你提醒咗我一d嘢…雖然我家人唔係賭徒…
但都係幾年欠債一次…
好似真係cycle 嚟
要你完全唔到賭好難，可唔可以每次賭一百蚊為限，輸晒就走，贏就割禾青，咁贏輸都係有限錢
依個係癮，未必一定係賭，戒賭團契入面有購物狂，有股票（咪又係賭）
對佢地黎講靠自己意志力去戒係200%冇可能！因為病態得就係意志力薄弱，價值觀傾斜。
輸到咩都冇哂個刻一定誓神劈願話唔再賭架，攪掂左d債咪又係再賭再借。然後又一大堆大話
1個讚
唉～中～鑊鑊都係credit card～
沒收身分證啦，credit card 係先洗未來錢，銀行最鍾意就係做冇自制能力嘅人嘅生意
有無故仔再分享下?
有個年輕爸爸,做過幾次小生意,試過失敗,但依家檔生意都唔錯有錢賺
佢一向有買股票,但都好穩健
但有一次,佢被騙子呃咗一大筆錢,佢就好唔甘心,於是就亂買啲期權/牛熊,結果就出晒事,仲走去自殺,好彩最後冇事
於是佢嚟到,我地就開始拆解佢的唔甘心,到底嚟自邊度???係咪因為俾人呃咁簡單???
到最後,我地搵到原因,佢開始了解自己一生到底喺度追求緊啲咩.
有冇人想估吓原因?
2個讚
咁係乜原因呢?
咁係乜原因呢? x 2
自少家貧被睇少，想搵多啲錢換取被尊敬、被愛？
1個讚
真係講得好啱
我老爺都係病態賭徒
賭到按埋層樓執借財仔
老公同阿哥幫佢贖翻都係周期性咁賭
所有人都原諒佢縱容佢
奶奶話兩個仔結哂婚冇人陪佢過世
只有我同老公企硬
我冇比我仔叫佢阿爺
細嗰個亦都冇比佢抱過
要做聰明家人呀，幫佢還就害左。個個賭仔都係演員，衰左就最等人幫佢。要set 好界線，如果賭徒唔肯交出自主權。病態家人預咗冇好日子過
我係過來人家人依d我都經歷過。我明
1個讚
開估啦.其實呢個原因都常見架,就係兄弟姊妹間的比較啦.
呢位人兄家境小康,細個唔算窮,有兩個哥哥,兩個都好叻係專業人士,一個就自己開公司,另一個就係一間大公司做高層,兩個好搵到錢.
到佢自己大學畢業,咁啱遇正經濟差,難搵工,但因為自尊心唔想阿哥幫,加上佢想創一番天地,就自己創業.所以佢好搏,好勤力,但始終都追唔到哥哥.
見到阿嫂唔使做嘢,佢都好想搵多啲俾太太.
所以"唔甘心"係佢嘅心結,唔甘心自己嘅才能被埋沒,唔甘心自己畢業時遇上經濟不景,唔甘心自己創業失敗,唔甘心被騙…於是就諗住喺股票市場搵大錢
心理輔導就係咁,好似洋蔥咁一層一層掀開問題的表層,直至搵到核心
當佢發現原來自己潛意識一直都喺度追求"哥哥的成就",佢就覺得自己好傻.
當我同佢再搵返自己的長處同真正理想時,佢就已經冇晒啲不切實際嘅慾望啦
5個讚
呢個都係常見嘅原因