of course NOT!
有咩原因佢哋要上嚟先
冇所謂,扑緊野就叫佢地在門口企下先,等唔到就翻屋企
5個讚
我一定唔會俾，後患無窮
男家果邊千祈唔好，易請難送。收返條鎖匙果陣就一定新抱係衰人，唔關個仔事。
2個讚
俾之前真係要
諗！清！諗！楚！
我有俾我媽，so far 都無乜大問題 ~
之前俾過奶奶就出曬事！！！
佢會失驚無神出現，襯我哋返咗工，又貢上嚟巡視家務 
打死唔好俾！你俾咗實後悔！分開住都冇晒自由，仲要突然衝上黎你先驚！係完全諗唔到要俾嘅理由，甚麼約法三章都係餌
當年我直頭同我老公講，如果99一定要鎖匙，你2母子住埋佢
嗰陣我地屋細，乜都開放式，一入門口已見床，我仲開玩笑式問佢，如果有日我地搞緊野，你媽突然殺到，你會著衫先定底褲先？
佢冇聲出
1個讚
係遮住奶奶
双眼先！
1個讚
溝通好重要，
先講清楚守則，
四老須然有鎖匙但入門前都先按門鐘先，
唔會午晚入你屋參觀呀！
千祈唔好
一定唔可以比, 我果陣因為2公婆要返工, 跟唔到裝修, 6299唔洗返, 就拎左鎖匙, 之後就pk了, 日日都喺我地返工果陣上黎, 講緊我通常7點9出門口, 但佢地會7點10就開鎖匙入黎 
大佬丫有時遲左少少出門口都怕佢地忽然爆入黎, 恐怖到一個點!!結果寧願自己再早啲出門口算 
我兩邊都比左，兩邊都無自己衝上黎
宜家生完小朋友，唔介意奶奶係度住望住工人湊b等我兩公婆返工
Ps 奶奶煮餸好過工人，奶奶住得耐反而係工人唔夾（有人監佢做野）
我都係類似咁嘅情況俾咗鎖匙，之後就慘了～我記得有次我仔發燒，兩三點無啦啦開門入房，嚇鬼死！話咩擔心個孫 ! 俾我老公趕走咗之後，大概7點又嚟。你話係咪人都癲
我地有主動比，但講得好清楚上黎之前一定要話比我地知，我同奶奶講，你知我地2個係屋企幾唔鍾意著衫架啦
唔好俾，千期唔好做令自己後悔嘅事。
我唔俾都日日走上黎，永遠無通知聲，日日係大堂嘈，仲要問都唔問姐姐唔俾情況下帶走左我仔，癲到夜晚十點先返黎！
我地住得好近
個時新入伙就成日自己自出自入，中意幾時黎就幾時黎，唔會通知一聲
之後住多排，我就借啲意改密碼先甩難
1個讚
溫柔地反問返你老公「我哋親熱緊佢地突然開門咁咪好尷尬囉…」
咁樣佢應該識點應對佢父母
1個讚
我爸爸媽媽有，因為佢哋住得近，我又大懵， 唔記得帶鎖匙出街有救星
之前同老爺奶奶住得近嘅時候都有比老爺奶奶，都係因為想有救星
但係大前提係我老爺奶奶爸爸媽媽全部都係正常人，一定唔會失驚無神上嚟我屋企，我先至比得落手
我都有比 但四大長老上黎一定會講声
我有畀，佢哋通常日間先會出現睇孫，我返左工，唔會理。星期六日佢哋好少上來
6299冇問過我地，而我地亦唔會主動比佢地。知道99個人煩到核爆又八卦，所以如果比佢，佢一定時不時就走上黎！咪搞我！
一家一主，唔好侵入我地盤⋯⋯