參不多到
，不過專重你的決定。
我有興趣，贈我幾句。
問下
2022年以後嘅財運，有無仔女養? 會唔會臨老俾女追求?
hello hello 唔好意思, 係咪MISS咗小朋友2?
Hey………… 2023年3月3日既今日，我希望重啓哩個占星post。
一來係休息左一排，細路又大d，終於可以多番d自己時間。再來係，哩段時間自己都有繼續進修占星（自己買書睇 
）好想重啓返，睇下自己同往日既自己有乜變化。
修正dd規矩。
-
以前係自己上占星之門出圖，仍然可以，但宜家多一個option：
如果你ok，可以直接dm我提供出生年月日時地。
我哩邊開圖睇完，直接係post度文字解讀返。甘你既星圖就唔需要post出來啦。 -
解讀唔會全盤解讀，只會睇下有無d得意位，同大家傾下計講下。
盤主聼完解讀，都請盡力發言，一黎幫我對下答案，二黎最緊要：推流量，推流量，推流量。
頭盔區：
A. 如果你認爲解讀唔fulfill到你既情況（eg某師傅唔係甘講！），甘你就當笑話睇下就ok，唔需要太在意。
因爲每個人解讀風格，offer既野都唔同。我自己比較係心靈向，自我接納、自我提升向多D。
睇盤哩d都要人夾人緣。無緣份，開心say bye就OK。
B. 之前因爲自己唔識得控制輸出，係免費(aka無能量回報)既情況下一直做，導致到自己energy過度透支，好快就chur乾左自己，導致到哩個post停做左整整3年。
唔係比説話聼，or震人傍水，只係哩個應該係每個做spiritual服務既人都會經歷過既情況——
因爲無信心，唔敢要求or過分付出，最後透支左自己。
今次我希望改善哩問題，所以我會set返d 自我保護措施 & 自我提醒
- 每個盤只睇一次，恕不接受追問（哩個我絕對要自己控制好 ）
- 解釋上盡量言簡意賅。可能你會覺得文字量少，但我會堅持粒粒用心。
- 我自己玻璃心覺得態度不良，帶著挑戰不信任者，會接無視
都係果句：人夾人緣，無謂結緣
C. 此post既解釋權，全數歸我所有。
因爲我自己土星水瓶12宮，先天容易係群體中招黑，現實生活中讀書時被霸淩過，霸到變社恐；
網絡中亦試過——以前經營另一個IG賬號既時候，曾經出活動做免費占卜，就被一大堆不知名，勁恐怖既haters集體洗版攻擊過，攻擊到我要del account。
而最近行運冥王星亦已經0度合相我既土星，我自己係超級怕哩件事會重演。我自己都未有自信handle到。
如果……如果……如果……
大家認可我過去提供既野，所論述既論調，與大家互動既爲人處事（唔要求深入瞭解，單純就我係網絡上表現出來既
爲人）感到OK，感到認可既話……
D. 希望大家都可以繼續支持&幫助我，令雙方可以共同建立一個互信互助、同榮同生既良性關係。
最後備注：
- 你既出生年月日時，我自己會keep record，唔會對外公開，只係for我自己學習提升之用。
- 部分朋友們既好評feedback，有機會會cap出黎我自己做好評紀錄，所有私人資料、頭像、重要文字會被blur走（主要留：哇，好準，真係啊」果d）正式使用前，會通知你一聲。如果你覺得唔ok，一定要講，我唔會post出黎。
- 如果你希望協助哩個post可以更長久發展，亦係協助我得到能量平衡
歡迎你捐錢去一d可信可靠既慈善機構，然後將捐款證明遮重點dm比我，等我知道。金額around or under $100已經ok，上到$300左右，你已經可以搵我睇個30分鐘基本版全盤 小小心意足以。
之後，我會不記名出post，等大家知道我地BD哩度，都係有愛既一群人。同時，亦可以大家分享一下有咩好機構，最近有咩團體需要得到大家既幫助。
當然，絕對係自願性質。
非強制、非強制、非強制！
開免費post係我自己心甘情願！就算我自己再ill-managed乾左，都係我自己既選擇，與人無由。
各位願意提供資料比我睇盤，已經係一份心意，一份信任。
平日多一個微笑、多一個幫忙、幫手推門，你已經同宇宙繳交緊一個好既業力行爲，唔係一定要捐錢先做到。大家記得：量力而爲，隨心而發。
有其他野，日後想起，我會再出post補充。
甘就………… 游戲開始啦！！！
7個讚
之前係哩個post，你post左而我未睇既朋友，如果你仍然想睇，可以留言refer返你個舊post with舊盤，signal返你仍然想睇盤既意向比我
1個讚
自己留位日後做備注
歡迎返嚟呀，好多謝你之前塔羅你幫過我
我好想問嘢㗎，不過過唔到自己心理嗰關俾出生日期
如果你唔介意睇塔羅，我第一個報名 
依家唯有支持吓，推下Post先
2個讚
hihi 多謝你仲記得我啊
因為最近自己想多向占星方面發展，所以目前只重啟返免費星盤。塔羅我宜家暫時只ig果邊做收費
如果你對於提供出生年月日有保留，可以自己去占星之門cap圖，然後出post俾我睇都得。
具體做法，參考一樓就OK
1個讚
其實用星座圖如果識睇係咪睇到出生年月日㗎？ 
呢個都係令我卻步嘅原因
當年塔羅問咗你一個令我短暫困擾問題，但係其實我自己本身有一件長期令我十分困擾嘅問題，所以我一直都好後悔有機會點解唔問長期困擾嗰樣嘢啫
而咁啱嗰件長期困擾問題，今朝又浮現咗，我又見到你出現返，所以令我更加後悔 
萬物有時，可能你當時未係時候解決
宜家先係時候。你可以考慮下用邊款。
占星的話你自己cap圖，然後畫走私人嘢就OK
好耐無見, welcome back 你既占星系列
好好保護自己都係愛自己多D既表現
請愛自己多D, 咁樣先可以愛更多人, 保護返更多人
恭喜你休息完, 進入另一個階段
4個讚
感謝你啊
成日都係我同人講要愛自己啊
搞掂自己先可以幫到其他人
今日係我第一次聽人對自己講
好感動
3個讚
你上升射手，天王一宮，同時三分太水金白羊。
感覺你細個d，後生d既時候應該⋯⋯算係欠揍人士
反叛底、有d不屑於與人相同，幸好你上升射手用搞笑幽默大方包裝一下，比較令人接受到，but still 有種不屑同刻意同人唱反調既feel？
仲要水金合白羊感覺講野其實好直，but又嘴甜甜笑瞇瞇地講，砂糖混玻璃咁令人食又唔係，唔食又唔係
但你本質應該係一個敏感既人。因為知道自己內心既柔軟，所以反而用一種「大而化之」「幽默搞笑」既形象保護自己。乜都笑嘻嘻，等人無辦法深入自己既內心，或者做主導聊天內容既人，咁人地就無機會探聽到你真實柔軟既內心。
宜家經歷左歲月既磨練，以及應該係社會/職場中與人起衝突（應該有機會去到見證人性黑暗既衝突）而令你收斂左好多鋒芒，所以性情應該柔順左好多。
*記得feedback，感謝你
我有朋友都係學類似既野
聽佢講呢d 野係要energy
所以如果有人問佢野
佢係會要求對方有d 野作為energy exchange (eg 請番佢食飯)
欣賞你咁有心
為左推動呢個論壇都付出唔少energy
你都唔好太chur
2個讚
係啊……真係做過類似既service先會明白，唔係真係小氣唔幫，而係好多時已經乾左
同埋一開始左個consultation，其實就會好容易上心。對方energy如果高都仲好，但如果對方energy低（eg好腐皮），個consultant既 energy就會跟住一齊插水。所以我今次真係要好小心，提醒自己唔可以"睇太深"
感謝你既支持啊
3個讚
謝謝你用心和花時間去分析。
1個讚
抱抱， 可能有好多人都怕怕地羞
唔會咁直接咁講呢啲說話
希望你都記得， 真係唔使chur到自己盡晒
盡咗力之餘， 都要更愛自己
聽聽自己心底話
3個讚
好啊，我會記住的
1個讚