都即庴開心番哂，我係咪好衰呢?! 
3個讚
唔係喎我好鍾意喎，好有香港特色，早知你賣比我
我就係鍾意你呢啲人：有仇不報非君子
1個讚
唔係想歧視南亞裔，佢地壓價真係好犀利，最唔好就係傾好價約交收，出到嚟貨都未驗清楚，就已經即場又壓多次價，如果件貨俾佢搵到無關痛痒瑕疵，我驚又再俾佢壓多次價 ! 加上我英文唔係好，唔想費咁多精神去溝通 ! 
我如果唔要而家多數free 出去算，感覺易過賣好多
另外我超憎人放飛機，你中途唔要其實冇所謂，但人哋出到去你先話唔要真心賤，嘥人時間，我一定玩大佢(不過我好彩未試過)
試過網上賣車，我咩都唔識，就搵當時個男朋友幫我攪
有個人就想試車，咁ex就陪埋我去
試完之後個買家話要，我個ex就話咁落啲訂簽臨時買賣合約先
個買家仲話，唔洗咁麻煩，佢會要
最後都叫個賣家落左$1000訂先
到試完車我哋開車走，突然發現有電話響
原來個買家留咗部電話向車
咁我都有聽電話，仲兜番轉頭比番個電話佢
之後第二日，個買家打電話黎，話架車唔要
$1000就當係報答返我比番個電話佢
我即刻話，電話比番你我唔需要報酬
果$1000係你撻訂所以冇得退
事後ex仲話總之唔比番個電話佢，話我蠢喎
我都鐘意old Hong Kong theme
但真係太重口味喇
我話如果有賊仔入屋 夜媽媽都畀佢對眼嚇死
2個讚
哈哈哈，竟然有人支持我呢種無聊做法，多謝 ! 
仲有一次放部單反相機，有條友留言踩我話只值一半價，我起佢底原來佢有同一部放，但唔夠我新凈想踩我放棄出售 … 或想收賣我部機再轉售 ! 再進一步起底，發覺佢原來都係二手佬 ! 因為佢留言言語太人身攻擊，見佢有大把嘢放，我就用儲值卡、直接 whatsapp 約佢交收，約佢去某個西鐵站，我又話剛遇前面交通意外，成條路都俾警察封咗 ! 我仲臨時 google map 上，實景下載一張現場照片，send 俾佢證明我在現場塞車中，期間不斷同佢沙冧叫佢等多陣 ! 轉頭我又話唔熟路約錯站，問佢可否轉去另一個站，否則如果我轉過嚟，隨時你仲等得耐，可能佢放件貨仟仟聲，而且又比較冷門難放，加上我又冇講價爽快，佢就盡量遷就我即轉另一個站，之後佢到另一個站，我就話到咗但出面警察趕車，叫佢可否出閘(出閘多一程車資)站外交收，佢出咗閘到站外搵我，我叫佢影自己著咩衫褲我認人，之後話俾佢知你正傻仔，激到佢死 ! 
2個讚
你 ex 想充公他人財產，呢種犯刑事法心態唔要得，好在你冇同佢繼續下去 ! 
呢個都係事實
我又試過賣小朋友D幼稚園書 因為佢地係文盲 真係全新咁滯無乜點睇過嘛
收到之後都可以嫌三嫌四 呢度CHOW左, 果度摺左
就係因為收左你果$10/本!!!
free出去都避免私人free 成日怕d人係免費唔珍惜
而家多數放去green ladies, 救世軍 d人俾十零廿蚊去買件野返黎
會珍而重之多dd
1個讚
唔會呀，好靚呀真係
不過我覺得人哋笑話似冥通嗰張粵劇鈔票都好靚呀，我比較鍾意呢啲傳統嘢
呢樣又真係唔啱喎, 二手電話值幾多錢
但係人地好多memory , 緊要野save曬向裡面丫
好彩佢係你EX
比個大LIKE你，型!
1個讚
HAHAHAHA 好精彩 
1個讚
多謝，哈哈哈 !
呢種人你唔整蠢番佢，佢唔會警惕，下次又有其他人遭殃都似，玩佢一次大，應該會令到佢唔敢再咁過份，唔多唔少應該幫到其他人 ! 不過之後都有人喺二手谷，都俾呢條友麻煩過，證明佢個格好難變 ! 
佢最後喺 whatsapp，不停留言用粗口鬧我，我同佢講我係用太空卡，叫佢下次放嘢小心啲，我會扮演不同角色測試佢，激到佢死死下，之後直接封鎖佢 !
2個讚
網上有班無聊人，由朝到晚不停 mon 實各大小二手谷，見到人放嘢乜都舉手話要，約佢交收後就放飛機，一係就話突然病入咗醫院(熱門藉口) !
仲有你例如放一樣嘢，標題及內容已經寫到清清楚楚，照片亦都好清晰，佢都要問埋件出售物品…側邊隔離所有其他物品，係咪都包埋俾佢，嘔血 !? 
該主題在最後一個回覆創建後30天后自動關閉。不再允許新的回覆。