叫佢幾日全日湊仔﹐
包佢謝晒。
1個讚
我老公成日都想要，而我生完後完全唔想，湊住2個女已好攰，佢地訓左都只想休息，或者做自己野清靜下，所以我都覺得好大壓力，成日拒絕佢唔係幾好，佢又唔開心，但自己又真係無mood
男人唔同女人,佢哋唔講mood係講需要
2個讚
都唔明成日都話攰但又成日都需要，咁好精力，我直程攬攬錫錫都唔想，唔想俾人掂，覺得好唔自在，產前無咩問題，晚晚都ok，唔通產後荷爾毛影響得咁厲害
咁誇張？我冇小朋友，唔識呀！
但都要有2個人既時間啊
我已經無好耐… 老婆完全唔想
利申：4x
同感樓上好多JM…可能我已經生左細路，又好唔想再有細路，同埋唔知點解自己都好冇mood，但老公係想要…唉…可能另一方面近呢年我經常心情差，同佢關係又差，更加唔想…有時間唔時交下功課…我知佢唔係好夠…
1個讚
好羨慕你哋哦！
1個讚
我太太就係同你一樣，婚後都唔想
我都冇左8年
請問你係男定女？我第一次聽女人會想每日要，有啲出奇，所以想確認下真係女人咁講
我自己唔知係咪因為食藥，基本上唔想做
好羨慕，我地4x，今年唔夠10次，有時幾個月先一次，佢成日話好攰（真係攰，一瞓3秒就打鼻鼾），就算做好快又唔硬，但佢做過普通body check又無咩大問題，佢話人大左，無咩mood，但我知佢偶爾會打飛機，佢話打飛機快靚正…我理想係一星期一次，有時唯有DYI
咁好鍾意好愛一個人、享受同期望同佢進行親密行為我覺得好理所當然。 就算結咗婚十年、今時今日佢錫我額頭一下都會心跳加速…
同埋我日日都想、但事實邊有得日日、 返工湊仔家務大家都會累、同埋小朋友開始大個、現在又請左姐姐、夜晚唔可以好似以前咁放肆…
2個讚
好彩你有回應我，我喺度諗我有冇冒犯左你，如有請原諒！
嘩，羨慕你地咁恩愛！！
同埋我係有啲出奇，想確認下je, 我冇覺得唔合理，相反你講嘅好合理
同埋女人想做，有時唔係性需要，而係中意親密感
3個讚
我冇覺得冒犯啊、喺呢個topic搭得咀、都係想問下心底話遮…
其實大家都係人、我地小朋友出世頭幾年、我都成日睇佢唔順眼、半夜又唔起身睇小朋友、到小朋友讀k、又唔會早起接小朋友返學、佢自己話我朝早送小朋友返、佢負責買送煮飯、買買下送變左買外賣…我都成日黑面發皮氣
仲諗過自己帶個仔搬走請姐姐、佢咁鍾意懶丫拿、冇左老婆同個仔咪自由囉…但後尾冷靜啲自己諗、嘅然諗到呢一步、不如所有野睇開啲、唔好去計較、最後請左姐姐返嚟分擔家務事…
本來佢反對請、但請左反嚟、我刻意控制住唔發脾氣、對佢好啲、等佢接受有姐姐的好處…有時小朋友訓左又可以落街食下燒夜、我先改善到自己心態
1個讚
你好叻！
1個讚
你哋除左性方面唔夾，其他地方是否都無問題，少爭執？
你講得好中、我就係享受男女之間果種親密咁。
有時我都會諗、如果有咩事真係要分開、可以去邊度再揾個人由行街睇戲食飯拖手開始重新培養一段關係…
2個讚
我都覺得，女人想做，未必係次次都好需要,只係想增加大家親密度，係會恩愛啲嘅
1個讚
一星期一次應該算正常㗎喇，香港人咁忙咁攰