我記得五六年級派 M 巾，但冇 talk 冇任何野，當時大部份同學都未黎 M，所以啲 M 巾帶返屋企但我屋企都冇人需要用，丟埋。六年級 GS 要考生殖系統，勉強係教左。
一直都冇任何 talk 教用 M 巾，到中六津校先有正式性教育，第一節係講 “男女身體接觸”，個講者問我個男仔跌落水，我救唔救佢，我話 “唔救，因為我唔識游水，個男仔又重過我，我跳埋落去會兩個一齊浸死，而且冇人打電話 call 白車” 個講者都唔識點樣回應 
第二節就係教用安全套，個模型係黃色膠 model，同小學生啲體育堂套膠圈嗰件野差唔多，毫無真實性。
基本上所有都係上網自己學識。
70後，靠5年級簡單教男女身體構造唔同。好似初中聽talk派m巾，但無教點用，完全無講過condom點用，懷疑當年可能唔知有condom
香港保守到爆！
個個都好似唔講就當唔會發生，就算講都係用威嚇手段
一黎就話有性病好恐怖架
覺得應該要教多啲點樣安全性行為、事前事後有咩要做、萬一有左後要點處理etc
自己係靠睇書學，好多野到真係拍拖有性行為先google，心諗當初有人教就好
你哋六年班都仲好少人嚟M喎
我記得我嗰陣時五年級已經有至少三分一同學嚟左M
六年級應該至少三分二人嚟左
落水救人嗰題都神經嘅
咁唔通有個女仔浸親男救生員又唔救咩
咁有女仔心臟病發男人又唔可以幫佢做心外壓同解開件衫貼AED機貼紙咩
當時我幾肯定唔多，因為大家都問 “咩黎架”，望到一大箱以為係派文具。我屋企冇人用，學校唔教，所以我完全唔知乜黎，攞到返屋企阿媽黎手 dum 左。
中一就真係大部份已經黎 M，得我同另外兩個同學未，佢早過我，另外嗰個同學係自己雌激素低要食藥，好似中三四先黎。
第一環節學嘅野真係冇乜用，小學雞內容。
認真，學得最多都係 “毒品” 呢個課題，小學 GS 要背，12 年都有超過 3 次講座。
毒品講座又真係係好多 
我諗我聽過成十次
不過其實真係好悶
覺得同自己距離太遠
而且講嚟講去都冇新意嘅
啱呀 事後丸呢樣野我好似都係高中先第一次學
好多時避孕/安全性行為又只係叫你用安全套同女用安全套(呢個我完全未見過實物又未見過有得賣)
但係又唔會比實物你睇同教你用
其實唔講性交 我覺得性教育都仲有超多野要教
例如棉條，月亮杯呢啲都完全冇教過
「避孕丸」其實唔一定用嚟避孕又係冇提
仲有唔少男仔以為M巾係直接貼係下體
或者以為女仔嘅尿道口係陰道入面
講落好似以前毒品講座又真係好多，仲有賭錢、吸煙都唔少，相比性教育真係幾乎無。
不過感覺如果有性教育講座應該好容易會起哄
而家早發育， 我阿媽話16 歲先嚟M
我自己五六年級嘅同學， 就大部分都未嚟
細個小學得護苗寶寶 中學都有性教育講座 但都係離唔開俾人性侵犯要點做
反而好多理應要知既性知識 例如係月經杯點用 又或者點樣戴套 任何避孕既野都唔係100%避到孕 搞完野之後女仔應該要飲多D水去降低感染陰道炎/尿道炎既機會等等 都係大個左上網睇番黎 (有錯請指正 
呢啲完全冇講啊！都係自己學返黎
其實事前事後沖涼、飲水屙尿呢啲好重要…
但佢地就一尾「唔好上床啊會有bb又有性病」
避而不談，大佬咁有朝一日都會有性行為，唔通到時就會自己識咩
棉條呢樣野係我靠google學返黎…
如果當初佢地有教就好
同埋佢地魔化左避孕丸，到今時今日仲有好多男女覺得好傷身、唔會食
印象中學校冇咩點教。中學時響街到有人做問卷調查，問人性行為會唔會用套，我答唔會，心諗如果用咁點生BB，亦唔明點解電視成日叫人用。我當時個腦裡面係冇婚外性行為lee樣野。
而家啲避孕丸副作用真係好細
我個人食完覺得最明顯嘅副作用係皮膚好左同個胸大左少少
而且M痛同量都少左
去旅行同考試都唔使怕M到
00後已經會食避孕丸？
90後表示周圍甚少聽聞
外國好多女仔都識，要黎幫助調節月經，我都係大學見到鬼妹檯面有盒，佢先話俾我知，最搞笑係佢係過我仲要未夠 18。
香港就少好多，係聽過痛到返唔到學嗰啲，醫生先建議食。
作為男仔一直女仔要來M真係好慘，見身邊有D朋友都真係好痛
同埋見樓主解釋真係覺得當年都完全無性教育（至今一直感覺避孕藥副作用超大）
我有個中學friend都係食避孕丸調經。有次搜書包搜到出黎，Miss叫左佢出去，搞左好耐，要放學先見返佢。
佢猶有餘悸咁講比我聽，原來Miss見有盒避孕丸所以叫左佢出去問話。佢解釋係調經用，Miss唔信，打比佢阿媽問，好彩佢阿媽都知所以幫佢解釋。佢話miss到最後都半信半疑。
我係痛到入過幾次院所以好細個已經
身邊有人係暗瘡太勁所以食