免費offer塔羅占卜

興趣嗜好
380

hello， your first draw。
直接幫你問左，點解你會一直單身同advise
reason。聖杯公主，錢幣7，錢幣1
首先第一個感覺係，其實妳個內心中，或者叫情感方面仲係好pure，好⋯teenage。彷彿你對於愛情其實仲有一種青少年人對於愛情既夢想，所以變相你好容易會因為目前接觸到既人同戀情唔fulfill到你內心既夢想而感到失落，然後令你更進一步唔願意去走出哩種夢想咁。
而且亦感覺，你認為要見到對方首先對你對你付出一d好實際既野，先叫做合適既人。meaning，如果一個人純粹對你表達好感，你會覺得唔夠，你要對方eg 送野俾你，或許做一d好solid既野，你先相信對方真係「愛」「鍾意」你。如果純得把口，或者純粹只有情感上既流動，可能就convince唔到你。

advice。世界
世界其實係一張好「世俗」「成熟」既牌。其實感覺會呼應到聖杯公主，要你用翻一個practical同理性既角度去看到兩個人之間既關係，而唔係再用「四葉草碰上劍尖時」果種puppy love既期望去尋找關係。要以一個成熟女性，自主獨立，散發著成熟自信既氣質同自信去展現自己。因為世界牌會代表，其實你已經係一個完整既人，你唔需要另一個人去fit in，彌補你既人生。你係一個完整既圓，而唔係半圓。relationship唔應該係你「缺乏需要彌補」既部分，而係為妳人生錦上添花既野，要改變翻心態先。

應該留意咩地方同點展現自己
11宮。朋友圈，擁有共同理想志業既團體，興趣班啊，教會果d都係。social group啦，同埋網上都有機會。

智神星 巨蟹
感覺會要你展現出一種成熟女性，聰明睿智，理性既形象。同時，展現出對一種照顧他人既溫暖。

僅供參考。

381

多謝你幫我地2nd read呀！
Sorry 因為老公身體有d事
我專注自己開始搵錢同埋照顧屋企
所以冇覆到你

佢開頭睇覺得唔太準（唔好介意><），因為佢做都係d luxury賺錢野，不過夢想中未來想achieve既business的確係對世界好既夢想野！

目前希望佢身體快d好返:pray:t3:

1個讚
382

稱呼：S
大概情況：本身同99關係一般，宜家佢嬲咗我，平時同99之間有小矛盾，老公都係幫住99
想問：想知今次點解決好啲，堅持自己感受，定係順佢意，同埋今後要點相處好

平時我都擅長自己解決問題，但係奶奶心海底針，今次唔知點做好，希望可以比到少少指引我

383

稱呼：Neki
情況：男友有第三者
我哋仲可唔可以繼續一齊？男友愛我嗎
期待你回覆:pray:t3::pray:t3:

384

善意提醒星盤最好唔好公開。delete幅圖，pm番對方。

385

多謝你提醒，因為我唔知係咩嚟:pray:t3::sweat_smile:

386

hello，之前幫你抽過1st draw，幫你排2nd draw。
多謝你一直既支持

387

Hello，your 1st draw。
分析關係：

Description of current relationship: 杯9
感覺其實你地雙方都係情感充沛既人，但係兩個人既情感無辦法交流到。感覺有一種無形既隔閡係度，甚至如果harsh d講，雙方都會傾向將善意"留番比自己" instead of 放出黎大家share去達到情感交流。

你點睇99：杯10
你會覺得99係一個超級情感充沛（變相可以話係敏感，情緒化，不理性）既人，對於家人非常愛護，掏心掏肺型。不過因爲我副牌係用一家狼群家族做畫面，狼群都係出名對自己既領域非常有保衛性，對於外來者好容易會展現出hostile既一面。

99點睇你：戰車
首先99會覺得你有防衛之心，同埋會覺得你好似有盔甲甘，好難"被滲透被影響"、又加上我副牌既戰車係一隻鷹，更進一步感覺就係驕傲而且難以馴服。當99係一頭狼既時候，你就係一隻鷹。感覺雙方看待事物既維度就唔一樣，日常生活中接觸到既層面都唔同，所以好d呼應到杯9果種雙方都情感充沛，但係就有隔閡既感覺。同埋如果你有睇d游牧民族紀錄片，人類會馴化鷹或者falcon黎獵狼，所以……如果我更進一步講，可能會覺得你有更强大既power，99可能因此感到備受威脅。

advice：隱士
感覺係建議你，將你自己既情感收起，無需要講究係咪同99關係真融洽。用返一種，可能係對同事，對客甘既疏離態度去同99相處。

箭豬靈：感覺係建議你，雖然你有好多箭（呼應樓上話你既power其實大于99），但係你唔需要gong起比99見到，或者話，你要清除左你過去對於婆媳關係既舊有印象，eg 可能你之前試過得罪99，跟住好多野就就住就住，或者見到99就覺得好不安，要defensive d。哩邊會覺得係建議你，要清除左哩d舊經驗，去重新同99，用同事mode相處。

綠寶石：自愛
建議你要盡量保護好自己既内心，寧願冷面d，虛僞d。但係都唔好過將自己既心扉打開，從而容易受到傷害。要保護好自己既内心先。

僅供參考。

388

Hello, your 1st draw
做分析

generally your relationship: 劍9
基本上已經係充滿傷害，而哩d傷害已經令過往既熱情消逝。而雙方亦開始互相猜疑同苦惱。

how you see your BF: 錢3
感覺……你反而無好明顯既情感波動，更多既係你見到同BF既關係仍然可以帶來一d實質既益處，可能你地有合作做過d野，投資etc，總之係一d相互合作既野，而哩d野係keep on可以為雙方帶來mutual benefits既，儘管你地romantic relationship上出現問題。

how BF see you: 寶劍騎士
會覺得你變得冷漠，成個感覺變得好蕭殺，而且會feel到你已經好起gong同變得defensive，再無情感可言既feel，而且亦感覺再也無法接近。

how you see this relationship: 戰車
感覺對你黎講，你更會覺得"你d野本身係屬於我既，我只係要籮返屬於我既野"，而反而唔係好睇到情感方面既留戀。

how BF see this relationship： 權1
感覺BF仲對哩段關係有期望既，但係感覺唔係因爲BF仲"愛"你，but覺得"要點燃返感覺，輕而易舉啦"甘既feel多d。因爲權1有一隻手係度，變相會覺得係"只要我願意take action，始終可以重燃既"甘既feel，但係唔似係"我好愛好愛，所以唔想分開"唔似係甘

advice：劍7
建議你play smart，你可以從哩段關係中得到d咩野，就儘快收拾好，然後揾個機會走人。
因爲頭先d牌會見到，你地可能有一d mutual benefits，同埋你有種“屬於我既野”既feel，會覺得呼應到，然後提醒你，快快手手執齊走人。

天鵝靈：建議你dive deep去睇清楚自己既内心。變相會覺得係，你要自己搞清楚，其實你係咪真係鍾意哩個人，定只係純粹不甘心etc，分返清楚之後，你就會知道點樣做出最有利于自己既選擇。

琥珀：意思係learn and gain from this experience。琥珀最出名就係會將其他有機體凝固住，成爲獨一無二既一粒“水晶”變相就係話，所有經歷都會令你變成獨一無二既自己，而哩段關係其實都有令你成長同獲得寶貴經驗。你要嘗試學習去欣賞哩種人生經歷。

僅供參考。

1個讚
389

多謝你，占卜得好準…我開始收拾心情，做好自己…再次感謝你令我睇清楚唔再留戀:pray:t3::pray:t3:

1個讚
390

我覺得你好準呀！因為我老公係外國人，所以你話狼同鷹就明晒了，同埋佢哋本身一家人感情係超級好，我諗我之後都唔好打算做好啲融入佢哋，維持一個外人角度就得
我之前因為佢哋一家人各種有心或無心嘅說話受過傷害，一開始我小綿羊㗎，後來我覺得我做咩要忍呢，起返gong，但係99就嬲咗我了
我諗我做返綿羊，佢哋講咩我都嘗試唔理唔認真聽，不過對我嚟講都幾難做到，好多時我都會聽入心記住唔開心

1個讚
391

樓主你好準呀！可唔可以幫我睇埋今年嘅事業，我仲未有方向繼續做邊份生意，做咗保險5年，做咗藥材差唔多一年（呢份小生意係為嗰個男朋友而做嘅）今年我一定要從頭嚟過…我知道任何人都唔可以倚靠:pray:t3::pray:t3::pray:t3:

1個讚
392

多謝你好詳細既feedback阿，你既情況比我想像中勁:joy: 我以為係純粹傳統中國人99，但係估唔到外國家庭都有咁既情況。

同埋真係見到advise你當打份工對同事咁，努力嘗試唔好情感上心啦:pray:

393

我自己一般唔太advise做forecast既，因為未來會一直改變，forecast出黎既結果都係base on目前不變既狀態去forecast，如果時間內出現變化，個forecast結果就會變化，變相成為所謂：「唔準」

一係幫你排住2nd draw先。哩段時間你cc會唔會目前有一個暫時決定既行業或者工作，我base on哩份工再分析，你cc ok唔OK

394

明白，多謝你，因我自己仲未知自己想點:sweat_smile::woman_facepalming:t2:

395

Hello, 麻煩晒:slightly_smiling_face:

稱呼：K小姐
大概情況：依家間公司做左2年幾，想轉工
想問咩：今年年中想轉工，想問下意見，另外又唔想再打工，自己出來做網店好唔好？謝謝

396

hello, your 1st draw
做兩邊分析，跟住妳自己決定行邊面。

目前你工作方面既狀態：聖杯王子「電影製片」
感覺你考慮上述問題既出發點，真係係為自己內心既渴望為主。meaning 你唔係因為想賺錢，或者想追求地位etc，but係真係為左自己既內心去做。然後亦有種感覺，你知道唔可以再lay back等待，所以你想用翻自己既rational mind，去take back命運自主權，去逐步做翻自己鍾意同想做既野。

如果轉工=keep on受僱，general情況。杯7
你會繼續迷茫，或者叫有個幻像，覺得自己仲有好多選擇可以達到上述既目的，但真實係你只係不停兜兜轉轉，從來都無跳出過困境。

如果自僱，權3
會感覺你搵到屬於自己既使命，然後好熱衷好孜孜不倦咁去創業同去做哩樣野，而哩種熱情係會為妳帶來一個好開端既。

if 受僱，有咩downside需要注意，錢4
你會慢慢係哩個環境裡面僵化，慢慢融合成為當中既一員，更加難以離開分割。變相都有種感覺係會漸漸無左自己，因為已經融合左入去公司或者行業之中，成為做一份子，變相更加無法離開。

if自僱，有咩downaide，權杖公主
第一係，感覺身邊會有好多人質疑你既決定，同埋創業本身都係risk taking d，所以你變相要好小心咁去manage每一樣野，減少自己打沉自己既機會。第二就係你要努力keep住自己把火，因為權杖公主係火土牌，你帶著熱情創業既時候，不免會面臨現實狀態既威脅同壓力，你要係逆境之中仍然keep住對於哩盤生意既熱愛，同創業過程既喜悅，先可以幫助到你keep on going同抵禦質疑，然後發光發亮。

final advice to you in regard of your consideration of 受僱/自僱
權杖國王「超級巨星」
感覺係建議你，你應該唱出自己既聲音，同埋proud of你所展現出來既面貌。只要你勇於表現自我，同勇於追求內心渴望既野，你果種光芒自然會吸引到fans黎支持你，為妳提供協助同支持。

僅供參考。

397

排 1st draw

謝謝！

1個讚
398

Hello, 根據你描述，直接抽睇關係分析。

general 狀態：The Child
會覺得其實你地雙方已經係互相無attachment或者commitment。你地其實已經各自都係自由身，去邊都得——繼續一齊重新commit可以，選擇其他人亦可以。宜家已經係睇雙方自己選擇既時候。

你點睇對方：寶劍公主
感覺你會覺得對方好charm既，可能係好聰明同埋可以帶比你好多樂趣同人生色彩甘，不過畢竟風土牌，我覺得可能你自己都會覺得，唔係好feel到對方對你既感情。

對方點睇你：錢幣6
感覺對方會覺得你似係一個安全感既來源，但係哩種唔係base on所謂romantic love，而係一種好長久厚實既關係。同埋感覺可能對方會覺得你可以帶到一d實際上既幫助比自己，好處係覺得自己被照顧，但係壞處係，變相你地處于一種不平等關係，哩度我有小小感覺對方係想擺脫哩種有d捆綁左既關係。

你點睇關係：權8
感覺可能你會覺得，你地入左romantic關係之後，有d似南柯一夢既feel，好似發左一場夢，夢醒左發現咩事都無發生，咩事都無改變，純粹得心裏面一份留戀。同樣亦有個feel，好似你地 理想很豐滿 現實很骨感 可能你地入romantic之前會覺得好似好美好，但係一齊左之後，有種不外如是既感覺，同埋可能好多野實際相處上你地結合唔到。變相個關係，只能遠看不能靠近——有種黃子華講諸葛亮娶老婆"何須太高清"既feel。

對方點睇關係：杯10
感覺對方都當你係家人，你係romantic關係其實好似好好好好既朋友相處甘，好溫馨，但係火星雙魚牌，配合頭先錢6 feel，感覺對方會覺得哩段關係令自己……耽于安逸，無可以令自己成長既機會同動力，變相成個人係個人成長上會好似停頓左，或者覺得好sluggish甘。

你對關係有咩期望：The Aeon
其實我覺得你會想"結算"哩段關係既。（抽牌好多時講潛意識，所以都需要你自己feel下）你會想清算一下係哩段關係度有咩得著，有咩做得好，有咩做得唔好，學習左，就可以帶住哩d經驗進入下一個人生階段，是爲成長。

對方有咩期望：權杖王子
風火牌。呼應到頭先所講，對方其實好希望可以做自己，可以好快意甘去實現自己想要既野，去追求成長，去追求夢想etc，所以需要一個可以比自己，有成長既理由，有成長既機會，同允許衝鋒陷陣既關係。而頭先錢6，杯10，全部都係一d 傾向泥沼d既關係，好warming，不過對方衝鋒，發展成長唔到。

advice to you：劍9+錢幣王子。
建議你分辨返有邊d係自己既心魔先。因爲宜家見到你好多苦惱，好多野想，好痛苦。
但係我個人感覺，你係紛擾，而唔係情感上好痛心。你係"好亂啊！點算啊！即係點！"似係甘多d，所以要你自己分辨返，可能只係你唔知點算好，而唔係非君不可。
然後都建議你，可以落實地照顧返自己先，因爲劍9太紛亂，你需要好似錢幣王子甘，坐返係自己既garden到，揾返你自己既生活同人生重心先。將自己center返好，跟住先可以冷靜甘去看待哩段關係，同之後打算點處理。

僅供參考。

399

多謝你既建議！我重覆睇左幾次，的確我一直都想跳出打工呢個框框，而且真係有種感覺唔想再拖，你既分析比起出面收錢既更加詳細實際:+1:t2:請問可唔可以繼續問？:pray:t2:
想問咩：應該點樣做先搵到心中想做或者可行既事/生意仔？我都好迷茫
2. 如果留低依家間公司繼續做有無升職加薪？
Thankssss

1個讚