開估:::
多年前崔同王係同一隻船上面嘅水手，有一次出海遇難，崔王同幾個其他
水手飄流到荒島。沉船時崔受傷導致眼盲。
時間一日一日過去救援都冇黎，大家又餓又攰，眼見生存機會愈來愈渺茫，王提出，大家切咗自己隻左手出黎食保命 (救嘅人係"自己")。
崔同意，於是大家攞刀出黎切斷自己左臂… 呢個係崔嘅諗法，事實係，王同其他船員夾埋呃個盲人，根本只有崔切斷自己手臂。佢地本來諗住趁崔唔覺食少少佢隻手吊命，又或者崔會流血過多致死，佢地就可以食咗佢黎保命。點知崔命大，冇幾耐就捱到有人黎救佢地。
多年過去，王因為內疚一直同崔保持聯絡同照顧又盲又殘嘅佢。點知一次生日會上面，崔吹完蠟燭王就反射性咁拍手，有兩隻手先可以拍到手! 崔好震驚咁發現原來王當年係呃佢，咁多年黎連佢身邊嘅人都夾埋瞞住佢王係健全呢件事，崔好嬲好嬲，最後決定買兇殺咗王報仇。
我都係返到公司問我同事有無聽過 佢話有聽過所以講左答案比我知
