唔好咁大壓力
我生完後都係用咗好多方法都唔夠
睇中醫， 按摩通乳， 上奶湯， 增奶丸都試勻晒
BB次次理身食完都仲大喊，最後補咗奶粉就唔喊
之後我就泵出來， 儲起日間就餵人奶， 夜晚就餵奶粉
媽媽情緒唔好， BB會感覺到㗎
諗通咗覺得有得俾BB食已經好好
放開心情同BB玩吓互動吓反而仲開心
我小朋友而家8歲喇， 身體都好健康
3個讚
唔駛咁上心，有人話有就有，亦有人得少少，我有朋友係多到雪櫃放滿晒唔夠放，但我小朋友一日應該只係得十安人奶左右…
依家情況好似去到另一極端咁，乜都要人奶先得
仲之就係，有就俾人奶無就奶粉，我兩個小朋友，一個多人奶一個多奶粉，個奶粉B仲健康過亦叻過人奶B…
1個讚
傻嘅，叫你奶奶而家支d人奶出嚟囉，咁多奶，個時我係威院個姑娘話佢之前去做義工，d山卡拉地方嘅女人都係特別多奶，城市相對會少，因為壓力大，休息又唔夠。同埋我覺得香港對餵人奶嘅support都唔夠，一味叫人餵，話狂埋身就有，有時都要睇bb性格同能力，我個仔出都埋唔到身，咀又唔夠大，又懶。唔好覺得比奶粉係你做得唔好，幾多幾少人奶都係媽媽出盡力比bb嘅愛，你咁辛苦都堅持已經係200分嘅媽媽，其他人唔明就由佢，你自己諗通先係重點。大家都係想bb食飽瞓好，又唔係有毒，自己壓力大對bb耐性都會少，愛bb都有好多方法，你已經好叻
3個讚
開頭個幾2個月都係一次得1-2安,
都有同其他媽媽比較, 人哋一個月就可以儲冰奶,
明明我都一日泵7-8次, 又半夜起身泵,
但都係泵得少少, 真係好灰
惟有夾埋一餐比BB 飲, 飲得一餐算一餐,
唔好咁大厭力望住個樽泵。
而家2個幾月都仲追緊呀,
奶量都一直好慢好慢咁上升緊,
樓主加油唔好放棄呀, 放鬆心情就會好
3個讚
好想安慰你夠唔夠奶真係好因應個人情況
我都好明想全人奶既心，但係身體/bb配合唔到都無辦法，唯有自己調節下心情，接受唔係人人都奶媽體質，因為壓力大都會影響奶量，要盡快收拾心情，重新上路。我當初見到老公餵bb食奶粉，我喊左出黎，覺得自己好無用，俾唔夠奶bb食，仲試過發晦氣講話唔餵人奶，但心裡面係極度唔捨得
要記住，你只係唔夠奶而唔係無奶，將你有既都俾哂bb就好足夠
利申：bb三個幾月，仍在努力追奶中
你泵一次都多過我
1個讚
你用乜奶泵? 我三個小朋友, 第一二胎都用AVENT手泵, 已經可以餵到去歳幾兩歳, 第三胎用既係AVENT電雙泵, 先知原來電泵加雙泵係可以慳多好多時間同多奶咗!!!
另外, 我一直餵奶期間都餵炒黑豆茶當水飲.
希望幫到你.
我係埋身同用奶樽餵人奶都有用
另外, 在開頭, 我都耐唔耐有餵奶粉, 不用自責的!!
係呀… 有時見到佢埋身完好似無無食過野咁真係好心up
我地要加油呀!
多謝你呀
我用緊medela swing maxi同埋the one
都係雙泵
而家除左埋身我都有泵密啲希望追多啲奶!
多謝你既鼓勵 
唔係講笑我奶奶真係話想自己上奶餵 好過見到bb咁辛苦… 真係嘔血
我bb都係唔太肯啜 食幾啖就訓/躁底唔啜
所以唯有泵多啲去補償返
我見你其實好多野做足
可能壓力太大 休息唔夠都有影響
我自己覺得唔洗一定要下下去到全人奶既
個個人既奶量同埋身體都會唔同
唔好迫自己迫得咁辛苦 生完已經好攰架喇
就算真係兩溝都無咩問題
我哋以前個代包括我自己都係飲奶粉大 都健健康康無病無痛呀～
你已經做得好好架喇～ 加油呀！
1個讚
或者都睇bb
我仔啜奶係幾好 好快手 好肯啜
基本上 左右胸加埋30min內搞掂
後期直頭每邊5-10min就飽
佢對奶樽定linlin都無要求…
有奶就得 即使奶樽都係10min內飲完
其實真係唔洗執著要全人奶
盡左力就可以了
眨下眼都加固
無所謂啦
雖然全人奶真係洗少好多野又慳錢…
1個讚
首先餵唔餵人奶只係一段經歷，餵奶粉都可以係好媽媽，放鬆啲~我既經歷係bb住左5日醫院，出院都食緊80ml奶粉，我都係泵到20-30ml，開頭係全泵媽，因為bb食慣樽，但如果好有決心要餵就無得懶，一日至少泵8次，其實埋身真係上奶快啲，不過同bb真係要磨合，我bb開初就唔太肯，到bb兩個月到肯埋身先轉全埋
2個讚
媽媽，放輕鬆，有幾多人奶就比bb飲幾多，再慢慢黎，就算唔係全人奶，媽媽已經比左最好既bb, 餵人奶媽媽都要舒服開心先得。
有無試過葫蘆芭呀？上奶架
1個讚
千其唔好比99影響到你 個個人都唔同
我b除左係醫院入面埋身出左院就無埋過。我都要個零月先泵到夠奶比bb飲。我飲/食乜都唔覺增到奶，之前都好在意唔夠/唔多奶。跟住佛系左，keep住飲夠水，準時泵奶，睇下飲到幾耐就得幾耐啦 
人地話埋身係多過泵出黎既奶 有時間就埋多啲啦 唔好比咁大壓力自己 大壓力會影響奶量 加油呀媽媽
3個讚
追奶一定一勤力，我第一胎一開始bb 唔係身邊唯有兩個鐘就泵一次奶，話俾身體知唔夠奶、身體先會做再多既奶。
同埋分散注意力都好重要，一邊泵/餵奶唔好一邊睇住d 奶，可以玩下電話、睇下笑片，壓力係會抑制d 奶。
唔好用針整乳頭，係乳眼呢樣野，係「通乳線」，俾bb 啜就會通架喇。
如果bb 滿月了，可能奶量都比較穩定左，可以試追，但唔好太大壓力，盡左力就okay，加油
2個讚
儍豬豬，唔洗喊，佢地嗰個年代係餵奶粉。我當年都聽我99唔少呢D說話，咁我當然都有喊啦。但係我無俾佢地咁樣講打沉，我信念好堅定。我地先至係BB嘅阿媽，佢食乜係由我地決定。既然餵得咁好，就繼續好好咁餵，唔好俾D閒言閒言影響自己情緒同奶量。
有同路人support下自己都好重要。
加油
好欣賞你咁有恆心同毅力，盡咗全力，對得住自己啦！真係有機會第1胎少D奶架喎，有咗今次經驗第2胎會好好多架！
你呢個情況，其實係你俾太大壓力自己架咋。你唔在意自己，個情況可能會好好多。
閒言閒語都唔好理，耳仔要識過濾。
做咗自己認為正確嘅事，就唔好諗太多。識得放鬆都會有幫助呀！
加油