我有同事講，
歸根究底係佢教女冇方先引起成件事。
聽落好冷血，但諗深一層，又有道理。
2個讚
所以一早已經，帶定頭盔
唔好話我涼薄
可能我信因果，世界冇絕對公平
大家都知，殺人其實大部分情況下
係無需填命
先唔好講乖唔乖!幾十年前不留都大把女仔都係比人搞大肚再姦再碎屍都有!呢批老母姓乜我都未知!
唔發生都發生左,搞到全世界都知佢老母姓乜!為乜?死者矣已!佢老母都係消費緊佢個女!日日揚,貪好聽咩?唔聽新聞都知劇情!唔醜架?個女做左咁既野,要傳千里,好馨香咩?
唔期望失去個女嘅師奶會有幾大計劃，佢應該只係做到幾多得幾多
1個讚
又會唔會可能係由細到大都硬頸唔聽人講、本身係獨生女所以比較縱容、到青春期就更加唔聽父母支笛、冇得管。
仲要講到她同個女關係好好咁
不過大家都知道，反叛期的青年係「教唔到」，但至少應該同個女灌輸
玩還玩，點玩冇所謂
但唔好搞大自己個肚
可能潘太一直覺得阿女係「聖處女」
唔會同人發生關係
所以冇講過嗱！
根本就係教女無方!不過人地個女,有人地教法,佢老母都覺佢自己教得好好架!
好鐘意唔鐘意,會鐘意群咩呢件大粒墨!貪佢多粒墨呀?又唔係靚仔又唔係有錢!
做家長拎件事,同小朋友驚戒下,時下小妹妹,真係要戴眼識人,幾唔好都係自己屋企,有事返去同老豆老母講!無人聽,返去同老師同同學講,總有人幫下你哋!女仔真係好蝕底!
4個讚
咁公開講、一定係攞好嘅野嚟講、唔通話我地關係一直好差…
2個讚
冇必要講佢成日話個女乖唔乖，
大家都見唔少啦，細路仔明明係學校打人，家長都可以大大聲話個仔平時好乖，父母自然反應啫。
至於其他，我除左可憐死者外，潘太件事我只抱住花生心態，睇住佢、陳同佳、管浩鳴、港台政府互相踢波
2個讚
係！你講中我心中所有重點
潘曉穎在天之靈，都應該唔想日日有人提
比起陳彥琳，陳的死仲更加撲朔迷離
依兩個老母各走極端
兩個都係經典
1個讚
亦可能係，真實係點，真係得佢知。
不過我相信潘媽媽係好傳統嘅女人，兩母女硬碰硬。
做人老母幫自己個女講話唔奇,佢個女乜性格,佢做老母佢自己最清楚!唔通10月懷胎,唔知個女性格?
搞成咁,做人阿媽係難過!但唔係日日都消費個女!好醜怪!要怪就怪佢自己平時點教個女,乖女絕對唔會係咁!
如果真係討論乖唔乖,佢個女咁都叫乖,咁大家係學校見嗰 d 模範生,佢哋叫乜?絕頂乖呀?
哈哈，我都係咁答老師 
我仔係屋企好乖ka～
其實我都係用食花生心態…
如果冇上年搞到班細咁，我都會有點同情潘媽媽，
但搞到上年咁，我心痛班細多d…
3個讚
睇到你呢段嘢
我諗起菲律賓人質事件梁頌學媽媽、又係中產、真係冇行出嚟講乜講乜、只想低調生活。
佢幾個仔女睇得出真心乖
1個讚
潘太唔算消費個女呀？
2個讚
我有咁諗過，如果潘曉穎夠膽同父母講
自己有咗…結局一定唔會咁
可能潘曉穎知道講咗，她父母會發癲
其實大家可以用依個Case教仔女
有乜一定要同父母講
係會俾人鬧幾句，但係正常父母一定會提供
一個對子女最有利的解決方法
1個讚
其實上年攪到咁，應該係777揾嘢攪，當日有潘太case，冇潘太亦一樣有其他case比佢借題發揮
5個讚
梁頌學咪仲無辜辜
真係去過旅行，就冇命
天係要收返啲，有時只能默默接受
1個讚
講真,我細個都傻吓傻吓,但每次老豆以前成日睇蘋果東方,10單8單呢 d 做頭條,會拎出嚟教女,警戒咪學,大概講今日條友點男仔呃,(詳細梗唔講啦),唔好比人呃!
當然我老豆個代語氣粗卑,唔及大家呢代咁有愛心溫聲細氣!
但真係學識保護自己!
學校教書本知識,做人老母都要知課堂時間有限,都要抽下時間教下呢 d!尤其香港人始終保守,課堂性知識都有限!
1個讚
其實我覺得係借d e, 有陳同佳事件、都有另一件事。
佔中之後、中共謀左好耐搞掂香港。
成個抗爭呢傢好似比肺炎格硬㩒咗、其實所有問題冇解決之餘、又埋伏左好多新問題、冇人知過幾年、會唔會又有一場「自由之夏」、又話唔定、發生的地點唔只係香港。
高壓統治必敗、差在幾時…
3個讚