其實如果佢有生意，可唔可以商量下，叫佢港英2 邊走？英國其實只需要每年唔離開超過180 日就得。
如果你老公唔肯走, 小朋友未必可以住夠5+1入到英藉, 因為有可能要父母都夠期, 小朋友至入到呀.
我同老公嗌交都好幾次，
喊都唔止一次…
佢有bc,小朋友冇。
點都好，一家人，每個人都一樣重要，
呢啲要有共識，要花時間去溝通，
一人退一步，移民咁大件事，真係要慢慢傾，計劃
Me 2 ，我老公話我杞人憂天！
我真係冇嘢講
我勁想走，去完全唔困難，我冇一門手藝，走咗去英國真係唔知可以以點維生，依個先係我最苦惱
老公話奶奶老爺都係香港，建立左既事業又唔敢放棄
1個讚
我都擔心，由低做起無問題，但起碼要生活到，一大班人衝過去，會唔會收銀執貨都爭唔到嚟做，係有d灰，自己未夠勇
我用咗一個月時間，分析不同方案嘅可能性，我c6由想做太空人留港照顧老人家，到而家決定帶老人家過去，辛苦啲一家人齊齊整整
我只係分析，決定權喺佢手上，因為連根拔起，離開出生地，係好難決定，要自己心甘情願，否則將來有苦日子時會埋怨對方。
3個讚
我老公肯走，不過係要到最後年期我地小朋友18歲前先走
但仲有9年呀，都唔知到時香港會變成點
我老公都唔想走
明明佢叻過我好多，係英國都可以做返原本個行，反而我唔得…
依幾晚都瞓唔到，但我唔會放棄 ，我要同化佢
1個讚
我老公都唔想走，因為年紀唔細（四十幾），而家收入叫唔錯但去到嗰邊無呢類型工作，即係要從頭再來，問題係有無僱主願意請呢個年紀既人由頭教過呢？而且仲真係好鍾意而家份工而家間公司，要放棄真係困難
我c6有5張，早幾年公司有得揀調去英國，佢冇申請，唔知佢現時有冇後悔。
佢依家呢個年紀，去英國應該唔易揾野做，所以將來可能係仔女走，我同佢留港。
其實有冇了解過老公唔想走嘅原因？
同佢對將來有咩打算？(包括你同仔女在內嘅計劃)
有聽聞有d人想搵多幾年錢，然後搞投資移民。
心態係投資移民好快就批，亦可任揀地方。
同時亦可慢慢同佢傾。
畢竟係重大決定，把辛苦累積嘅成果抹掉，所有嘢重頭嚟過。加上男人嘅尊嚴、要照顧屋企嘅包袱，唔係想像中咁易放低。
全中
最多你和小朋友申請過去。佢自己留在香港
我身邊好多朋友都係老婆想走，老公懶懶閒。難得我老公同我思想一致，都唔介意由零開始，但我們無BNO，世事就係咁無奈
睇吓有冇其他渠道，唔好放棄 
香港仲有冇得俾你搵多幾年錢?
1個讚
在香港出世，好難話走就走，顧慮都唔少，睇新聞係好嬲，但係咪走左就無問題呢？一世人兩夫妻，攤出來傾下利弊
1個讚
我老公都話唔走，因佢有生意在港，之前問人借錢，未回本。我就好想帶小朋友去英國（娘家在英國），因而家都過梗喪偶式婚姻。
我老公都傾唔掂數，而家決定咗我帶個仔去讀書先，等我讀完申請PR時再睇下佢肯唔肯走
我自己一個帶住個b去都好驚搞唔掂，但又唔想留喺度日日對住老公督眼督鼻