贊成
我都係中意方便，近鐵好重要
不過近鐵就好貴… 租同買都係， 最後都係睇餸食飯
1個讚
我冇咁怕凍，但都仲係虧底 
我仲有一個奇怪位：我唔鍾意搭鐵，未有政治事件前已經係咁，我住九龍時係地鐵站附近，但我一年唔會搭過五次。我係巴士人，屯門巴士覆蓋率高，所以啱我
1個讚
以前住過新界好多區, 但真心LIKE九龍, 無論返工/Gathering都方便好多, 完全唔使約住時間要早走, 又唔使捱貴的士錢~
朋友住元朗/荃灣，以前日日要 7 點唔夠出門口返學，放學又有活動、學校延課、補習，翻到屋企都夜晚 8、9 點。約佢地都好艱難，唔可以太早太夜太遠，尤其要返工。
屋企人住過曬港島九龍新界 (北區)，外國首都、普通城市、阜仔都住過，佢地都係話港島九龍最方便，返工、返學、醫院複診、買野方便。
老人家醫院複診呢樣最煩，住得遠冇人幫嘅話，好辛苦。
馬灣同愉景灣有海景沙灘，好有渡假feel,但冇街市，出去要搭船，又真係幾難生活
咁你有冇問下朋友點解咁唔抵都仲要住元朗？
個別業主叫價可以好進取，所以買樓真係要格下價，講下價。
但第一城配套，規劃應該好過西環，至少大屋苑管理費平好多。
佢哋以為元朗樓平，冇睇過九龍區 
⋯⋯最後又唔近老公番工，兩家父母又唔係身邊⋯⋯
加油
希望你願望成真，買到dream house
其實如果揀附近既學校，工作，醫院，問題就解決。住新界唔一定要跨區，就唔會覺得遠。
謝謝你! 大家都好好人，BD 啲 JM 互相扶持
dream house 而家可能要轉去英國了，如果要走的話 
我相信天無絕人之路嘅
買餸係超市買， 但我見價錢貴過普通百佳惠康， 搭船又貴，學校廼得國際學校， living cost 幾高
但多空間， 渡假feel的確好獨特， 其他地區取代唔到
真係呢個原因
不過租嘅，過一年就搬得
啱呀， 格價講價一定要。最好睇多幾區， 對各區價格有概念， 比較吓， 先知抵唔抵
第一城 未住過， no comment
配套嚟講， 我住過西環， 衣食住行一落樓就有，餐廳多，唔同菜式、價位都有。社區設施圖書館、 體育館、 泳池都係步行距離。交通就去中上環、 銅鑼灣返工都好近。我覺得都足夠呀
管理費嚟講， 均益係西環大型屋苑，每月管理費$250， 平到嚇親
我以為舊樓管理費普遍都平啲。 第一城要幾錢？
所以真係一次過出去買多啲餸，或者幫襯島內間x佳，不過島內居民好鐘意幫襯HKXXMALL
由細到大住離島 因為屋企人工作關係 唔會搬出市區 結婚後搬咗去新界東 老公輪班制 就佢返工 我搭巴士返工車程雖然長 但點到點有位坐都方便
以前住離島 就好想搬出市區 日日搭船搭車真係好攰 要就船期亦係一個問題 但搬出嚟之後 又好掛住離島嘅寧靜同接近大自然嘅感覺
如果有小朋友或者決定養寵物 都想搬返入離島
親戚住新界離島，係好靚好舒服，但佢唔行得，次次專科複診都要我一家同佢個工人幫忙出入醫院。佢之前住外國大屋，就係因為去醫院唔方便，附近醫院唔適合佢，要搬去香港。佢又唔住得市區因為哮喘嚴重，而且上落唔方便。
新界咁大，沙田、元朗、沙頭角、西貢、東涌都係新界，所以你訂嘅 topic 會惹來好多爭議。你心裏面嘅新界可能集中係沙田、荃灣、大埔呢啲已經開發得唔錯甚至係非常好嘅地方。我諗嘅新界，可能包括埋離島、打鼓嶺呢啲遠到七彩嘅地方。範圍太廣，根本冇得話好定唔好。住沙田荃灣我都覺得好，但大澳、梅窩、東涌呢啲新界地方，點平都唔會住。
問題就係，如果九龍港島嘅選擇同 offer 更多更好，會唔會甘心普通過活？呢啲唔係個個放得低人各有志。好多家長為左直屬、龍校，要跨區讀書。如果留係自己區，未必可以讀到嗰啲級數嘅學校，屯門北區呢啲區，升中一半 Band 1 入唔到 band 1，啲父母又甘唔甘心睇住自己仔女明明係讀書材料但入 Band 2 學校呢？幾值得去諗。
1個讚
我嘅經歷係由九龍最中心搬去九龍遠少少然後新界大西北，我個人係好 enjoy 嘅，不過再搬遠啲呢個夢想似乎都要慎重考慮一下，我老公都唔係好想，佢話出入要佢揸車煩，佢唔想陪我/幫我入貨 
(我冇車牌，唔想害人)
我記得大學有個同學住中半山，間屋應該有二千呎，成個港島景斜落去，我睇到呆咗，當時我仲住喺九龍貧窮區舊樓，佢話佢嗰度買嘢冇我咁方便，但佢係真心(好純品讀女校嗰啲女仔)，唔係潤我，我都唔識答佢，傻笑
利弊大家開心見誠分析下，好開心㗎。
我工作關係去均港九新界，本身住港島多年，當年買樓時都做過好多research 。唔講樓價有幾個區一定送都唔住：
屯門
馬鞍山
愉景灣
荃灣
因為我工作家庭都係以港島為中心點，屯門馬鞍山對我黎講都超級無敵遠，可能好多人話，一程車半個鐘就到啦，但呢程車講緊15-20分鐘一班，你miss 左一班車可能要企喺沙塵滾滾、猛烈太陽既馬路邊等足10-15分鐘。都再未計耐唔耐既撞車引致既塞車。或者可以搭西鐵/馬鐵，講真依家有馬鐵真係方便好多，但可惜馬鐵要係鑽石山或大圍轉車，黎港島/九龍中心點仍有段距離，同等車時間較耐，繁忙時間又無位坐，我覺得係好痛苦的。西鐵線又兜左入元朗先去屯門，每搭一程我感覺就浪費我人生10分鐘既時間遊車河，同埋屯門巴士西隧出港島，信德中心個位其實成日好塞。
但講真其實住邊好唔水好真係好個人，係以你個人活動範圍參照就最好。
升中一半 Band 1 入唔到 band 1唔係好明？
聽講屯門中學有好多band1