我而家睇到行星位置，慢慢睇緊相位。唔知可唔可以請教你經驗，如果個星盤好多相位，占星師係咪會每一條都睇佢咩意思ga 
宮位好複雜呀，要慢慢吸收下啲basic 嘢先再挑戰
想問下你係睇書自學定係上網呢？
請問呢個盤係咪我呀 ?因為bd的通知好亂,我唔知係咪睇梗我呀 ?
我自己睇書學既……太多相位…… 我自己習慣會pick d最 eye-catching既黎解。
因爲我自己個人感受，星盤雖然係非常系統既一套學説，但係好多時，如果follow直覺去解，反而會更加好解讀到。甘因爲我做開占卜，所以直覺都ok，所以多少幫到d。然後都係pick d最重要既相位去解甘 
1個讚
係回復緊你啊
麻煩曬你 
1個讚
首先見到你太陽土星合係水瓶，月亮係天平，上昇射手，金星係白羊，水星喺雙魚｡
成件事睇，感覺其實你應該係一個內心情感上，唔會太波瀾，同其實唔會太同人有情感上既牽引｡
因為水瓶本身都係一個好cool嘅星座，仲要太陽土星合相，土星亦都代表自我壓抑，同人地分離嘅果份孤獨隔離感。
月亮又係天秤，天秤雖然喺一個好講社交關係嘅星座，但就真係流於社交。個內心其實並唔需要太多情感connection，之後金星落起白羊座，對分番月亮。所以變相就算你突然鍾意一樣野都好，但係好容易又會俾你內心月亮果種好chill既感覺同情感習慣拉住，最後拉扯間，可能直接com熄埋白羊果份比較容易流露感情既熱情。
但係至少你同人相處上，應該唔會比人發現。
因為你火星巨蟹，你行動上會表現出關懷。然後水星雙魚，亦容易俾人一種好容易親近嘅感覺。
但係感覺你內心，其實真心cool同chill， 我輕輕的來輕輕的去,不帶走一片雲彩嘅感覺｡
僅供參考
Click依個就知係咪回緊你
[/quote]
唔該你呀 ,你教我先識咋
1個讚
你好準呀 ,我對靈性同神秘學的確好有興趣, 之前都有自學八字命理同風水 ,現在就對身心靈好大興趣 ,至於幫人 我能力做到的都會幫 ,請問你 我上昇星座係咩 ?
1個讚
hello，你上升係金牛
1個讚
Hello，僅供參考。
哩嗰盤，一睇都係中意研究啲神秘學野bor｡
你太陽水星同冥王星都係天蝎座，而3粒星都係天蝎座九宮,等如其實你個心，最有興趣就係一啲知識上嘅成長，或者人生觀上面嘅成長。而且因為天蠍座宮頭，所以更加會傾向研究一啲不被社會接受，不被社會廣泛討論嘅知識（eg 性，死亡，禁忌哩d）又或者喺一啲講究深入研究嘅野，亦都可以係同黑暗面有關。
所以最有可能嘅顯化係，係可能你大學會讀心理學啊，或者研究啲厚黑學既野呀咁，然後就算你已經出左社會，你都會好孜孜不倦咁去研究哩啲野。
咁一個比較有趣嘅位係，你太陽同四宮嘅木星雙子對分，而且因為你四宮宮頭喺金牛，變相感覺其實你原生家庭比較focus係物質世界，賺錢，食好西，買樓，嘆世界etc，唔會好理會哩啲野。
再加上有木星雙子，屋企就算討論都係討論下明星阿，八卦啊，菜心幾多錢呀哩啲嘢，你自己內心雖然想追求一啲高深學問，eg 人生的意義，哲學果d，反而會因為屋企嘅關係令到你有點拉扯｡
多謝你呀
可能我唔知時間，但淨係6字都已經好準
我係對於d new age /懸案/宗教（尤其佛學）/DS/靈異嘢係特別感興趣，會成日思考同追求個意思
我出咗社會做嘢好耐，呢幾年叫做"的"起心肝去進修，大致上同我方向一樣，都係會考慮讀心理學，但未必係當事業咁做，只係圓咗自己嘅夢
屋企個到我有少少唔明
我屋企人由細到大都好懶（？），我諗都可以叫做唔物質，佢哋係一班完全唔識進步嘅人，可以唔吹冷氣、可以30年都係用超市最cheap嘅米洗潔精，佢哋唔會想一齊返工，賺完錢可以用d好d嘅洗潔精、食d靚d嘅肉
我係成日會上網研究嘢睇到好篤好盡嘅人，屋企最大嘅影響係過去嘅日子家用佔咗我收入最大嘅支出
呢d係我嘅回饋，真係好準，我相信如果我有埋時間應該會好誇張 
1個讚
麻煩晒樓主睇睇, thanks 
好多謝你詳細嘅回覆
關於你屋企嘅意思係，因為工頭係金牛座，金牛座算係一個極緻地代表物質享受，同物質層面嘅星座。但係佢嘅對宮天蝎座，係一個相對比較為唯靈同唯心主義既星座，所以變相呢樣野就係個衝突位｡
金牛座嘅四宮，即係話你屋企主要都係注意物質層面既野，但係變相容易忽視心靈層面，天蠍代表一d睇唔到摸唔到既嘢，太虛無，所以佢哋唔會去考慮咁解｡
1個讚
你好,
問埋睇唔睇到呢世有無子女緣, 同另一半又點
唔該晒 
樓主答過我第2個po既野, 好準 
所以我又黎喇, 多謝樓主既無私奉獻
Hello，因為第一次睇盤，所以我會集中净係解左你自己本人先。
咁其實第一眼會見到，你天蝎座星群入左三宮，太陽水火冥係天蝎，然後黎啲星群全部對冲九宮月亮金牛。咁跟住我再睇番四宮嘅宮頭，喺天蝎座。咁因為四宮天蝎，代表你原生家庭個環境，其實會容易令到你壓抑自己嘅情緒，壓抑自己感受唔敢去講咁多野。咁呢樣野會對應到，你成長之後嘅人格，有天蝎星群既特質。天蝎星群會代表你行事做人，好多方面都會選擇隱藏自己，唔敢暴露自己太多野，唔敢暴露自己光芒咁。
然後因為你嘅天蠍星群係三宮，變相係你係一啲越親近或者越相熟既人身邊，例如朋友啊同學呀兄弟姊妹身邊，你反而會有意識地隱藏自己，然後做所有野講所有野都好似盡在不言中咁。
然後因為你嘅月亮金牛喺九宮，變相係反而你去到外地，或者上到9宮代表既大學or高等學府，一個完全冇人識你嘅環境俾，反而可以好放肆咁去享受你自己嘅生活，真真正正好似終於有機會可以享受下自己喺一個物質世界嘅生活咁樣｡
因爲天蠍有一種先天本能既危機同憂患意識，所以其實代表，你好似一直覺得係近身環境，長期處於緊張既狀態，隨時都要體察身邊環境人事物變化。反而要去到一d無熟人既地方，你先可以honor返你月亮金牛果種渴望穩定同放心享受既渴望。9宮亦可以代表高等意識形態，所以如果physically你肉身離開唔到，可能你個意識都會漂左去思考一d高大上概念上既野，或者透過不停提升自己既知識或者進修，去得到一份安穩既感覺。
僅供參考。
1個讚
多謝晒你
我想講，我一路睇，個心一路跳得好快呀！因為你講中左好多野
@cancermoonmama
呢樣真係，我係原生家庭成日都係夾係唔同人既中間，所以好多野我都唔敢同人講。變左自己要收收埋埋好多野，同埋我都好怕人地知道我太多野。
講得好岩！雖然外表係比較開朗，但真實既我係收埋自己
唔知關唔關事，我好鐘意去唔同地方旅行，覺得咁樣先放鬆到自己
可能好多人都會咁
我好鐘意去學d 平時比較少接觸既或人地覺得我學唔識既野，例如：摩斯密碼、手語、考車牌等等
1個讚
好多謝你詳細既feedback啊，仲要好貼心分埋段落比我
估唔到係學摩斯密碼同手語 多謝你feedback，哩樣好關鍵，幫到我去更具體甘去理解同推論