有冇人同我一樣，仔女唔係自己親生？

家事討論
21

睇到大家既留言我真心小小感動:cry:估唔到呢到有咁多人比鼓勵我！

其實我真係鐘意同小朋友玩，覺得小朋友好可愛，所以我好容易同佢地好frd​:joy::joy: 我一開始上去我男朋友到，佢個女先2-3歲左右，我會同佢玩，氹下佢笑咁啦！但講真我無特別做d咩野，反而係之後佢主動撩我添！

因為一開頭我成日介意我男朋友無時間陪我，雖然知道佢係因為要湊女，但我都好希望好似正常人咁去拍下拖… 有時唔開心既時候，或者自己諗諗下想喊既時候，我男朋友未必察覺到，但佢個女竟然好細心走去拎紙巾比我！又拍拍我膊頭同我講：「無事架，唔好喊啦！」我果陣真係覺得佢好sweet​:smiling_face_with_three_hearts:

一次3人旅行之後，我就慢慢同佢個女熟左，我反而就無咁介意男朋友陪唔陪我既問題啦，因為依家我地放假既活動，好多都係親子活動，哈哈

我會諗好多可以岩我地3個一齊做既野，好似同佢地一齊去野餐，係佢屋企整甜品，帶佢去海洋公園玩，因為呢d活動對佢個女黎講都好新奇，又未玩過，所以佢都好開心！去過一次旅行之後，佢成日話好鐘意酒店訓，所以前排興staycation, 我都特登Book埋小朋友，等佢可以去酒店玩下，我又買左d bubble ball, 比佢可以係到玩泡泡浴！佢真係玩到好開心:partying_face:

佢4歲開始就鐘意Elsa 公主，早幾日將軍澳有個Frozen展覽，我一知道就問都唔洗問，用早鳥價book 左3張飛，同我男朋友帶佢去玩:laughing: 佢當然玩得好開心，仲玩左個跳彈床3次添！

好好彩佢好鐘意我，佢嫲嫲同我講，有次佢問佢鐘意我定係佢親生媽咪多d，佢竟然係答鐘意我多d，我聽到真係覺得好安慰:cry::cry::cry:不過我想講，其實一開始真係唔容易，好辛苦…依家總算捱過左:stuck_out_tongue_winking_eye: 好！今次分享左開心野先，辛苦野有機會再講啦！:grin::grin:

26個讚
22

你大方又肯融入佢屋企!小朋友其實一張白紙,要既野都好簡單!只要你付出,佢都知同會接受你!生娘不及養娘大!你既愛,佢會知既!恭喜你,同埋同小朋友都有緣 :heart_eyes: 好開心同好 warm:smiling_face_with_three_hearts:

1個讚
23

o甘你有沒有想過，如果結婚，你會唔會生？怕不怕偏心？

1個讚
24

幾時結婚姐:hugs:

25

真心，我自己小朋友都冇，如果我識個男人離咗婚有小朋友，我幾愛都唔會嫁

我阿媽都講過話唔好嫁帶子洪郎，佢話做人後母好艱難

樓主你冇得頂 :heart_eyes:

1個讚
26

我為樓主高興！

我公公都唔係我親生。陳生嗰個係我媽咪細細個嘅時候已經過咗身。

但係我媽成日都話，親生都未必有咁好！我出世咁耐，我非常之痛錫我阿公！我話咁亦都係非常痛錫我哋！

只要錫對方，係唔係親生根本冇關係。

5個讚
27

樓主唔好同小朋友媽媽比較，橙同蘋果冇得比較，只要你付出嘅愛，令你，男友和小朋友都快樂就足夠

1個讚
28

我諗都會，我都好驚會偏心，但我諗住盡量都唔會鬧我男朋友個女，就算唔生都係，咁樣佢起碼唔會覺得我針對佢，當然如果佢真係太嚴重我都會話佢既

1個讚
29

緣分天注定， 好好珍惜！

1個讚
30

如果樓主自己會生, 我個人意見就真係搵個單身冇子女的男人.

況且你男朋友仲想唔想生小朋友, 佢已經有一個, 未必想再有.

你諗下, 如果你有個初生bb , 你想個老公幫手湊, 咁即係在小朋友手上搶走佢爸爸, 你又唔係佢媽媽, 佢實呷嘈.
你睇下個forum, 就算係同一個媽咪生, 個家姐/哥哥都呷bb 醋, 何況唔係親生媽咪.

而且個小朋友而家4歲, 仲係可愛聽話, 再大啲開始讀書, 要跟功課, 又識駁嘴, 你真係未必可以好似而家一樣咁錫佢.

其實因為我本身唔會, 唔想生小朋友, 所以我個人搵個離婚男係沒有問題. 仲好添啦, 唔駛自己生, 又可以試下天倫樂.
但係如果自己想生就唔同講法喇. 樓主同男朋友傾清楚, 真係想生小朋友就唔好浪費時間.

31

真係唔知:joy: 依家咁既時勢… 結婚又要洗錢錢

32

我本身生唔生都無所謂，反而係我男朋友想我生…

1個讚
33

我爸爸唔係生父，媽咪喺我好細嘅時候就離咗婚，但就真係一直好似親爸爸咁。

另外我老公個弟婦都係本身有個小朋友（喪偶），小朋友由4歲開始跟我叔仔，根本就好似親爸爸，佢哋結婚後個女嘅想幫男人生，感覺欠咗對方，但一直都冇懷孕，而家就決定唔生啦，個仔已經中學畢業佢哋可以成日二人世界，都不知幾爽。

小朋友係好簡單的，唔駛諗咁複雜，尤其咁細個，只要你對佢好佢一定感受到。

2個讚
34

加油加油~ 希望你一路都幸福快妹~
我同你剛好相反~ 所以我好明白, 要另一半接受自己既小朋友係好難~
即使願意嘗試, 過程都好複雜, 磨合, 意志, 包容, 樣樣都好考2個成年人~
我都開心自己搵到~

1個讚