唔止架、好多身體好誠實有護照、甚至走左啦
佢地覺得自己走係應該，人地走係多餘
藍c 想你地走，因為唔夠你有道理，鬧交輸梗。
同時又唔想你走得到，因為佢地唔想你過得好。
一切都係心胸狹窄搞事 
本 bno 其實都係諗住最後救命草，而家真係要拎出黎用就覺得好多唔捨得
1個讚
係真係要好大決心 
真係好煩惱
我就咁諗, 我地有BNO係因為當年父母幫我地申請至有 (我係自己申請), 但依家BNO 5+1要一家人過去先入到籍, 所以主要係幫小朋友拎, 無人知到時會係點, 但如果唔去拎我怕小朋友長大後會怪我 . 當年我都可以有BC, 只係父母唔肯申請, 唔係我都唔洗依家諗 5+1~
1個讚
其實正苦日日都挑戰梗正常人底線，更加強左我地要走嘅決心。
其實2020年之前都無諗過會走，但見住香港變成咁真係好心痛，難得有bno visa,為兩個細一定要撑住。不過真係好唔捨得呢個地方丶家人同朋友
1個讚
有bc 都唔拎左先
我就係細路唔可以自己去、所以點都想同佢哋留多條路、驚第時後悔
直情覺得被迫咁 
咁你哋有冇定左去邊？
從來冇去過英國，而家真係覺得英國好大，要硏究去邊一個地方真係好難
咪係囉, 有BC都唔去拎, 就係我父母唔做, 我就係有怨言~
我就怕依家我唔去 5+1, 我D細路無多條後路, 到時佢地大個埋怨我呀~
有冇人諗住短時間內走？老公好驚好快就出健康碼到時想走都冇得走，但個仔先得果4個零月，依家個肺炎又未穩定，如果去到有咩事咁點算
其實真係大海撈針咁、我自己想去返多香港人落腳既地方先、未去過、網上最多人講係曼撒斯特、安全感大d、老公就話我哋可能真係食穀種直情去蘇格蘭算
我入咗好多whatsapp, fb, tg group，有d人8月已過去，但老實講唔係個個順利，搵工難，連搵地方住都好難，得半年LOTR好多業主唔肯制，有幾個而家住airbnb要£100 per night…
睇睇吓都會擔心
其實大家睇定D先啦, 等埋十月公佈細節, 有可能唔係5+1呢, 政局變化得咁大, 同埋有人分享LOTR 時過關唔同左, 似乎唔似 5+1, 大家耐心等下先~ 依家大家可以睇下資料諗下邊度落腳, 財政上預備例如開英國銀行戶口, 或者離岸戶口轉走D錢先, 或者執下野清雜物先~ 仲有幫小朋友報英文COURSE/ GCSE 果類咁啦, 大人就去學車,或者上下COURSE學一技之長咁~ 做多D準備先咁~ 行動再睇定D~
3個讚
其實今年過去環境真係唔樂觀、唔係bno係一早移民過去既都企左係度、預左要錢守
我預要租樓都要一年過俾、好似大陸學生係香港租樓咁
單身住shared house可以嗎？同埋可能我窮睇d樓無講得咁平、係食物價平
3個讚
聽人講有好多whatsapp, Fb group, 請教何處找到？什樣入的？
而家肺炎真係攪唔掂，如果佢真係鎖市就認命
1個讚
要讀英文先，唉
我都覺，好煩。要等疫情好轉先走，
1個讚