其實精神出軌比肉體更難受
如果佢只係搵個女人搞完, 返來對自己都係OK, 反而無咁傷
但個人係身邊, 但終日只係諗住第二個女人, 唔愛自己, 同自己無交集, 咁的婚姻, 真係無乜留戀。
我諗你點都要搵老公坐低傾吓嫁喇, 了解吓佢咩想法先, 無論一個人有精神出軌定係肉體出軌都係唔岩嫁喇!! 但既然事情已發生, 只可以盡力去做。
同時都要問吓你自己, 係想繼續落去? 定係分開? 有決定之後, 你就知道自己應該點做
我都係咁諗，精神比肉體更大鑊，佢可以同任何女人發生，只要好傾就會出事，大鑊係99覺得好傾唔係罪
但老實講…而家正正係好傾而出事，[天時地理人和]…點鬥呀。出去滾都知鐘意咩類型呀，精神而家野點估。佢講又唔係唔愛我，佢主動同我講對人有好感 ，我問佢想點…離婚定唔離。佢一直都講想留返係屋企…。
我都5050…。自己個小朋友仲細…小朋友成日都話去街要爸爸媽媽一齊去，小朋友又好鐘意爸爸。依排先生D 態度好似鬼上身咁…成日同我講好掛住我又幾次同我道歉…話自己仆街。而家我同佢一齊又係咁襟電話…唉…我真係唔想講佢講野
「只係精神出軌」包裝得好好聽，但說穿了即係個心已唔響你度。JM你雖然講到你老公「精神外遇」對象條件唔好，但有時老土D講句內在美比外型更重要，如果外型唔係出軌原因，果位女士一定係有D內涵吸引到你老公。
呢啲人好不負責任, 自己想點都唔知, 唔係能夠負託終身的人, 可能妳嫁錯郎了。回頭是岸。
個女人就係姣…。佢唔止姣我老公仲姣埋其他同事，但又係做兵個隻…陪飲陪食。因為自己去飲酒…掉底自己個女不理…飲到醉哂仲要人送佢同個女返屋企…因為玩、飲酒…係人地屋企三更半夜都唔走…淨係比個女睇電話…。佢既內涵就係咁
男人點都係鐘意姣西西…，雖然…一隻手係拍唔響…，都明兩個人之間係有裂縫先會漏水。但我釋懷唔到…佢既眼光可以咁底又無身材又咁既內涵既人…我對佢…反眼反到上外太空
真心替佢小朋友難過, 跟著個唔識自愛同愛小朋友既媽媽, 之前都有睇過新聞, 有媽媽吸毒, 自己死左, 仲餓死埋個小朋友, 唉, 呢啲真係悲劇!! 希望佢個女可以正常成長, 大個唔好學佢媽咪咁啦~
條女仲要唔係10𡃁歲既𡃁妹，都成廿歲尾都可以智障成咁，自己未玩夠就咪生，生完又未玩夠，自己婚姻都失敗，自己個男人唔要自己，仲要周圍姣成日post 同自己既女既相，懶係愛。條女都算小野…我直頭識得…陀B Hi 野，生出黎D B…全部毒B…有個直頭生完唔要…比政府養毒B 較輕就寄養家庭…。