我哋唔識嫁，而家先開始睇，第一樣係先決定幾時過去，過去讀咩，決定左就開始睇學校，應該會搵agent 攪
Thx，搵agent應該簡單d，最少佢地比到專業意見你。如果讀私校，你地會一齊過去嗎？還是只是小朋友過去讀就算？
我應該自己攪，上網要搵下資料先。
當然明白越早過去越好，但其實仲有好多考慮，開始研究英國學制就明白，要入一間好既中學，grade5就要考11plus，如果出年去，我兩個剛剛一個過左，一個一去就要考，咁既情況肯定唔會有好好既成績，如果中學入到一間唔係太好既，後果可以想象會點（入私校既不在此限）。再加上我兩個係香港既學校都唔錯，我肯定兩個讀上去都會係幾top既學生，所以我研究時就多一種考慮，其實都係會以孩子利益為依歸，現在過去比較好？還是再過一陣子才比較好？都要再研究。
不過呢個只係我既情況，如果未有小朋友，或小朋友初小或幼稚園，就立即過去係比較好既，因為仲有好多時間鋪排佢地既升學路。
希望多d有經驗既父母可以分享下。
1個讚
無諗住讀私校
搵公校讀
公校好嗎？係咪即係state school?你搵左學校未？
我仲煩緊應該點搵，係搵左學校才決定落腳點？還是先決定地點才搵學校？
State school 對呀
我無咁多錢比佢讀私校
應該搵左落腳地點先搵學校
我近日睇升學資料，去EK 睇睇，果邊家長應該多d 經驗，見到有人問bno 移民讀書，其他人就回應提醒樓主，唔好响果度問呢d 問題，怕引起口角，呢一個又話冇人會攞Bno 去讀書，原來EK 都係好多Nancy
1個讚
應該會配合埋bno 移民，一家人一齊走
1個讚
EK黎黎去去幾個人，仲小人過BK。
唔會去果邊問了，冇咩建設性既討論，一係只有show off，幾百個回覆東歪西才有一個JM比到意見，仲要通常比到意見既都係唔活躍既JM，好難等到。
2個讚
我都係睇番晒舊po , 有類似就入去睇下，攞下料
舊料有冇咩有用資料？
我今朝上網搵，開始對英國各城市、學制有d頭緒。我唸我暫時好似上面既JM講，傾向State school。 
因為我小朋友而家f2, 想睇下咩時間過去會好d , 有人話讀完f3 過去讀y10, 有d 話讀完f4 ,過去讀1年gcse課程考gcse, 有d 人話讀完f4 就跳y12 讀alevel , 而家只係睇左呢d 咋，學校未有頭緒
其實唔駛考慮太多，要走，一定越早越好，無乜可以會兩年後好過一年後
我有兩個小朋友，我無你地一個嘅問題，因為就得一個，就唔到另一個，即係唔駛考慮，大不了讀一年之後轉校囉
F4可以跳y12咁特別？我都唔識。
不過我唸如果你都係唸住讀私校，你大學都係預左比international student價錢？咁幾時出發完全睇你地需要，想搵多d錢還是想比小朋友早d適應，每個人考慮都唔同。
請問你搵到學校未？將會去英國邊一個地方？
大家分享下英國升學資訊。
我只係知道，有d 學生F4,5 過去英國讀alevel, 因為果邊課程唔駛讀咁多科（同dse 比較）,考完alevel 再番香港讀大學，好似容易過响香港考dse
你唸住佢返香港讀U?
唔係，只係講而家有人會咁做，如果移民，就唔會返來讀U啦
無地址係唔會搵到學校，我其實未知去邊落腳，如果好多不明朗的話，會用親戚地址，london zone 4-5
或者如大仔有英國大學offer，policy又可以俾我地兩公婆前後腳走，我會住大學城附近，始終佢要監護人响特定範圍
所以，未知，我只知我好想走，其實仲有一招，佢用student visa 帶我陪讀，陪讀visa 唔可以搵工，去到英國再轉bno visa，咁就賣甩老公
你地有親戚比意見，而且你仔都大學，就唔需要好似我唸搵咩中學和小學既問題了。
不過我睇左一個朝早既資料，都開始有初步頭緒了。