父母香港出生既後代先可以申請？
要父母都是在香港出世，97後出生小朋友才可申請。太多雙非，單非了。
3個讚
起碼父母係香港出世先啦!
吾可以俾的大陸人經香港移民到英國呀!
我驚依家內地部門做大量假香港身份証~ 雖然我覺得英國國會唔會咁易通過, 由其呢條係私人草案, 私人草案通過係有難度~
1個讚
一定行得通，
原因 BNO 係英國海外國民身份簽証，
只要英國承認你係佢嘅海外國民，
就已經足夠。
確實好多小朋友都係97後出世，企就企最前，走就冇份走。如果放寬可以比呢班細路走，我希望攪得成，就算益到班2毛都係咁話。況且，英國唔係傻嘅，一定會有限制
1個讚
支持！香港(以往？)一向所堅守法治精神，寧縱勿枉！
唔好忘記度門係邊個打開！自己走到竟反對再開？
1個讚
即係要英國走出嚟宣布97年6月30號之後喺香港出世嘅人士都係佢嘅海外國民…但97年7月1號起香港係中國嘅一部份，我望落真係唔覺得個邏輯通到
係咪想開放比97前無申請BNO嘅香港人重新申請呀？咁就講得通，97後出世申請BNO就講唔通因為回歸左。而97後出世，父母有BNO已講左可跟父母移民英國，佢哋究竟依家想針對邊類人士先？
唔好寄望太大，應該好難通過
無啦啦俾咁多人移民既話，英國國內會有好大反對聲音
1個讚
邏輯就係⋯⋯英國接受你係海外國民。
你去申請成為 英國海外公民，
英國 接受你 成為佢嘅海外公民，
一個給，一個受，就已經足夠，
大家係諗多咗啦！
1個讚
開返申請俾97前香港出世嘅人士已經好好，一步步嚟先
呢個應該係部分人既主觀願望，會否成真都係要以正常既邏輯常理去考量
即係好似陳小明嘅個人意願係希望李嘉誠認佢做仔，但係小明父母在堂係一個15歲中學生呢一世人同李生或者李生嘅任何一位親戚朋友都冇來往，咁阿李生會唔會認佢做仔呢就係另一回事
其實bno廿幾年黎都唔可以向英國居留，點諗到黎到2021年就可以居英了，正常邏輯左廿幾年都會變啦。
而家有人肯幫手爭取幫班97後嘅小朋友攞居英權，就算幾眇望都唔應該放棄任何機會。
我贊成為冇BNO嘅年輕人爭取對佢哋既幫助，不過都要客觀分析，唔係就只係朝着一個false hope走
英國開放BNO可以去英國居留，係因為中國喺香港硬推國安法，違反咗中英聯合聲明，成件事都係有根有據，並唔係因為香港人努力爭取20幾年所以英國突然大發慈悲
自從英國開放BNO Visa之後，好多香港人突然之間覺得原來會哭的孩子有奶吃，開始好似有個誤解覺得只要自己極力爭取嗌得夠大聲，事情就會順着自己嘅意願去走，呢個真係一個好大嘅誤會
5個讚
該主題在最後一個回覆創建後30天后自動關閉。不再允許新的回覆。