老公話想搵sp

未婚生女
依家係男朋友
過2個月簽字結婚。
對我來講2個身份都差唔多

1個讚

雖然唔想開口埋口講性,但佢成日都諗仲難搞

咁平時你地既相處係點?

你擺到自己既地位好低,亦對佢太包容。
首先,每日花一個小時做愛係唔正常既事情,你拒絕係應該,無欠左佢。
但,你都唔應該扮到唔介意佢搵SP , 佢唔識讀心術,可能真係以為你唔介意。你要坦白講出自己感受。
再者,一個月一次又太小,你地可能要搵專業人士幫助下,但呢個唔係一個男人搵SP既借口。
最後,一個真正愛你既男人係唔會因為你滿足唔到佢就搵SP , 如果佢咁做,證明佢係重視滿足自己慾望先,然後先到你。

5個讚

其實除咗做之外仲有其他方法幫你老公,應該試吓先。

婚姻關係係雙方的,講求大家互相尊重,唔應該話有邊邊就哂另一半既欲望,我覺得你係要認真講清楚

你只係佢心中一個性發洩對象/工具

:worried: 背住佢喊好陰功
呀仔有冇錫番你

佢需求都好大
大家唔協調都辛苦
…唔
佢可唔可以淨係睇av打飛機…
同佢坦白你接受唔到真人?

忍得一時忍吾到一世呀!

性 呢樣野應該夾好先有BB(安全性行為係基本對自己負責),亦要夾好先結婚⋯⋯你都明知佢大食你冷感,做乜咁對自己呀?

你男人肯坦白,真係好好!仲要係結婚前話你知⋯⋯世界上真係有咁好嘅男人?

唔係好明點解你會答佢唔介意搵sp​:sweat_smile::sweat_smile:
如果你地係傳統式情侶(姐係一夫一妻非open relationship)
由提出呢個建議果一刻段感情已經瓦解左
奇怪在你接受唔到但又話唔介意:sweat_smile:

一日一次同一個月一次好容易取個中間點,例如一星期一次咁
或者用手/口幫佢解決

世上有好多唔同嘅關係,我唔覺得婚外性行為一定係錯,但無論如何一定要建立喺互相尊重同坦白嘅前提,否則就只係背叛
比起佢搵sp,我覺得你兩個之間sex life仲大問題,例如你話佢整痛你仲要鬧返你轉頭,呢個好唔照顧你感受,佢唔諗下自己技巧點改善先唔會再發生?調返轉嚟講,你對性嘅態度都唔多健康,你又有冇好好教過佢點先唔會痛? 性係好需要溝通嘅一件事
講返老公sp,其實open relationship while married 好普遍,但如果你唔中意,你絕對唔應該扮同意,你扮得到幾時?到你扮唔到落爆煲嗰陣家庭破裂又對老公公平咩? 佢以為你ok喎
我建議你自己explore下open relationship 咩意思先,網上好多成熟嘅couple 分享。如果最後決定接受,你要定清楚規則,咁先唔會發生突然間發現原來佢做咗啲嘢你唔中意亦唔知,例如而家你發現佢sexting
唔係鼓勵你一定要畀佢搵sp,最緊要係溝通同坦白,可能你諗完傾完接受唔到佢打真軍,大家協議齋sexting亦得,咁佢sexting 對象使唔使畀你知?又係要傾出嚟
總之會發生你要匿喊就點都係唔work

2個讚

又老公,又男友,好亂

去找SP…都代表佢心唔定。
SP就唔會有感情?

我只係照顧個B都超級冇精力。。。

坦誠溝通好重要,認清大家需要先長久,
缺乏信任都係會令自己唔開心:tired_face:
所以溝通好先信任

如果調轉你想搵,佢介唔介意?
呢個問題可以睇到,佢係對呢件事本身持開放態度,定係佢根本無當你係一回事。

佢介意

其實揀佢係因為佢真心對我,我由細到大係K性家庭成長。
我啱啱識佢果下,佢眼都唔眨比曬佢D儲蓄俾我。
而且一路都對我好好,教識我好多野、包括人生道理
我以前好無知,無知到連父母打我 我都覺得無嘢,連價值觀都有問題

1個讚

嘩,每日搞一粒鐘,真係好浪費時間

有時候我會諗 佢係咪對我太好,所以好多野我都唔同佢吵,次次都係我收聲同道歉先。
我習慣咩都聽曬佢話,佢話一就一,就算我想做二,我都會跟返佢果套行。佢成日講句:我唔會害你

對我來講都係㗎,每日24小時照護bb
bb瞓左,我終於可以洗碗沖涼執屋,但之後仲要攞一個鐘出來滿足男方⋯
每次做嘅期間我都會就來瞓著,但仲要大大聲叫⋯

1個讚

我對佢不嬲都100%信任,只係知道佢話想搵sp之後,D信任不斷減少

我諗佢都係信任我,我同我父母已經斷絕關係;身邊朋友得返一個女性。我嘅屋企人得返佢同bb;我嘅世界都得返佢同bb
而且我個人比較內向,唔鍾意同其他人溝通,尤其是男性。
我中學比人強過,所以係極度討厭男性
講真,怕我出軌唔信任我,我覺得無咩可能