依家講係幫BNO”鋪路“入藉(入藉最低要求係要住到5年）,入唔入到，都好視乎有冇工作可以令你留足5年…（不過到時詳情冇人知…）
現行做法係已經有英藉的人可以申請配偶仔女(18歲前）去，配偶仔女又要5年先可以入藉(不過呢5年拎family visa都有福利)
如果真係BNO平權，都唔好覺得可以立即一家大小可以移民…英國一路都已經有配套俾非英藉家屬入藉
所以都係個句，裝備自己，練定英文隨時可以考ielts或英文試，足夠儲蓄(啲錢係唔可以郁)，增值自己，等一天機會來臨。
黃世澤Youtube出左最新bno平權分析，大家有興趣可以去睇吓…佢最主要講大家唔好俾出面資訊spin左，有得走亦都好走
2個讚
點解可陣會俾中共收番又無問過香港人
哎
你講緊果D係現行做法。而家BNO果壇都唔係正常既現行做法，所以佢地會另外處理BNO holders家屬一D都唔出其。當然而家無人知佢地到時搬D乜出黎啦，所以暫時又唔洗睇到咁負既，咪等下囉。
就算佢地要“有能力”既人，咩叫有能力？有手有腳係咪有能力？同香港一樣呢D大城市都係無人肯做下欄野，佢真係開BNO，只要你真係好想好想去，你就會有能力。
1個讚
我都睇左，佢講嘅重點：
- bno草案二讀再延後，係因為武肺，其他草案都一樣延遲，並唔等如英國放慢手腳
- bno平權由上年12已經提出，當時都未有立國安法嘅消息
- 一如以往佢對香港情況睇得好灰，有外國passport最好考慮走，做好準備
- 香港將會迎接好黑暗嘅日子
，但亦因為咁，bno平權係一定會成功
1個讚
我老公都話今次英國政府好罕有地企得好硬。平權就唔知，但佢都覺得有機會成功extend到1年。
其實呢個已經開左道逃生門，一家大細無條件過左去先，用一年時間settle好生活，一年後轉study/working visa留低。
p.s. 我唔想走，唔捨得走
明嘅，一家大細有野做、有書讀唔係話走就走，始終個根都係呢度⋯
還有父母呢 
係咪一家大細都無條件就唔知，只不過真係多左個出路。
最煩係父母唔走，自己想走 
但其實父母都未必會走到，就算佢地有BNO，放寬個條件係要喺英國有工作有交稅先可以再extend同住夠一定年期攞BC… 咁一把年紀嘅父母仲點會走到？
有bno走都無咁煩，係得特區護照都唔知點搞
其實有Bno 唔代表一定要走，而係多條出路
3個讚
唉，成副身家都唔夠10萬，又無學歷，灰左
我地呢啲無學歷英文又唔識多隻，又無錢同專長嘅預左無得走，亦唔敢生小朋友，諗起都灰
你意思是，你是成人，想帶埋父母走？還是你是學生，想父母帶你走？
如果前者，父母唔想走就由佢，佢地無幾多年，唔想周圍走好正常。你自己走就可以。
如果後者，就出國讀書。
1個讚
一把年紀還好，唔會對著個政府太耐
唔會對英國有期望，任何一個國家的人民，都唔會接受一夜間多左幾百萬人湧入。將心比己，你是英國，都只會接收有技術或有錢的香港人，而呢批人正正是全球都需要，無地方會抗拒，皇帝女唔休嫁。至於剩低的，難聽點講，根本無能力走，走到也只能會低下層工作，還是留低做順民吧。殘酷但是現實。
1個讚
你講果D有技術有錢，叫做技術移民同投資移民。而家情況唔一樣嘛。
點解咁多人咁快就灰呢？人地乜都未公佈。
3個讚