我係由細到大都唔想擺酒,覺得點解要做SHOW 比人睇
無擺，起初兩三年有人講下，之後都無再提
我係旅行結婚，行禮果日影埋婚紗相。向香港冇擺酒，淨係雙方屋企人食餐飯。因為結婚前見家長已經食左一次中餐，所以結婚餐飯揀左去酒店食buffet。
全程雙方家長都冇乜意見，係我阿媽比我阿婆講兩句話我唔擺酒，佢就抽起條根叫我擺幾圍請啲親戚食飯，話全部錢佢比。我冇彩佢，講左唔擺就唔擺，唔係錢問題，有金執都唔擺。阿媽都通氣，講過一次我reject左就冇再提。
我有個同事真係乜都無搞，請咗一日假，簽完紙就算。呢啲嘢好個人嘅，有人鐘意大排筵席，有人鐘意低調。
我本來都唔想擺，淨係教堂行婚禮。不過99做生意識好多人，點都要擺。最後被逼擺13圍，但我99仲話嗰日邊個無嚟，因為唔夠位。（大佬錢都係我哋比喎⋯⋯⋯⋯-_-）
我哋當年兩條友去咗vegas結婚，冇人觀禮，一樣咁難忘~
婚紗相就買咗件三舊水嘅婚紗 去英國旅行時 求其自拍咗一個上晝
d相當然唔見得人(兩個都完全唔識影相)，不過幾開心幾好玩呀~
雖然返到香港都係要同一兩圍親戚食飯，不過簡單咁多已經好好架喇…
1個讚
冇擺酒,有買cheap cheap婚紗去註冊處簽紙,之後四大長老+我D親友加埋2圍去酒樓食個lunch咋~註冊後先去台灣影婚紗相+honey moon~不知幾輕鬆,D相慢慢執,又唔洗趕呢樣趕個樣~
都就10年,冇說話聽過~
唔擺冇問題呀唔使理其他人咁多啦
好有型
2個讚
最終答案都係問自己會唔會後悔唔係呢啲人有你無的「標準程序」，尤其係將來小朋友問起…
不能同意更多…
1個讚
影我唔會後悔﹐
D相簿先至救命﹐
我果陣好彩要的相少﹐
大相都係得一張﹐
處理的o野少好多；
有朋友映幾輯仲輯輯都要大相﹐
夾硬放係長老屋企﹐
真無聊。
其實自己唔介意就OK了.家人都係其次.
因為要花錢既係自己. 最緊要忠於自己想法呀!
其實細細地自己人食幾圍都已經好足夠.
提外話我覺得影PRE WEDDING真係唔好花太多錢.
影完拎個大大相架當刻好開心.
但老實講日後只會覺得阻住哂又要搵位放.
我哥幾前日返娘家食飯先講好想掉哂D PRE WEDDING相佢
唔係，大家都覺得爭張紙，簽咗完成一件事。
我都結婚15年，除咗開頭拎出黎睇，好快就放左床下底，幅油畫即情想掉左佢，如果真係想影，揀個平平地package好啦
近呢幾年大把啦
真係超簡單 
該主題在最後一個回覆創建後30天后自動關閉。不再允許新的回覆。