啱呀，我個人本身都好鐘意穩定，唔鐘意太大改變。留係個自己鐘意comfort zone 最開心。
的確我最近財務唔太穩定但原因好似唔太似。我最近係工作上好迷茫，辭咗工之後等咗幾個月返新工又返得好唔順心，感覺好唔啱，返得好唔開心，所以想再辭工，所以最近都冇咩點儲錢。
樓主，想問下個盤可唔可以睇到我啱做咩工作？因為我最近對人生好迷茫。點先可以舒緩一下不安感
理論上占星可以睇到，不過個角度係傾向睇
一份點既工作，有咩具體特質，先可以滿足到你志向需要，情緒需要etc，賺錢得黎又唔委屈，辛苦得黎你又覺得有意義etc
跟住盤主自己再去反思目前or某份工作係咪可以真實滿足到哩d需要
想問下意思係咪即係指個星盤睇到既係我大概適合既工作框架，例如你個人啱啲固定既工，坐定定/岀走既工之類。實際工種需要自己衡量返？
好奇又問下星盤係咪可以睇到未來5年既野？
1個讚
係啊 因為一份工作 儘管睇行業 更需要考慮實際工作性質，工作環境，氣氛，內容，同事etc
因為都算係一種自我了解 咁就唔會強迫自己接受一份唔適合既工作 又或者自責 點解人地做到我做唔到 係咪我有問題etc
睇到5年（甚至更長線）一個人每個生命領域將會經歷點既星體能量
具體會發生d咩無辦法知道 因為有人願既影響，每個人既出生盤，原生環境亦唔同
eg 都係天王星入四宮 相同既星體能量 可以顯化成好物質層面既「搬屋」但亦可以係好心理層面既「同屋企人斷絕關係」
推運唔會幫你未卜先知，但可以幫你prepare定將會面對既「運」，and 可以點用最好最高意識既方法去利用/轉化哩個運
舉返天王四宮例子，如果事主本身同屋企一直好多愛恨情仇，但一直無勇氣「斷絕」一d過分既要求，天王四宮就會係好好既時機，亦非常有利事主去進行「斷絕」 因為等於係個天要你由家族中獨立，如果人唔主動去應運，就容易由個天「幫你安排」 就好容易出現所謂「不幸」既顯化 最終結果都係導致「從家族獨立」but未必係你想要既方法實現
對於從占星角度，主動應運就會比較游刃有餘
明白
有時候覺得自我了解唔夠，去做某啲決定有1516，唔果斷。之前試過比朋友睇下星盤，有講我星盤同12星座有交點同啲星座偏向上左，多係付出同靠自己，會比其他人多思緒。樓主你覺得點睇？有時候想睇下星盤了解多啲自己。
明白了，謝謝樓主詳細解答
占星有種趨吉避凶，都係幫人渡過唔同時候。當中都有好多學問識得睇好厲害
Hi，見到小朋友雖然係太陽雙魚，但因爲水金白羊，加上月天蠍
感覺媽媽都可能感覺到佢唔係果種典型既軟萌軟萌雙魚
月天蠍講究真實，水金白羊係同人相處上亦傾向直話直説，aka比典型雙魚多左一種剛烈感。
因爲睇小朋友應該都仲細，未曾經歷嚴重社會化的話，應該會感受到佢情緒比較濃烈既一面。
但以後就應該會經歷社會化，而比較掩蓋哩種內在強烈既情緒。
首先多謝樓主個post開左3年仲係到熱心解答大家問題！我係想問工作方面，最近裸辭左，煩惱緊唔知搵咩工作，本身從事金融行業，但好似唔想再做呢一行，以前都有比人算過紫微八字（廟街黃大仙果種），都話工作幾好做野唔錯，但我完全唔覺，咁係咪代表我行錯左？請問占星睇唔睇到係適合正財/偏財？轉美容行業岩我嗎？謝謝 
1個讚
感謝大家一路以來既支持先係，有大家既支持我先可以一路堅持係靈性道路行落去。
令我知道我既"興趣"“技能"係被需要，有存在價值，而唔係我自己一個人係度"浪費歲月，做無聊事，不務正業” （金星處女式自插
）一定要趁哩個機會感謝每位BD朋友仔 
另外，感謝你既提問。
根據我非常微薄，純粹個人as a customer既經驗，撇除作爲有d同行身份既睇法
我覺得傳統術數所站既立場觀點，真係比較似我地老豆老母，長輩講既野，建議都係有老一輩味道
“好好地一份工，賺到錢咪好囉。”“轉唔轉工？新一份工賺得多d梗係跳啦，如果唔係做咩要轉？”
暫時……暫時……我微薄作爲客戶既經驗上，都係未遇過會去touch客戶心理需要啊，情緒啊，志向啊，社會責任，哩d係工作方面都需要考慮既層面。我唔知道係"采用既工具"定"師傅自身價值觀"所導致，哩個我堅唔清楚（試過研究傳統術數，我連個基本概念都睇唔明 
可能真係無緣份）
所以回到你既問題，好大機會佢講既野係岩（賺到錢，穩定=幾好）但因爲佢忽略唔講其他心理層面，所以你係心理層面不被滿足，導致不舒服，唔係金錢穩定方面不舒服。
（個人經驗微薄，理解片面，純粹講出個人睇法，對傳統術數有相關瞭解既人請指正，但勿插 ）
睇到一個人比較係賺正財定偏財
轉咩行業理論上可以睇到個框。但一個行業裏面仲有千千萬萬間公司，千千萬萬個腦細，千千萬萬個同事，全部都會影響到你係工作上既發展，體驗，經歷，其實全部都要納入考慮。
行業只係衆多個"篩"中既其中一個，只考慮轉到行就可以解決問題，無疑亦係omit曬其他"篩"，將一個問題平面化處理。如果無正視其他係工作環境造成影響既相關要素，好大機會仍然會係另一份工作感覺不滿足。好似唔記得邊個講過：你想係香港賺錢好容易，做金融囉！做sales囉！一定賺到錢，但係咪真係令你覺得人生有意義？你係咪會感到快樂？（當然唔排除好多人好好運，真係一下打中一份各方面都滿足到既工作 我都好生羨慕）
2個讚
多謝你嘅回覆，小朋友情緒起伏比較大，易笑易喊易嬲，我都摸索緊點同佢溝通中…
Hi 小朋友有個火象大三角bor 太陽獅子入廟，月射手，木白羊，感覺會係一個好陽光，心裡面大剌剌既小朋友。
然而呢，佢上升天蠍就係一個好有趣既情況
因為上升天蠍傾向俾人一種先天既「壓迫感」既印象 加上如果火象energy運用不當的話（年紀細好容易出現）就會令人誤會佢係一個好bossy，風風火火既小朋友 但本質上佢應該只係好在意想做好自己表現，同埋真係不拘小節
1個讚
多謝樓主嘅回覆
小朋友暫時仲好細個，真係覺得佢有啲bossy
樓主講嘅嘢大部分都好正面，多謝你呀！
hi 幫你睇自己。
首先見到你上升雙魚，火星入一宮。哩個配置好有趣，本身好有衝突性既配置，所以好想研究
哩度我想嘗試兩個看法。
-
理想狀態下，你會唔會有時做一件事，明明出發點係無私的，但係人地眼中（或者自己心裏面凝住）係d好"自私"既行爲？ AKA：人地話"點解你甘自私"or"我點解甘自私"但其實你背後理由唔係為自己，自己真係無所謂甘。聚個例子：捐錢捐到屋企人睇唔過眼etc？
-
陰影狀態，自己有d癮頭，導致係人地眼中自私既行爲？
pm給你，謝謝你回覆
自私，未聽人咁講過我
我自問自己係有義氣嘅人，人哋要我幫手，只要有能力都唔會托手踭
而未嫁之前我主要係為屋企付出最多嗰個，尤其係金錢上，我係屋企人嘅大債主幫過屋企人還卡數同借筆錢比屋企人週轉。
結婚前後照顧頭家買呢樣買嗰樣有咩要整都主要係我，都因為咁樣，有時如果我有需要，都會叫佢哋幫我做啲小事，例如幫我去邊度邊度交收，幫我去買少少嘢同拎嘢咁，不過我都會考慮返方唔方便佢哋先叫佢哋幫我。咁算唔算自私
辛苦你
希望我嘅盤可以比到娛樂你
1個讚
hi 感謝你詳細既feedback
可能我講得無夠清楚，可能唔應該用「自私」but rather「自我」
因為火雙魚入一宮
首先火雙魚代表你大部分既行動本意都係「無私的，自我犧牲的」 但入左一宮
一宮係代表「我唔咁樣做就唔係自己」既宮位
所以好奇既係你係「熱心做人」係咪比較少係「我被逼，我唔想，我局住」but rather 「唔俾我犧牲自己，我就唔係我」
而上述statement導致到eg其他人眼中，啊叫你唔好咁搏，點解話你唔聽啊 咁樣既所謂「自私」？
點解呢句咁搞笑
「我唔咁樣做就唔係自己」係啊！就係咁！
其實我有時會好想唔理個屋企想自己走咗去，個包袱太重，成日覺得點解要我去孭。佢哋係冇出聲要我咁做，但我又過唔到自己嗰關，有時仲覺得自己多事枉作小人
Hi 因為哩邊免費只會簡單睇，而推運要出好多嘢盤睇，所有無辦法幫你推算到/亦不太可能100%完美推算到係咪一定入到某學校。
不過睇小朋友性格，上升獅子，太水處女
基本上應該好在意自己既表現，亦係一個好追求「我要做好自己本分」既小朋友，讀書上既邏輯性應該都唔錯，所以基礎學業應該唔太需要擔心。應該算係一個自動波型小朋友
好的，謝謝你。呀仔讀書都幾吸收，好快就明。但佢有種stubbon, 有時唔太聽人意見，所以性格上可以分析多2句嗎？等我地多了解。
小朋友太陽二宮，係會好stubborn無錯，因爲佢要用自己既方法行
要自己撞到墻，proof到唔得，先會改變。所以…… 比佢撞下板啦