學校唔系得學習課本上既野
我應同初小要停
其他可以照上堂
我呢到係回應緊家長係小朋友既學習中只可以擔任輔助嘅角色，家長唔會代替到老師教到所有課本上嘅知識，尤其係中學嘅課程比較困難。同我有冇參與用zoom上堂係2件事，亦都冇評論過究竟zoom上堂同面授上堂有乜差別。老師係可以透過zoom教到小朋友，如果冇疫情，相信家長都係傾向面授會比zoom好。
其實大家都知有良好學習動機係好重要，但唔好以偏蓋全，家家有本難念的經，就算家庭教育幾好，如果小朋友係adhd or sen，學習動機差都正常。
疫情之下冇人想自己個小朋友冒風險返學
中學高小都可以正正經經咁zoom，初小幼稚園真係zoom黎都作用不大。
我朋友個小朋友就係有輕度嘅過動兒，唔可以坐定定上Zoom 停學佢真係身心疲累
1個讚
其實上學不只是求知識
七、八歳小孩仲要學社交、學EQ…
如果係男仔，有幾多可以做定定zoom?
家家有本難諗的經
2個讚
大家唔離題， 個問題係問，而家疫情下，由其呢個星期，日日8x, 9x 單確診， 應唔應該停課。 唔係問，平時無疫情時， 應唔應該無啦啦叫人停課呀。
而家有疫情下，人人講緊社交距離， 唔好仲係度講社交啦， 請幫忙出一分力阻止播毒。 疫情過後，咪大家都可以正常社交囉， 人生流流長， 係咪？ 而家大家都希望疫情快d 過去。
我見好多8歲小朋友，真係可以坐定定 Zoom, 就算 o係學校，都要學習坐定定啦，係咪？ 咁o係屋企點解做唔到？ 不過幼稚園個d , 仲細個， 可能真係難d 坐定定既。
學校亦唔會教點提高自己情緒控制能力， 呢d 係生活上慢慢學習， 要管理自我情緒、處理不同既壓力， 面對壓力時，能控制自己的能力。如果家長著緊， 而家更加係家長可以教小朋友去既好機會， 因為係疫情下， 人人都面對住不同程度既壓力， 更加係家長可以去教育小朋友既好機會， 呢d 係學校唔會教架。
5個讚
如果維持八、九十中肺炎
係硬推全民驗測
健康鹿
x心出行
打壓大家聚集的政治目的
你覺得情況會維持幾耐
停深停幾耐？
政府有心控制肺炎的話
點解今天仲未有驗疫的士和酒店？
點解香港機場亂成咁？
家有驗疫人士，到現在電話都冇收過
既然根本政府不可能俾疫情完
點解仲犧性小朋友？
不過我遇年後都移民la
No eyes see
只是覺得停課也沒意思
1個讚
好多學校開始考試，我諗考完試停，提早放聖誕假
我見到佢哋講到離晒題，都冇打算再覆，因為覆黎都嘥氣
1個讚
係啊 唔係淨係驚小朋友中唔中 係你個學校一個人中左可以傳比好多同學 而同學會傳比屋企人 病毒唔係一個小朋友中左佢地年輕力壯好番無事 可以係牽連好多屋企既長者 或者途中身邊既人 武肺點解一爆就爆得咁嚴重係因為好睇成個社會 唔係一兩個人我有無事既事
但當然 如果停課停市 但係大家抗疫意識不足（例如停課就出街）咁都係無用
1個讚
疫情總一有日會完既， 只係未知道幾時者， 可能等有疫苗之後啦.
我相信大部份人， 小朋友出世個一刻， 佢地都係希望小朋友健康快樂地成長， 所以而家疫情咁嚴重， 我覺得無必要俾小朋友去番學， 去提高佢地中招既風險， 而去犧牲小朋友既生命同健康。
呢句真！停課定確保護到小朋友，但D大人都繼續返工，咁其實仍然有機會將細菌帶返屋企，之後再傳俾小朋友或者老人家，基本上都係沒完沒了。如果要停，就同時停課停工同封關先可以阻止全部傳播鏈，否則只停課既意義不大⋯⋯
乜你認為政府會停工嗎？
既然唔會，點解唔可以停課保護左小朋友先呢
1個讚
如果以你個邏輯， 既然你覺得政府唔想俾個疫情完， 你更加應該要支持停課， 因為o係學校如果要 傳播，可以傳播得好快，因為太多小朋友 聚集 o係一個好細嘅空間， 要傳播係好快。 所以點解7月個次復課， 好快就要停課， 因為學校爆得太快。
小學，中學， 大學都有人確診， 政府都唔停。
我覺得至少小學要全停。
你講得岩， 我覺得至少保護左小朋友先， 佢地仲細個， 自我保護能力無咁强，同埋唔駛咁密集先。
結果
我下定決心移民
過埋年
離開算
叫停課
但免驗疫
不停工
點完？
靠B6疫苗？
如果一路係咁乜都唔做，啲人就會以為疫情唔嚴重，日日條街都係咁多人
1個讚
我明白停課可以保護小朋友，但仍然有漏洞會傳染到俾小朋友，只係覺得一直咁停課有D斬腳趾避沙蟲，其實最重要教育小朋友帶口罩、勤洗手、出街唔好周圍摸、係街唔好摸自己眼、係學校同同學可以傾計但要減少身體接觸，清潔自己枱面文具書本等，加強佢哋嘅防疫知識，就算學校有人不幸確疹都冇咁易感染。另外，仲應該思考下仲有冇其他方法唔需要無限期咁停課，例如初小返二、四，高小返一、三、五，或者初小返高小唔返，梅花隔竹咁返又可唔可行。始終疫情仲會持續一段長時間，2020年可以返學校嘅日子加埋只有2-3個月咋，應該要反思下下年應該如何面對先啱。
其實反對停課嘅家長覺得疫情or確診數字去到邊先應該停？
唔好對呢個政府有咁大期望