我細佬都係, 賴人既習慣由呀媽學返黎!
不過佢情況有D唔同, 呀媽個時叫佢讀個D 建造業學校, 畢業有介紹去做機場整水喉,
一做做左5-6年, 日日埋怨比人恰唔想做, 埋怨佢呀媽逼佢。
自己又唔去遞信, 又唔諗下點解比人恰 
信我, 佢地只會自己受返~
2個讚
細心諗…我又唔覺係重男輕女, 但係偏心既…
好似我咁, 因為生性而被要求幫個廢細佬就更加嬲!
但無論生性定百厭, 都要因材施教, 唔係一味咩都怪責。
有時我都會諗：生性唔等於要負更多責任，百厭就唔駛負責任咩？
3個讚
百厭果d靠唔住
你有呢個心, 教出來就會好, 放心啦
1個讚
我同老公都做大，好細個就自立唔鐘意人煩我哋，好好彩我哋兩個嘅細佬妹都好生性，識照顧自己同屋企人。
細個嗰陣父母都會有意無意間叫我就下、教下、幫下、照顧下細嘅，不過我好清楚呢啲係父母嘅責任，所以唔會佢叫我做我就做，我都係小朋友黎咋嘛，淨係負責同細妹玩架咋！同埋我覺得細妹都好聰明，唔洗人幫都做到。
我小學已經識問父母「我大佢兩年就要幫佢？咁你大佢三十幾年你唔幫下佢？你要生佢出黎關我乜事，照顧佢係你哋嘅責任喎⋯⋯你忙我都忙呀，我都有功課要做，有書要溫～」
同埋我經常會訓練細妹幫番我轉頭，慢慢佢就變得好主動幫我，所以我好鬼鐘意我細妹
5個讚
你細細個就咁醒
1個讚
我老公咪係做細兼質地冇咁好果個。
嫁左先知佢父母縱到佢乜都唔使做，結果乜嘢責任都推晒落個老婆度。
1個讚
咁咪好似湊仔咁?
咁咪要咩都揹哂上身？
你細個咁串嘅
我老媽到而家都擔心個妹，我話我早搬出去咪又係咁過
1個讚
呢樣都冇變呀，我廿頭就結婚，之後生bb，我媽冇過問亦冇講啲咩，相反我妹其實只係細我好少，佢衣加已經係我當年結婚嘅年齡，阿媽仲會擔心佢夜番等佢門，又唔想佢搬出去住⋯⋯
好彩嘅係我阿媽擔心衣樣嗰樣，都冇令細妹變殘廢嘅，我絕對相信我妹係有獨立能力搬出去住。
衣加都係
我幼稚園嗰時已經對邏輯好敏感，唔合邏輯嘅嘢我會忍唔到口，於是係咁整喊同班嘅Bb仔
1個讚
我老公同你一樣，成日駛佢細佬做嘢，結果佢成為港孩，細佬反而更獨立。
1個讚
我個情況都好似, 細佬讀完書廿幾歲都未做嘢, 反而讀緊書都有返PT…
宜家就賴經濟唔好無人請, 我地叫佢PT都返下啦佢又係懶懶閒
呀媽剩係識同我呻, 話我唔同細佬傾下… 大家都成年人佢唔郁我有咩辦法…
我有時發脾氣話點解我一讀完大學就攞半份糧出嚟上繳(我畢業都係經濟差, 未搵到工我都死去ZXRA 賣衫), 人地仲攤大手板攞錢買嘢出街玩…
呢個時候呀媽就俾返說話我聽話自己都係廢人無做嘢, 我都唔知佢想點
1個讚