想生女
結果生左仔
不過而家覺得仔都好，可以粗養，衫褲慳一筆
第一胎想生仔，因為老公&身邊長輩個個都想抱孫仔==
結果生囡，生完覺得好彩生囡，因為生囡真係好貼心好錫媽媽
我同老公都想生女,第一次陀B,照到8、9成係女,開心到呢~可惜,未出世就成為小天使…之後生左個仔,知道佢係仔果刻我真係超失望…因為我只生一胎,佢係仔,即係我生唔返我個女出黎,個女永遠消失…
好彩仔仔依家都好得意,成日引人笑,我好愛佢~不過老公成日講如果佢係女就好、點解唔係女,etc…我夠想有個女啦,但佢係仔仔呀,可以唔要咩?!仔仔都好得人鐘意!
好想生女 
身邊既親戚朋友個個都想我生女
我老豆仲話我生女佢就送金鏈俾我同bb，生仔就唔洗諗
好有壓力 
喜歡同性別多啲，如果可以揀，兩個仔。可以老左奴役佢地粗重野
女要錫住養。
女唔係唔好, 依呢個年代早熟，擔心多啲，同女仔始終情緒敏感啲。
身邊親友生仔多?
咁請係好唔科學，但睇番身邊既人都有家族影響咁。。
有朋友有3個哥哥，自己3個仔。
有朋友祖父3兄弟，爸爸2兄弟，自己同堂細佬都係仔。3代無女。
有朋友家族同輩生10女2子。子都係最後追番黎。
當然唔科學啦，只係觀察發現有圈子既人係咁。唔知你地有冇?
呀爺個代生左4個仔2個女
呢4個仔又係分別生左4男2女
仔。
因為唔洗同佢梳頭髮，唔洗著公主裙，唔洗搽指甲油…
唔洗買公仔，森林家族…
可以求其執兩件衫畀錢走人，唔洗特別為買衫褲鞋襪煩惱…
1個讚
仔。無咁多野要擔心，除左唔夠高。
女仔好多野都擔心又用錢多，諗起去到8，9歲就黎M，真係暈覺得咁快就無左童年咁。
女, 由細到大都想生兩個女, 兩姐妹有傾有講有商量, 可能我本身都係兩姐妹啦… 但依家都係得一個女, 但都唔錯, 兩母女咩都可以傾, 護膚, 扮靚, 講是非, 去旅行, 睇oppa… 咩都可以傾… 
1個讚
仔好D，唔駛擔心佢夜返 XD
成屋都女人wahahah
agree!
想要仔、純粹覺得仔易照顧、又唔駛又買衫又買鞋。
最後如願以償，返學同佢買文具佢零興趣、求其比個拉鍊袋佢就做筆袋。文具直接買中華牌鉛筆同staeftler刷膠加把透明間呎就用一年。
鞋就一對返學一對出街。
朋友有女、佢話一年級已經買左五個筆袋、全部文具都要有公仔
、 出街鞋都五六對。
不過女係窩心好多。
係！我大女2歲但遺傳左我鍾意扮靚
會起身搵靚衫換，一齊查面，查lipstick（買左bb潤唇膏比佢
）
我鍾意整甲，岩岩買左無毒peelable兒童甲油比佢一齊玩！
我老公都係淨係鍾意女 so far已有兩個bb女
佢仲想要多個佢成日親自揀裙買比佢
見到我買比佢玩既扮靚野佢會話會唔會太得意呀
由頭到尾都想要女，如果生個仔我一定會再追，好彩係女我可以收肚
老公本來話冇所謂但聽得出傾向仔，照到係女佢同我講唔緊要我話你呢句留返比自己啦我已經開心到彈起喇。結果依家佢錫個女仲誇張過我，鬧完個女又驚佢嬲要搵位氹返佢，連個女都開始知點對付爸爸前世情人呢個term真係改得好貼切
咁想生女係因為我見到屋企d仔嘅表現，大時大節得我同阿妹會搞活動，有事時得我哋打電話問候同處理。d仔好似長期失蹤咁，連whatsapp都懶講嘢。
1個讚
有仔有女！
但係見到人哋得一個，勁輕鬆！
有時又覺得「後悔」拿屎上身！
女，結果兩個女，老公想一仔一女，但佢臭脾氣既性格最終講句：好彩兩個女，如果有個仔可能都同佢大戰左，佢原生屋企包括親戚都生仔，所以呢兩個前世情人食住佢，尤其大果個成日搵老豆苯…點都有d公主病咁，激到我彈起，好彩細果個成粒開心果咁又勁窩心。
生女，女夠乖丶夠貼心
只要你諗到你老時病時個樣，我肯定九成人都會想生女
我話嘅