Sorry，唔好意思啊。你前一位朋友仔張圖重新貼，跟住我直接跳左 
。唔好意思，即刻補返比你。
喂喂喂，第一眼睇就見到你一宮獅子，金星入一宮，仲要同海王星三分相。
感覺你比人第一印象應該都好明星feel，同埋本身個個人魅力應該好勁，甚至有種天然地就會迷惑到人，令人情不自禁好中意你既feel。 （睇見就嬲
跟住你三宮天秤又有冥土，水星又同月亮四分相，哩幾樣加埋，感覺都suggest緊你，可能言語表達上面會難少少。但係上面講到你好容易就令人中意你，可能變相就係，你唔係靠言語好aggressive甘去charm人地，反而可能係你本身既氣質同埋果種好海王星（海王星入5宮），有d軟綿綿but比人感覺好善良好dreamy既氣質，令人情不自禁甘中意你。同埋感覺你拍拖果陣可能都好電影劇情。
僅供參考。
我自己有$$版本既，不過你可以dm我。要間接地講 唔係驚del po
又有得玩 又可以推流量 
Hello，僅供參考。
第一點見到你，太陽雙子入一宮對分海王星射手入七宮……
好啦……我自己個人黎講最鍾意"嘲笑老公"，所以想問你……
會唔會成日覺得，或者唔滿意老公好似成日懞查查，d想法好鬼離地，講d好高大上好理想既野，但係實際上點樣落實去做又唔知，具體落手去做又無野做到甘，然後所有野變成都要你去渣fit，做leader去決定曬所有野甘？不過都可能因爲老公似係浪漫底，所以你其實好容易fall for哩樣野，有d似係，你老公既浪漫感性情懷，其實係彌補緊你自己所無法展現既一面，因爲你成個盤睇落其實都係理性同傾向自我控制既人。果d咩……説走就走的旅行，抛下一切去私奔，愛你愛到海枯石爛……你自己做唔出，但係變相就好似你可以係你老公身上得到哩種滿足一樣。
上升雙子，太陽雙子，月亮處女四分土星，基本上已經係好强烈既理智同批判思維底。
加上難得出現既巨蟹火星水星都要全部被邢克，變相你自己内心情緒情感既一面都要被自我壓抑。唯獨一個木星係11宮雙魚叫做舒服d，所以感覺對於11宮所代表既社會運動，社會大衆既關懷，同埋婚姻關係上有個非常浪漫既老公，已經係你好難得可以宣泄你emotional既一面同情緒既出口。
我係一個好理性，會plan 行程嘅人，但老公就鍾意臨時決定，所以好多時都有意見不合位，佢係有時懶浪漫，但我唔太識欣賞
但倒轉，我覺得我似話走就走嘅人，起碼我話想移民，生活到就得，但佢放唔低份工
多謝你！
係啊……感覺睇先生係自己空想同浪漫多：如果甘就好啦~，不過叫落手落脚真係確定做，行動力會差d。基本上d落決定，行動，ACTION!!! 都係你黎做。
成個月先解到你…… 唔好意思，久等啦
感覺睇到你，儘管係太陽射手，which commonly known as “我係射手座”，但係其實你好多野睇落完全唔射手。
可能你會成日考慮想旅行啊，讀書啊，自由無拘無束啊，但係感覺你都係講到做唔到。
你太陽四分土星處女，月亮摩羯又三分土星，金星又係摩羯三分土星，
難得出現一個水星射手，都要比火星同木星處女四分左，基本上，成個盤都係比土元素宅死曬。
你個人其實好講duty responsibility，所以真係叫你好"射手"甘抛開一切，追逐自由，其實你應該做唔到，最多都係自己幻想下黎開心下。
僅供參考。
多謝樓主回覆 
真係好準, 我真係會覺得係自己嘅 responsibility 就自己做, 唔好俾人咁大壓力同埋係自己應份嘅, 一路我都覺得自己唔多似射手座, 雖然我熱愛自由, 但譬如返工做嘢好少會交俾人幫我做, 如果人哋真係幫我做, 我都會重頭睇一次佢有無嘢要我執完先再交 (除非好趕或者人哋已經交埋上去俾上司), 同埋有好多嘢會諗咗後果先做, 真係唔似射手座咁會咁易放下去追逐自由 
所以有好多嘢都有自己啃, 但啃完又無咩上司或者貴人提攜或者提拔, 所以做嚟做去都只係低層員工 
多謝你詳盡既feedback 
多d既實例，可以幫到我占星上學習得更好。多謝你 
我…好似…入錯時晨…應該係14:00 
甘大鑊
我對你唔住
依個先係岩時間既盤, 其實係咪好大影響…
我係呢個盤
樓主係咪睇漏左
都幾大…… 當再用哩個盤排過啦
未啊……我仲解緊28日前既po 同埋最好係返你個原po度 放張大小小既圖……唔係好睇到
Hello，照樣睇返你既個人盤。
第一樣最顯而易見既係，你有個土象大三角，分別落係1 5 9 宮。
代表其實你好重視係個人既cultivation & actualization上面，而哩種方式係以一種好materialize既方式進行。例如點呢……你上升處女，入一粒月亮，感覺你本身其實係一個好self-awared既人，你成日都會審視自己既内心，看待自己就好似看待一棵植物一樣，你會好細心甘養護照料，淋水施肥（食好西嘆好茶），但同時亦都會除雜草，剪走一d唔好既枝椏（eg bad behavior bad habit），盡量令自己盡善盡美。
跟住5宮土天摩羯，個人展現吃喝玩樂上面，基本上都會成日evaluate自己點樣可以有進步，同時mon住自己唔好亂黎。
9宮火星金牛，又係講緊點樣有d個人價值同能力上既提升。
基本上就甘睇, you are very eager to be a better self 而哩樣mindset已經變成你既人生習慣，入曬血甘feel
僅供參考。
僅供參考。
嘩你個盤好正⋯
金水月應該合相，仲要合上升點。
金星入一宮，金水入12宮。
其實好多解釋。
我自己睇係⋯你有無細個見過d其他緯度既朋友仔？
因為水星講溝通交流，月亮講潛意識野，入左代表無意識，前世，通靈等領域既12宮。個感覺其實你好似有好多野留左係前世未處理咁，跟住哩種energy會一直跟住你去到你童年咁。不過哩個係extreme d既講法，如果mild d可能純粹就係你本能上好難同人地溝通，反而自己lei埋幻想多的。
跟住你12宮同上升摩羯，變相係你本身好容易壓抑自己，同感覺被哩個世界排拒咁，可能同哩樣野有關。
不過你屋企應該都俾好多支持你，令你可以感覺到被愛同被支持，從而去面對哩d問題。
好多謝你花時間去睇呀，辛苦你了。
不過今次完全get唔到你嘅意思
不過我係好唔鍾意有人嘅地方，唔知咁講match唔match到你嘅解盤
你可以簡單睇，
水星入12，你比較難同哩個外界溝通，好似硬係同人對唔岩channel甘，好似radio較frequency差少少有雜音甘。
月亮入12，你情感上都選擇孤獨，同唔想比外界知道你既內心世界。
加上你12宮頭摩羯，上升又摩羯，變相係，你無意識中成日為自己set 好多boundry & limitation，導致到你面對外界同本身個性上，都會有摩特質——自我壓抑限制，對外界感到不安，同難以信任他人。
不過因爲你木星係4宮，三分金星合上升。
變成其實你屋企人會比好多支持你，令你覺得自己有價值同埋有屬於自己既魅力。
甘樣會唔會清楚d 
OK……同埋by the way，我個人感覺水月合相係12宮，可能都容易見到"其他維度靈體"……因爲你好多星落入12宮，感覺代表其實有好多野係你前世未解決既議題。
辛苦你又要再簡單解釋多次
今次無咁多術語我比較get到了
好彩嘅係…我重未見過鬼 你講其他維度嘅靈體嚇死咗我