工人姐姐可能係扮蠢
頭先發生，之前都試過同一個同事：做做下發現同事啲data有問題，同事話無錯，最後做哂final check真係錯左，我個部份要做過
唔上心， 講乜無用
除非強硬手法執正
發一次火俾佢睇
記得有位同事做錯嘢，同佢講咗做錯乜，應該要點點點。結果，佢好有性格咁聽完就算，繼續用自己方法做。
我有個同事做左1X年, 做野都係錯架 
錯埋同一樣嘢呀？
其實如果佢唔帶個心番工…你講幾多次都冇用
提完又提
寫咗memo紙喺佢枱頭再提
呢樣真係
1個讚
真係仲煩過教仔
真係最驚呢啲人
講吾明，吾明堅吾問
做又真做錯，認都算好，吾認但係人都知係佢，個啲仲衰
解決方法，都無咩可以幫到佢
同佢講依家時勢有份工，已經唔錯
叫佢要珍惜
蠢人真係幫唔到手， 隨時累街坊
我以前個老細(鬼佬)教我，話要motivate 一個人做事，一係奬一係罰。但係咁大個人就唔會好似小朋友咁罰佢打手板，而係要佢有恥辱感，即係佢做錯事要令佢見到大家為佢既錯付出乜嘢代價，要幾多人幫佢執手尾，加一句嘆息鼻息，兩下搖頭，幾個無奈表情，唔洗出到口鬧已經係好大羞辱。有羞恥心下次就會改善。如果連羞恥心都冇，咁都係冇心做，佢可以收得工啦呢個時勢。
1個讚
係呢樣都係真, 如果我做錯事要連累到其他人幫我執手尾，我都好唔好意思，下次就唔敢做錯
POST IT幫到你 
差點遺忘左呢個名
有D人係好自我，唔理其他人，只做自己認為啱嘅事。
早兩日同事打比我問公事，答覆後佢唔信我講嘅嘢，話自己未見過。你未見過係因為你未做過，唔代表不存在。好心提點佢，仲比佢寸番轉頭話唔介意比老細知道做錯嘢。
大家坐埋同一條船，你衰咗我哋唔使一齊受架?! 