一個721
一個831
兩個都令香港人好嬲 
721前我覺得香港係法治社會，721之後發現法治原來死咗好耐… 只係我哋一直唔察覺
1個讚
我果晚一路睇一路喊，喊完都默默垂淚。然後發現呢度已經唔係香港。
有啲片我都係一年過後先肯睇番
太傷感太震撼
個晚非常憤怒, 半夜仲係網上周圍搵有冇新消息.
而家都仲係好憤怒, 但個種憤怒理性好多, 會諗仲有咩可以做到.
Same, 仲要係長遮，短遮唔夠力。
個陣覺得好荒謬，但係而家呢啲荒謬嘅嘢都日日都發生
721 真係香港人永世難忘。
唔好以為呢件事會拖淡咗 .
永遠記得警黑勾結冇後果！！！
諗冇警時分條友真係白痴
1個讚
佢個劇本本身係想好似幾年前旺角咁樣，令到香港人覺得需要警察
但係元朗個班玩大左，上哂身，起勢咁打
一定要追究到底
啱先傷者記招有個林婆婆一年後的今日都依然靠食葯先訓到，講講下就喊埋
創傷後遺症
好記得個日約咗班好耐無見嘅朋友出黎食飯，其中有個住大埔，我地都好擔心佢唔知返唔返到屋企，另外又有2個朋友去完書展，咁啱上咗個班車，佢係咁講返當時情況，同連登講嘅一樣，超恐怖。個晚好夜都訓得唔好，第2日仲發燒病咗。
本來以為個人無咩野，月頭要入屯門，唔識路搭西線，點知一行入車站大堂，我就已經浮晒當日D 畫面出黎，架車由荃灣西入緊元朗，我都唔知自己緊張D咩，總之就緊張到成個人呆咗，一到浮緊D好零碎嘅片段，直到開咗車門見到個閘門個樓梯，就覺得成件事好似係面前再發生咁，個人好驚又要扮無事。直到架車開走咗我要不停咁深呼吸叫自己冷靜，另一半見到我係咁捉住佢唔出聲，都感覺到我個時成個人緊張到僵咗，好彩走個時朋友教搭巴士先鬆一口氣。
我真係唔明點解，仲會有人會搭西鐵出元朗。
2個讚
上年721，8點幾先同老公喺金鐘海富走人，
食埋飯返到屋企10點幾，沖完涼一睇直播
嬲到呢世女識嘅粗口都講晒出嚟
狂打999，冇人聽
狂打元朗警署電話，冇人聽
又嬲又擔心，跟手執好個廳
因為屋企近西鐵站，預備畀返唔到元朗嘅手足上嚟我屋企度暫住一晚
跟住就一直同老公睇直播，一路睇到喊
根本全晚冇瞓過
3個讚
不想回憶，未敢忘記 
1個讚
去年的七月二十一，我帶著小朋友去東京迪斯尼玩。半夜碌FB才知道元朗黑鄉打人。我徹夜難眠，從此在我眼中香港警察＝黑警！
1個讚
好震撼，唔能夠相信會响香港發生
當晚睇緊西環直播，好擔心班物體會大開殺戒，
突然見到好多留言元朗出事，
轉咗去睇林卓廷FB，
已經見到佢哋喺閘口俾人圍緊，
跟住，一直打一直打⋯⋯⋯⋯
好震驚、好憤怒。
我或者算半個元朗人，我出世嘅時候外公外婆已經喺元朗住（唔係圍村人）
一直到外公去世。
我結婚，都係喺元朗佢哋屋企嫁出去。
嗰晚，真係無比心痛、心寒。
一直都知，班牛屎圍村佬唔講道理，生蕃黎嘅，
但估唔到，佢哋香港人打香港人，喺香港土生土長，但仲衰過新移民。
仲有嗰班物體，竟然墮落到咁嘅地步，
唔好話枉為香港人，簡直係枉為人。
無得救，唔使再俾機會佢哋，可以一世標籤佢哋係禽獸。
不過，上年令我最最最憤怒嘅日子唔係721，
係831。好快就到⋯⋯
2個讚
因為721，決定左要移民
HOCC轉發721地鐵車廂內的恐襲五分鐘
應該冇幾多人有勇氣完整睇完
即使肯睇，但五分鐘都覺得有一日咁漫長
條片一開波已經有男手足不斷大嗌
“囡仔企入面，囡仔企入面”
“唔驚嘅，有我頂住” 
2個讚
當晚一直睇住立案姐姐開live 係元朗站，睇坐俾人襲擊和好多慘叫聲
。 再睇新聞警署原來有營業時間，會拉閘… 完全唔相信警察可以唔幫市民。真心可以好無助。 後日日子已經唔相信香港警察和法治。決心離開香港