我覺得津校直資都有好/差嘅學校，好難用二分法界定高低。我自己就津校出身嘅，而家讀緊津貼中學，應該算名津卦 
可能係我屋企管得唔嚴，初小過得勁開心，興趣班唔多 溫書都好hea仲要日日去公園玩xd 到5年級考呈分先識緊張，托賴遇到好好嘅老師 最後幾次呈分都考得幾好~
/
我身邊都有唔少同學係從小催谷到大，佢地有d係真叻入spcc/拔萃嘅，但都有好多係操得好辛苦但成績未如理想。我讀咁多年津校，覺得讀書其實好睇老師同本身嘅吸收力，操練起嘅作用唔大（尤其係初小，到大少少會發現同其他人水平唔會差好遠）
所以與其比反小朋友入直資chur，比小朋友愉快學習可能會更好~
1個讚
所以我好憎FB既中同迫佢地既小朋友狂補習+狂學野,拎小朋友既成績黎曬又話佢地未夠盡力 
佢地大人以前讀書時都又懶又成績差啦
講得好好,太多家長要求孩子讀書講求分數(為求入知道嘅名校),唔理解讀書真正目的,所以讓好多孩子讀完為了考試而已,之後都忘記晒,所以好多都從小學這樣的基礎下進入中學,自然基礎唔係好好勉為其難繼續前進. 我孩子也是你這樣的方式面對小學,雖然唔係咩出名小學,但老師一樣都好好教學,最終都一樣可入到孩子自己喜歡嘅中學. 開心學習才是最重要,好像今年那位董XX中學的狀元生,都係開心成長下學習,最終都一樣在這間比人標籤B1B嘅學校考到理想成績(好多人仲不停想離開插班入B1A或名校,特別在另一個親子論壇裡,太多所謂資深會員及家長都有這想法),仲有一間B3學校,也有一位考得很不錯,所以好多學校係有心教,但好多都係為了分數嘅怪獸家長攪成學校很難做. 知識改變命運係會有,喜歡讀書自然在邊一間學校都可以考到,真係唔喜歡,比你入到好有名氣嘅學校都冇用.
1個讚
今日有朋友send 為申請直資小學而拍攝的入學申請片段俾我睇，我覺得小朋友係表達得好好，但其他朋友卻不斷挑剔小朋友做得唔好，要加強訓練……其實係咪要訓練咁多？對我嚟講真係好痴線，咁細個已經練到老人精,幾時練到大？
所以我避開晒video application。既睇唔到事實又chur盡精力破壞家庭和諧，計落無著數啊。
你睇個短短幾分鐘背後ng好多次架。叻既順利既都好可能take 10次，聽親d小朋友都錄到喊，好慘。
4個讚
朋友已經唔係虎媽，但其他朋友就成日提，唔讀直私或國際學校就對唔住小朋友，讀官津學校就無出息！我真係唔認同，不過大家係朋友就費事討論
有間富貴教會, 仲叫家長同小孩背金句然後錄比導師睇。家長係背後叫哂救命, d小朋友都錄到喊
直私或國際學校都唔係間間好
2個讚
痴媽根、根本係另類虐兒
家長又一齊癲
1個讚
上年我有2個朋友既小朋友都拍過呢D片,佢2個小朋友已經好叻,都係考唔到 
個導師係個間教會有名氣、地位、d 家長一邊迫小孩錄來交片、一面後背後唱佢
我好好奇DGJS交個d 食飯片。
1個讚
仲要父母望住食
咁食野不應講野、咁條片米silent ?
其實咁樣好唔公平，首先睇小朋友資質，仲有本身家長自己教育
我最近學識左一樣野，要比較別人小朋友之前，要先比較自己同對方家長
真係好重要…
5個讚
Absolutely!!!
係
有d嫌屋企細特登借朋友間屋來拍
有d買外賣扮自己煮
然後小朋友屋企有工人從來唔開枱既，突然好似拍教育電視咁daddy食飯mammy 食飯
我都唔明咁作狀既片睇到d咩，有d人話睇屋企背景
但我覺得好無謂，呢家係咪揀小演員先？
3個讚
我有朋友拍個女自我介紹既背景係佢拎到成牆既獎，有d學校都無揀佢interview
1個讚
講中哂
阿媽淨係諗可唔可以係朋友面前威。
一句「為你好，為你將來」就玩哂～
