我覺得冇問題，佢又唔係唔搵老公，佢都講到搵唔到愛情，佢又好想有小朋友，經濟又好有能力，冇問題丫，如果比我我又愛心爆棚又有錢，我生夠兩個！希望佢哋互相扶持，頭家又熱鬧啲！
領養同自己生係兩回事⋯⋯一個有自己基因同冇自己基因嘅小朋友！
我望住自己bb似我會覺得好得意，望住其他bb唔會囉 
的確唔一定，但亦會有人好想好想，例如我。
張相我以為係小鮮肉
，點解香港冇女CEO 買精產子咖
可能好難。做到高層級別一係就仔女大曬，一係就冇兒冇女甚至唔結婚，特別需要家庭同事業揀一。好少話做緊高層/CEO，屋企有個 BB/讀緊小學。
我都係… 仔女唔係一件玩具, 想要就要…
另外, 中國人真係身體最誠實, 連粒精都要去外國搵…依家中國咁多男人, 搵粒好精都無… ? 
1個讚
原因令人唔想領養：
- 手續好繁複，要家訪要評估，搞得黎，如果係 BB 嘅話，領養嗰刻都已經可能識講識行，錯過左呢段時間。而且唔一定成功。
- 香港領養嘅話，衰啲講句，比較少係健康冇缺陷嘅小朋友。可能會覺得自己承受唔到照顧有缺陷嘅小朋友呢種壓力。如果外國領養，唔知頭唔知路，touch wood 整著個好似美國 Barnett 夫婦領養個 Natalia 咁，真係寧願孤獨終老。而且外國領養更加搞得耐。應該係得內地領養最快，呢個亦係點解咁多美國夫婦飛去內地領養。但風險亦唔低。
- 有啲人想感受十月懷胎，唔想錯過一出世開始照顧 BB 睇住佢大。
- 有啲人好恨有個 BB 生得似自己。甚至有啲好恨生個混血兒。
3、4 無論點，領養冇辦法滿足佢。想要小朋友呢個決定，無論係自然受孕、試管、領養，都屬於滿足自己慾望，只係大家方法唔同。我覺得如果接受到離婚單親媽媽/寡母婆，我覺得自己亦應該接受買精做媽媽。
其實咪好似李氏代孕生三胞胎咁囉，男既俾錢搵人生，依個係女既搵種自己生。
只為滿足自己一己做媽媽嘅夢想
3個讚
呢D係好自私做法，只係為滿足自己需要，完全無諗過小朋友係一個單親家庭下成長問題，有足夠金錢俾小朋友物質上需要，但永遠都補償唔到小朋友單親心理影響
2個讚
我只係覺得有子女係緣紛
冇子女而去領養會振興左人口販賣
幾多bb同小朋友被買賣
至於買精子係冇野搵野嚟攪
個小朋友一出世就同其他人唔同
你幾努力照顧佢都好、始終對
小朋友嚟講係一個問號同缺陷
但係老實，我情願俾有錢嘅單身ceo生出黎，好過俾窮嘅一男一女生出黎
咁係咪窮嘅一男一女更加自私，更加唔理小朋友感受？
2個讚
咁如果你冇老公/男朋友，又有錢，會唔會咁樣單身生返個？
咁又有幾多人唔想要都焗住要，到最後覺得係包袱，生出嚟唔教唔理，心理影響唔會比單親家庭細，唔會單純因為有老豆生而做人開心啲，主要都係受家庭環境氣氛影響
講真… 我唔想做果個BB 
1個讚
非常自私的做法
只為滿足自己做母親嘅慾望
1個讚
咁不如領養.
1個讚
Jm們話單身女ceo自私，但係生仔本身就係自私架喎，一男一女生仔都係滿足自己想有bb嘅慾望
2個讚
估唔到咁多人討論依D話題 
其實一直香港都有女強人 / sheshe 去美國咁做
利申: 做相關工作接觸到
1個讚
多謝jm 分享!
入面佢有幾個位我覺得講得好好 
- 一開始無Daddy, 好過中場離開(雖然比較負面, 但佢仲有大把時間幫BB搵個好Daddy)
- 掉返轉, 如果係男人用錢買卵子搵代母, D人會覺得有型, 反映重男輕女問題仲係影響好深