一定要買 要教育下一代事實既真相
1個讚
agree 一定要買
政權會扭曲真相
網絡會被刪改
唯有當時人實體書
我會買本鎮家宅
留比下一代
不願記起 未敢忘記!
2個讚
只係一年 佢地已經想扭曲件事 因為佢地根本駁唔到
1個讚
呃藍屍廢佬 同我地既下一代
藍絲廢老就算喇 我地既下一代一定要知道真相架
我果晚淨係發左個好深刻既夢，夢境中一大班人係一條好大四通八達既隧道入面，著住藍色衫既警察不斷開槍打人
初初我以為只係夢，但之後發生既事真係應驗哂
721當晚睇港台直播，我同老公在家拍枱大叫大哭，講得出口嘅粗口都爆晒，睇住暴行發生，但我地咩都做唔到，呢個憤怒到今日都係一講就會走出黎
8月在外地看CNN新聞，見同路人從機場徒步走出東涌、青馬橋的上鄧寇克大行動，不盡嘅尾燈，我為自己跑到外地風花雪月而內咎得徹夜難眠。從此我會為自己擁有小確幸而感到羞愧。
11月中大圍城，從對面岸都睇得見硝煙，廿多年前自己在此發過嘅青春夢被催淚彈硬生生摑醒。當一個殘暴嘅政權伸手入最高學府，將知識份子、香港嘅未來當成仇人咁打，一切都冇得返轉頭。
呢一幕幕嘅畫面，我一世都唔會忘記；呢一個無恥政權，無論將來得到幾大嘅懲罰，我都唔會原諒佢。
4個讚
當晚坐西鐵返到屋企之後, 坐低睇直播就播緊立場姐姐被打嗰幕, 我仲同家中藍絲講你睇下你睇下發生咩事, 當然佢係港豬唔理, 但我係成個人起晒雞皮, 因為差幾班車嗰個被打的人就係我. 我一路睇住直播, 包括你咁講你唔會令我驚嗰幕同埋市民去天水圍警署報警關閘嗰幕, 個憤怒真係唔知點形容. 再之後好多記者厘埋愉拍警察入村嗰幕, 我當初唔知點解要厘埋, 原來記者一早知道佢地勾結. 嗰晚啲眼淚真係不停咁流.
之後兩日, 傳出流浮山刀手要出來斬人, 成個元朗市水靜鵝飛, 我亦叫父母唔好出街, 當時好似呢個香港已經無晒法治咁, 由黑社會話事.
自此之後, 一年來我只係去個一次元朗, 係因為要坐小巴去行山. 我以後亦盡量唔會踏足元朗.
有呢個帖真係好, 可以令每個人舒發下對721呢件事的感受.
2個讚
very very angry 
我相信雖然一年過去左，但係呢件事對好多香港人都係一個創傷，好需要對其他人分享自己既感受去令自己既傷感舒緩一下
但係唔係話講完出黎就要忘記，而係好好咁整理一下自己既情緒繼續上路，我唔知道要幾多年721呢件事先可以平反到，可能好似鄰國64咁，30年都仲係咁… 但希望我地咁多人都真係never forget never forgive，亦都好好同我地下一代講番事實既真相
1個讚
你講得岩，過去一年簡直係大時代，又有邊個會諗到去到今日，將抗爭隔入哂生活
我都好希望佢地得到懲罰既一日儘快來臨，大家一直要堅持落去
2個讚
該主題在最後一個回覆創建後30天后自動關閉。不再允許新的回覆。